ສຳນັກຂ່າວ ບີບີຊີ ລາຍງານ ໃນວັນທີ 15 ພຶດສະພາ ວ່າ: ວິກິພີເດຍ ເວັບໄຊສາລານຸກົມເສລີ ຖືກປິດກັ້ນການເຂົ້າເຖິງ ທຸກພາສາ ໃນປະເທດຈີນຮຽບຮ້ອຍແລ້ວ ຫຼັງຈາກຖືກປິດກັ້ນການເຂົ້າເຖິງສະເພາະພາສາຈີນຢ່າງດຽວ.
ມູນນິທິວິກິມີເດຍ ອອກຖະແຫຼງການຢືນຢັນຂໍ້ມູນຈາກ ລາຍງານການກວດສອບຂອງອົງກອນ ໂດຍນັກວິໄຈການເຊັນເຊີອິນເຕີເນັດ ວ່າ:
ເວັບໄຊວິກິພີເດຍ ບໍ່ສາມາເຂົ້າເຖິງໄດ້ໃນປະເທດຈີນ ທຸກພາສາ ນັບຕັ້ງແຕ່ທ້າຍເດືອນເມສາ ທີ່ຜ່ານມາ ໂດຍທີ່ທາງມູນນິທິບໍ່ໄດ້ຮັບການແຈ້ງຂໍ້ມູນໃດໆຕໍ່ການເຄື່ອນໄຫວດັ່ງກ່າວ.
ທັ້ງນີ້, ວິກິພີເດຍ ຖືກປິດກັ້ນການເຂົ້າເຖິງຈາກອຳນາດລັດຫຼາຍປະເທດໃນໂລກ ເຊິ່ງຫຼ້າສຸດເກີດຂຶ້ນກັບ ຕວັກກີ ໃນປີ 2017 ແລະ ເວເນຊູເອລາ ໃນປີ 2018 ໂດຍມີການປິດກັ້ນເປັນບາງສ່ວນ.