ປິດການແຂ່ງຂັນ ກິລາ ອ໋ອບໂຣດ ຊີງຂັນລັດຖະມົນຕີກະຊວງສຶກສາທິການ ແລະ ກິລາ

0
132
ໜຶ່ງໃນບັນດາທີມທີ່ໄດ້ອັນດັບ 1 ໃນການແຂ່ງຂັນ ອ໋ອບໂຣດ ຄັ້ງນີ້
ໜຶ່ງໃນບັນດາທີມທີ່ໄດ້ອັນດັບ 1 ໃນການແຂ່ງຂັນ ອ໋ອບໂຣດ ຄັ້ງນີ້

ໃນໂອກາດເຂົ້າຮ່ວມພິທີ ປິດການແຂ່ງຂັນ ແລະ ມອບຂັນລາງວັນການແຂ່ງຂັນກິລາ ອ໋ອບໂຣດ ເພື່ອຊີງຂັນທ່ານລັດຖະມົນຕີກະຊວງສຶກສາທິການ ແລະ ກິລາ ຢູ່ເຂດເສດຖະກິດສະເພາະບຶງທາດຫຼວງ ນະຄອນຫຼວງວຽງຈັນ; ໂດຍມີທ່ານ ຊົມພູ ວົງສາ ຜູ້ຊ່ວຍລັດຖະມົນຕີກະຊວງສຶກສາທິການ ແລະ ກິລາ, ມີຮອງຫົວໜ້າກົມກິລາລະດັບສູງ, ປະທານສະຫະພັນກິລາລົດໃຫຍ່ ແລະ ລົດຈັກແຫ່ງຊາດລາວ, ຜູ້ຕາງໜ້າບໍລິສັດທີ່ສະໜັບສະໜູນບັນດາຄະນະນໍານັກກິລາ ແລະ ມວນຊົນເຂົ້າຮ່ວມ; ທ່ານ ອາຊື ກອນສິນ ປະທານ ກຸ່ມບໍລິສັດລາວ ກອນສິນສາກົນ ຈຳກັດ ໃນນາມຜູ້ສະໜັບສະໜູນຫຼັກໄດ້ໃຫ້ສໍາພາດວ່າ: ຕົນເອງແມ່ນຜູ້ໜຶ່ງທີ່ເຫັນໄດ້ຄວາມສໍາຄັນຂອງວຽກງານກິລາ ແລະ ງານການແຂ່ງຂັນກິລາອ໋ອບໂຣດນີ້ ກໍເປັນປີທໍາອິດທີ່ຈັດຂຶ້ນໃນ ສປປ ລາວ

ທ່ານ ອາຊື ກອນສິນ  ຜູ້ສະໜັບສະໜູນຫຼັກການແຂ່ງຂັນກິລາ ອ໋ອບໂຣດ ຊີງຂັນທ່ານລັດຖະມົນຕີກະຊວງສຶກສາທິການ ແລະ ກິລາ
ທ່ານ ອາຊື ກອນສິນ ຜູ້ສະໜັບສະໜູນຫຼັກການແຂ່ງຂັນກິລາ ອ໋ອບໂຣດ ຊີງຂັນທ່ານລັດຖະມົນຕີກະຊວງສຶກສາທິການ ແລະ ກິລາ

ການ​ ປິດການແຂ່ງຂັນ ​ຄັ້ງນີ້ ດຳເນີນໄປດ້ວຍ​ສຳ­ເລັດ​ຜ່ານ​ໄປໄດ້​ຢ່າງ​ລຸ່​ລວງ ແລະ ໄປ​ຕາມ​ແຜນ­ທີ່​ວາງ​ໄວ້ ທັງ​ນີ້ ກໍ​ເພື່ອ​ເປັນ​ການ​ສົ່ງ­ເສີມ​ການ­ທ່ອງ­ທ່ຽວ​ທັງ​ພາຍ​ໃນ ແລະ ຕ່າງ­ປະ­ເທດ ໂດຍ​ສະ­ເພາະ​ປີ​ນີ້ ກໍ​ເປັນ​ທ່ອງ­ທ່ຽວ ລາວ-ຈີນ, ເຜີຍ­ແຜ່​ວັດ­ທະ­ນະ­ທຳ​ອັນ​ດີ­ງາມ​ຂອງ​ຊາດ ເສີມ​ສ້າງການ​ກະ­ຕຸກ​ຊຸກ­ຍູ້ໃຫ້​ແກ່​ການ​ຂະ­ຫຍາຍ­ຕົວ​ຂອງ​ຂົງ­ເຂດ​ອຸດ­ສາ­ຫະ­ກຳ​ລົດ­ຍົນ​ພາຍ​ໃນ​ປະ­ເທດ ກໍ​ຄື​ສົ່ງເສີມ​ເສດ­ຖະ­ກິດ-ສັງ­ຄົມ​ຂອງ​ຊາດ ແລະ ສ້າງ​ພື້ນ­ຖານ​ກີ­ລາ​ປະ­ເພດ​ນີ້​ໃຫ້​ເປັນ​ທີ່​ຮູ້­ຈັກ ແລະ ແຜ່​ຫຼາຍ.

ຈັກຮູບເປັນທີ່ລະນຶກກ່ອນເລີ່ມການແຂ່ງຂັນ
ຈັກຮູບເປັນທີ່ລະນຶກກ່ອນເລີ່ມການແຂ່ງຂັນ

ສຳ­ລັບ​ການ​ແຂ່ງ­ຂັນ​ໃນ​ຄັ້ງ​ນີ້ ຈັດ​ຂຶ້ນ​ລະ­ຫວ່າງວັນ​ທີ 9-11 ສິງ­ຫາ 2019, ມີ​ລົດເຂົ້າຮ່ວມແຂ່ງຂັນ​ທັງ​ໝົດ 100 ຄັນ​ ຈາກ 6 ປະ­ເທດ; ປະ­ກອບ​ມີ: ສສ ຫວຽດ­ນາມ, ໄທ, ມາ​ເລ​ເຊຍ, ກຳ­ປູ­ເຈຍ, ມຽນ​ມາ ແລະ ສປ ຈີນ; ແຂ່ງ­ຂັນ​ກັນ​ທັງ​ໝົດ 7 ຮຸ່ນ. ຜ່ານ​ການ​ແຂ່ງ­ຂັນ, ​ຜົນ​ປາ­ກົດ​ວ່າ: ຮຸ່ນ VIP ອັນດັບທີ 1 ແມ່ນທີມ​ວຽງ​ຈັນ ໂຣຈິ​ສ​ຕິກ, ຮຸ່ນ​ປີກ​ນົກ ອັນດັບທີ 1 ແມ່ນທີມ​ລຸ່ມ​ນ້ຳ​ພູ ອ໊ອບ​ໂຣດ ຊັນ 4×4 (ຈາກປະ­ເທດ​ໄທ) ຮັບ​ຂັນ ​ພ້ອມ​ຫຼຽນ​ລາ­ງວັນ ແລະ ເງິນ­ສົດ 8 ລ້ານ​ກວ່າ​ກີບ; ຮຸ່ນ​ຄານ​ແຂງ ອັນດັບທີ 1 ທີມ​ສະ­ຫະ­ພັນ​ກິລາ​ລົດ​ໃຫຍ່-ລົດ­ຈັກ​ແຫ່ງ​ຊາດ​ລາວ ຮັບ​ຂັນ​ ພ້ອມ​ຫຼຽນ​ລາ­ງວັນ ແລະ ເງິນ­ສົດ 8 ລ້ານ​ກວ່າ​ກີບ; ຮຸ່ນ​ທ່ຽວ​ປ່າ​ທົ່ວ​ໄປ ອັນດັບທີ 1 ແມ່ນທີມ NPV ມິດ­ຕະ­ພາບ (ຈາກປະ­ເທດ​ໄທ); ຮຸ່ນ​ທ່ຽວ​ປ່າ​ໂອ​ເພັນ ອັນດັບທີ 1 ແມ່ນທີມ​ພັດ​ທະ​ຍາ​ຄລັບ MP ຈະ­ເລີນ​ຍົນ Hi Winch (ຈາກປະ­ເທດ​ໄທ) ຮັບ​ຂັນ​ພ້ອມ​ຫຼຽນ​ລາ­ງວັນ ແລະ ເງິນ­ສົດ 12 ລ້ານ​ກີບ ແລະ ຮຸ່ນ​ຊຸບ​ເປີ້​ໂອ​ເພັນ ອັນດັບທີ 1 ແມ່ນທີມ MT ຈະ­ເລີນ​ຍົນ ພັດ​ທະ​ຍາ​ຄລັບ ຊ່າງ​ຍັກ​ເຊີ​ວິດ (ຈາກປະ­ເທດ​ໄທ) ​ຮັບ​ຂັນ​ລາ­ງວັນ ພ້ອມ​ຫຼຽນ​ລາ­ງວັນ ແລະ ເງິນ­ສົດ 12 ລ້ານ​ກີບ.

ອີກ 1 ທີມທີ່ໄດ້ອັນດັບ 1
ອີກ 1 ທີມທີ່ໄດ້ອັນດັບ 1

- Advertisement -
Visual Composer Website Builder