ສິ້ນສຸດການລໍຄອຍ PPTV ຖ່າຍທອດສົດ “ ປາກຽວ ” ປະທະ “ ເທີແມນ ”

0
400

ສຳຫຼັບ ການຖ່າຍທອດ ການຊົກມວຍຊີງເຂັມຂັດແຊັມໂລກ ຮຸ່ນເວວເຕີເວດ 147 ປອນ ຂອງ ສະມາຄົມມວຍໂລກ ( WBA ) ລະຫວ່າງ “ ແມນນີ ປາກຽວ ” ປະທະ “ ຄີດ ເທີແມນ ” ທີ່ເວທີເອັມຈີເອັມ ແກຣນ ລາສເວກັສ, ເນວາດາ ສະຫະລັດອາເມລິກາ ໃນວັນທີ 21 ກໍລະກົດນີ້ ແມ່ນຈະເລີ່ມຖ່າຍທອດສົດ ເວລາ 08:00 ໂມງ ເປັນຕົ້ນໄປ ໂດຍທາງ PPTV HD ຊ່ອງ 36.

ເຊິ່ງທາງດ້ານ ທ່ານ ສຸຣິນ ກິດຕະຍາພົງພັນ ກຳມະການຜູ້ອຳນວຍການໃຫຍ່ ສະຖານີໂທລະພາບ PPTV HD ຊ່ອງ 36 ກ່າວວ່າ:

ສິ້ນສຸດການລໍຄອຍຂອງແຟນມວຍທົ່ວໂລກແລ້ວ ກັບການແຂ່ງຂັນຊົກມວຍຊີງແຊັມໂລກ ທີ່ບັນດາຜູ້ຊ່ຽວຊານ ແລະ ແຟນມວຍທັງຫຼາຍ ຕ່າງພາກັນຍົກຍ່ອງໃຫ້ເປັນນັດສຳຄັນແຫ່ງປີ ເມື່ອ “ ແມນນີ ປາກຽວ ” ຍອດນັກຊົກຂວັນໃຈມະຫາຊົນ ຈະກັບມາຂຶ້ນເວທີ ກັບ “ ຄີດ ເທີແມນ ” ຍອດນັກຊົກຊາວອາເມລິກາ ຜູ້ຍັງບໍ່ເຄີຍພ່າຍແພ້ ໃນການຊົກຊີງແຊັມໂລກ ຮຸ່ນເວວເຕີເວດ ຂອງ ສະມາຄົມມວຍໂລກ ( WBA ).

ໂດຍຄູ່ມວຍລະດັບໃຫຍ່ທີ່ສຸດຂອງປີແບບນີ້ ໃນຫຼາຍປະເທດທົ່ວໂລກ ຕ່າງກໍຕ້ອງເສຍຄ່າຮັບຊົມເປັນຈຳວນຫຼາຍ ແຕ່ PPTV HD ຊ່ອງ 36 ຈະນຳເອົາຄວາມຍິ່ງໃຫຍ່ຂອງເວທີມວຍ ທີ່ຄົນທັງໂລກລໍຄອຍນີ້ ມາໃຫ້ເຮົາໄດ້ຊົມກັນແບບຟຣີໆ; ສະນັ້ນ, ຈຶ່ງຢາກເຊີນຊວນໃຫ້ມາຮັບຊົມ ຄວາມແຂງແກ່ນຂອງນັກມວຍທັງ 2 ຄົນ ເພາະບໍ່ຮູ້ວ່າ ຈະມີມວຍດີໆແບບນີ້ ມາໃຫ້ຊົມກັນອີກ ຫຼື ບໍ.

ທັ້ງນີ້, ສໍາລັບສະຖິຕິຂອງທັງສອງ ມີດັ່ງນີ້: ປາກຽວ ຊົກມາແລ້ວ 70 ນັດ ຊະນະ 61 ນັດ ( ຊະນະນ໊ອກ 39 ນັດ ), ສະເໝີ 2 ນັດ ແລະ ເສຍ 7 ນັດ ( ເສຍນ໊ອກ 3 ນັດ ແລະ ເສຍຄະແນນ 4 ນັດ ); ສ່ວນ ຄິດ ເທີແມນ ຂຶ້ນຊົກ 30 ນັດ ຊະນະ 29 ນັດ ( ຊະນະນ໊ອກ 22 ນັດ ) ແລະ ສະເໝີ 1 ນັດ ພ້ອມກັບຄອງສາຍແອວແຊັມເວວເຕີເວດ ຂອງ WBA.

ແມນນີ ປາກຽວ ປະທະ ຄີດ ເທີແມນ

- Advertisement -
Visual Composer Website Builder