ຫ້ອງການກົມໃຫຍ່ພະລາ ປກສ ເຕະບານມິດຕະພາບ ກັບ ບໍລິສັດ ສາມເອສ ພັດທະນາ

0
132

ຂະບວນການດັ່ງກ່າວ ໄດ້ຈັດຂຶ້ນ ໃນເວລາ 17:30 ຂອງວັນທີ 19 ກໍລະກົດ 2019 ທີ່ຜ່ານມາ ທີ່ເດີ່ນເຕະບານ ຊ້າງ 3 ບ້ານສ້າງຄູ້ ເມືອງໄຊທານີ ນະຄອນຫຼວງວຽງຈັນ, ໂດຍການເຂົ້າຮ່ວມຂອງ ພົຈວ ກິແກ້ວ ເນົາວະລັດ ຮອງຫົວໜ້າກົມໃຫຍ່ພະລາທິການ ປກສ, ມີ ຄະນະນຳຫ້ອງການກົມໃຫຍ່, ນັກກິລາຈາກ ຫ້ອງການກົມໃຫຍ່ພະລາທິການ ປກສ ແລະ ບໍລິສັດ ສາມເອສ ພັດທະນາ ຈຳກັດ ຜູ້ດຽວ, ເຂົ້າຮ່ວມທັງໝົດ 50 ຄົນ.

ບໍລິສັດ ສາມເອສ ພັດທະນາ ຈຳກັດ ຜູ້ດຽວ ມອບຄອມພິວເຕີຕັ້ງໂຕະ 2 ຊຸດ ພ້ອມດ້ວຍເຄື່ອງກິລາ 32 ຊຸດ ລວມມູນຄ່າ 10 ລ້ານກວ່າກີບ ໃຫ້ ຫ້ອງການກົມໃຫຍ່ພະລາທິການ ປກສ
ບໍລິສັດ ສາມເອສ ພັດທະນາ ຈຳກັດ ຜູ້ດຽວ ມອບຄອມພິວເຕີຕັ້ງໂຕະ 2 ຊຸດ ພ້ອມດ້ວຍເຄື່ອງກິລາ 32 ຊຸດ ລວມມູນຄ່າ 10 ລ້ານກວ່າກີບ ໃຫ້ ຫ້ອງການກົມໃຫຍ່ພະລາທິການ ປກສ

ການສ້າງຂະບວນການໃນຄັ້ງນີ້ ເພື່ອເປັນການສະເຫຼີມສະຫຼອງວັນສຳຄັນຕ່າງໆ ເປັນຕົ້ນແມ່ນ ຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ IV ຂອງ ໜ່ວຍພັກຮາກຖານ ຫ້ອງການກົມໃຫຍ່ພະລາທິການ ທີ່ຈະເປີດຂຶ້ນໃນມໍ່ໆນີ້ ແລະ ວັນສ້າງຕັ້ງສະຫະພັນແມ່ຍິງລາວ ຄົບຮອບ 64 ປີ.

ຫ້ອງການກົມໃຫຍ່ພະລາ ປກສ ເຕະບານກັບ ບໍລິສັດ ສາມເອສ ພັດທະນາ
ຫ້ອງການກົມໃຫຍ່ພະລາ ປກສ ເຕະບານກັບ ບໍລິສັດ ສາມເອສ ພັດທະນາ

ທັງນີ້, ກໍເພື່ອເປັນການຮັດແໜ້ນຄວາມສາມະຄີ ລະຫວ່າງ ຫ້ອງການກົມໃຫຍ່ພະລາທິການ ປກສ ກັບ ບໍລິສັດ ສາມເອສ ພັດທະນາ ຈຳກັດ ຜູ້ດຽວ ແລະ ເປັນການແລກປ່ຽນບົດຮຽນ ໃນການນຳໃຊ້ເຄື່ອງເຕັກນິກ, ເຕັກໂນໂລຊີເຂົ້າໃນວຽກງານວິຊາສະເພາະຕ່າງໆ ອີກດ້ວຍ;.

ພ້ອມກັນນີ້, ກໍເພື່ອເປັນການປະກອບສ່ວນຊຸກຍູ້ທີ່ສຳຄັນ ເຂົ້າໃນວຽກງານວິຊາສະເພາະຂອງ ຫ້ອງການກົມໃຫຍ່ພະລາທິການ ປກສ, ທ່ານ ວິລະກອນ ອິນທະສອນ ຕາງໜ້າ ບໍລິສັດ ສາມເອສ ພັດທະນາ ຈຳກັດ ຜູ້ດຽວ ກໍໄດ້ນຳເອົາຄອມພິວເຕີຕັ້ງໂຕະ ຈຳນວນ 2 ຊຸດ ພ້ອມດ້ວຍເຄື່ອງກິລາ ຈຳນວນ 32 ຊຸດ ລວມມູນຄ່າ 10 ລ້ານກວ່າກີບ ມາມອບໃຫ້ ຫ້ອງການກົມໃຫຍ່ພະລາທິການ ປກສ ເພື່ອນຳໃຊ້ເຂົ້າໃນວຽກງານຕ່າງໆ ໃຫ້ມີຄວາມສະດວກ – ສະບາຍຂຶ້ນກວ່າເກົ່າ, ໂດຍການກ່າວຮັບຂອງ ພົຈວ ກິແກ້ວ ເນົາວະລັດ.

ຂະບວນການ ແຂ່ງຂັນກິລາມິດຕະພາບ
ຂະບວນການ ແຂ່ງຂັນກິລາມິດຕະພາບ

ໂອກາດດຽວກັນ, ພົຈວ ກິແກ້ວ ເນົາວະລັດ ຕາງໜ້າໃຫ້ ຄະນະຫ້ອງການກົມໃຫຍ່ ແລະ ພະນັກງານ – ນັກຮົບ ພາຍໃນຫ້ອງ ກ່າວສະແດງຄວາມຂອບໃຈມາຍັງ ທ່ານ ວິລະກອນ ອິນທະສອນ ພ້ອມທັງມອບໃບກຽດຕິຄຸນ ເພື່ອເປັນທີ່ລະນຶກໃຫ້ ບໍລິສັດ ສາມເອສ ພັດທະນາ ຈຳກັດ ຈຳນວນ 1 ໃບ.

ສ່ວນສຳລັບຜົນການແຂ່ງຂັນ ແມ່ນທີມນັກກິລາຈາກ ຫ້ອງການກົມໃຫຍ່ພະລາທິການ ປກສ ເອົາຊະນະ ທີມບໍລິສັດ ສາມເອສ ພັດທະນາ ຈຳກັດ ຜູ້ດຽວ ດ້ວຍຄະແນນ 6-5 ປະຕູ.

ທີມນັກກິລາ ຫ້ອງການກົມໃຫຍ່ພະລາທິການ ປກສ ຊະນະ ທີມບໍລິສັດ ສາມເອສ ພັດທະນາ ຈຳກັດ ຜູ້ດຽວ ດ້ວຍຄະແນນ 6-5 ປະຕູ
ທີມນັກກິລາ ຫ້ອງການກົມໃຫຍ່ພະລາທິການ ປກສ ຊະນະ ທີມບໍລິສັດ ສາມເອສ ພັດທະນາ ຈຳກັດ ຜູ້ດຽວ ດ້ວຍຄະແນນ 6-5 ປະຕູ

- Advertisement -
Visual Composer Website Builder