ຫ້ອງການ ບໍລິການປະຊາຊົນ ກຸ່ມບ້ານນາເຕີຍ ເມືອງຫຼວງນໍ້າທາ ແຂວງຫຼວງນ້ຳທາ ໄດ້ເອົາໃຈໃສ່ແກ້ໄຂ ປະກົດການຫຍໍ້ທໍ້ ໃນໄລຍະ 6 ເດືອນ ຕົ້ນປີ 2019 ໂດຍສຸມໃສ່ຄຸ້ມຄອງເປົ້າໝາຍຕ່າງໆ ຢ່າງຈິງຈັງ.
ພັຕ ກອງຄຳ ເກດຄຳຊາວ ຮອງເລຂາຄະນະພັກຮາກຖານ ຫົວໜ້າ ປກສ ກຸ່ມບ້ານນາເຕີຍ ໃຫ້ຮູ້ວ່າ:
+ ໃນໄລຍະ 6 ເດືອນ ຜ່ານມາ
ຫ້ອງການ ບໍລິການປະຊາຊົນ ກຸ່ມບ້ານນາເຕີຍ ໄດ້ເອົາໃຈໃສ່ສຶກສາອົບຮົມ ການເມືອງ – ນໍາພາແນວຄິດ ໃຫ້ພະນັກງານ – ນັກຮົບ ຢ່າງເປັນປົກກະຕິ ແລະ ເອົາໃຈໃສ່ຊີ້ນຳ – ນຳພາ ປກສ ບ້ານ ເຄື່ອນໄຫວວຽກງານວິຊາສະເພາະ, ຕິດຕາມຄຸ້ມຄອງເປົ້າໝາຍຕ່າງໆ ແລະ ຕິດຕາມການເໜັງຕີງຂອງພົນລະເມືອງ ໃນຂອບເຂດຄວາມຮັບຜິດຊອບຂອງຕົນ ເຊິ່ງສະແດງອອກ 6 ເດືອນ ຜ່ານມາ ຄື:
- ກັກໄດ້ ຜູ້ທີ່ມີຢາເສບຕິດໄວ້ໃນຄອບຄອງ ( ປະເພດຢາບ້າ ) ຈຳນວນ 5 ຄົນ ພ້ອມຂອງກາງ ຢາບ້າ ຈຳນວນ 60 ເມັດ;
- ກັກຜູ້ຖືກຫາ ໄດ້ 26 ຄົນ, ສັນຊາດຈີນ 1 ຄົນ;
- ສຶກສາອົບຮົມໄວລຸ້ນອາລະວາດຕີກັນ 3 ຄັ້ງ;
- ກວດພົບ ຜູ້ລະເມີດ ມີກາໝາຍຊ້າງ 3 ຫົວ 1 ຄັ້ງ, ມີ 1 ຄົນ;
- ລົງກວດກາສະຖານທີ່ເກີດເຫດ ຄົນເສຍຊິວີດ 3 ຄົນ, ສັນຊາດໄທ 1 ຄົນ;
- ກວດສະຖານທີ່ ໄຟໄໝ້ 3 ຄັ້ງ;
- ຄະດີຂີ້ລັກງັດແງະ 3 ຄັ້ງ;
- ອອກເຄື່ອນໄຫວຕາມຂອບເຂດຮັບຜິດຊອບຂອງກຸ່ມ 24 ຄັ້ງ, ມີ 96 ແຮງງານ;
- ກວດພົບເຫັນຄົນຕ່າງປະເທດລັກລອບເຂົ້າເມືອງ ແບບບໍ່ຖືກຕ້ອງຕາມລະບຽບກົດໝາຍ 11 ຄົນ;
- ກວດພົບ ຄະດີຕ້ານການຄ້າມະນຸດ 3 ຄັ້ງ, ໃນນັ້ນ ສັນຊາດ ຈີນ 2 ຄົນ;
- ດັດແກ້ ປຶ້ມສໍາມະໂນຄົວ ສໍາເລັດແລ້ວຈໍານວນໜຶ່ງ.
+ ສໍາລັບທິດທາງແຜນການ 6 ເດືອນ ຕໍ່ໜ້າ
ຈະສືບຕໍ່ເອົາໃຈໃສ່ເຮັດວຽກງານສຶກສາອົບຮົມ ການເມືອງ – ນໍາພາແນວຄິດ ໃຫ້ພະນັກງານ – ນັກຮົບ ເປັນປົກກະຕິ, ສືບຕໍ່ເຮັດວຽກງານປັບປຸງ, ກໍ່ສ້າງ ປກສ ບ້ານ ໃຫ້ເຄື່ອນໄຫວວຽກງານປ້ອງກັນຄວາມສະຫງົບ ຢູ່ແຕ່ລະບ້ານ ໃຫ້ປົກກະຕິ ແລະ ກຳໃຫ້ໄດ້ການເໜັງຕີງຂອງ ພົນລະເມືອງ ແລະ ການເຄື່ອນໄຫວຂອງ ກຸ່ມຄົນບໍ່ຫວັງດີ ເພື່ອຮັບປະກັນໃຫ້ຂົງເຂດຄວາມຮັບຜິດຊອບຂອງຕົນ ມີຄວາມສະຫງົບ ແລະ ປອດໄພ ໂດຍພື້ນຖານ.