ເຈົ້າໜ້າທີ່ທ້ອງຖິ່ນ ເປີດເຜີຍລາຍລະອຽດຄວາມເສຍຫາຍ ຈາກເຫດການດິນເຈື່ອນ ເນື່ອງຈາກຝົນຕົກໜັກໃນພື້ນທີ່ພູເຂົາ ທີ່ເກີດຂຶ້ນໃນເມືອງໂຣຊາສ ຂອງໂກລົມບີ ໃນຕອນເຊົ້າຂອງວັນທີ 21 ເມສາ ທີ່ຜ່ານມາ ວ່າ:
ມີຜູ້ເສຍຊີວິດຢ່າງໜ້ອຍ 17 ຄົນ, ບາດເຈັບ 5 ຄົນ ແລະ ອີກ 13 ຄົນ ສູນຫາຍ.
ລາຍງານຈາກ ສຳນັກງານຈັດການຄວາມສ່ຽງໄພພິບັດແຫ່ງຊາດ ໂກລົມບີ ລະບຸວ່າ:
ເຮັດດິນເຈື່ອນ ເຮັດໃຫ້ອາຄານບ້ານເຮືອນ ພັງເສຍຫາຍຢ່າງໜ້ອຍ 8 ຫຼັງ ຖືກຝັງຢູ່ໃຕ້ກອງຕົມ.
ນອກຈາກນີ້, ເສດດິນຫີນ ຍັງປິດກັ້ນທາງຫຼວງສາຍ ແພນ-ອາເມລິກາ ແລະ ບໍລິເວນຊຸມຊົນໂຣຊາສ ທີ່ຢູ່ຫ່າງຈາກນະຄອນຫຼວງໂບໂກຕ້າ ເມືອງຫຼວງຂອງປະເທດ ໄປປະມານ 630 ກິໂລແມັດ.
ປັດຈຸບັນ, ເຈົ້າໜ້ານທີ່ກູ້ໄພ ຍັງສືບຕໍ່ຄົ້ນຫາຜູ້ເຄາະຮ້າຍ ໂດຍນຳເອົາເຄື່ອງຈັກກົນໜັກ ມາເຄຍເສດດິນ ແລະ ຊາກເປ່ເພອອກໄປ.
ໃນຂະນະທີ່ ປະທານາທິບໍດີ ອີວານ ດູເກ້ ຂອງໂກລົມບີ ກໍໄດ້ໂພສຂໍ້ຄວາມໃຫ້ກຳລັງໃຈກັບຄອບຄົວຜູ້ເຄາະຮ້າຍ, ສ່ວນສຳລັບຜູ້ບາດເຈັບ ແມ່ນຖືກພາຕົວສົ່ງໂຮງໝໍ ເປັນທີ່ຮຽບຮ້ອຍແລ້ວ.