ຄະນະພັກຮາກຖານຄະນະບັນນາທິການຂ່າວສານ ປກສ ( ຄບສ ) ກົມໃຫຍ່ການເມືອງ ກະຊວງ ປກສ ໄດ້ຈັດກອງປະຊຸມສະຫຼຸບຕີລາຄາການກໍ່ສ້າງໜ່ວຍພັກປອດ, ເຂັ້ມແຂງ, ໜັກແໜ້ນ ແລະ ຕີລາຄາຈັດແບ່ງປະເພດສະ ມາຊິກພັກ, ພະນັກງານ-ນັກຮົບ ປະຈໍາປີ 2019 ເປັນປະທານໂດຍ ພັອ ສີພັນດອນ ຫວ່າງບົວຊົງ ຄະ ນະປະຈໍາພັກກົມໃຫຍ່ການເມືອງ ເລຂາຄະນະພັກຮາກຖານ ຫົວໜ້າ ຄບສ, ມີຮອງເລຂາຄະນະ ພັກຮາກຖານ, ເລຂາໜ່ວຍພັກ, ຮອງເລຂາໜ່ວຍພັກ, ສະມາຊິກພັກ ແລະ ພະນັກງານຫຼັກແຫຼ່ງພາຍໃນ ຄບສ ເຂົ້າຮ່ວມ, ໃນວັນທີ 16 ສິງ ຫາ 2019.
ພັອ ສີພັນດອນ ຫວ່າງບົວຊົງ ໄດ້ຂຶ້ນຜ່ານບົດສະຫຼຸບການຕີລາຄາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2019 ຂອງ ຄບສ ວ່າ: 1 ປີ ຜ່ານມາ, ຄະນະພັກຮາກຖານ ຄບສ ໄດ້ນໍາພາໜ່ວຍພັກ, ສະມາຊິກພັກ ທີ່ຢູ່ໃນຄວາມຮັບຜິດຊອບຂອງຕົນໃຫ້ກໍາແໜ້ນສະພາບຄວາມເປັນຈິງຂອງກົມກອງ ເພື່ອຫັນແນວທາງ, ແຜນນະໂຍບາຍຂອງພັກ ແລະ ມະຕິຂອງຄະນະພັກຂັ້ນເທິງເປັນແຜນການຂອງຄະນະພັກຮາກ ຖານ, ໜ່ວຍພັກໃຫ້ສອດຄ່ອງກັບຄວາມຮັບຜິດຊອບ ແລະ ໜ້າທີ່ການເມືອງຂອງຕົນ.
ພ້ອມທັງຊີ້ນໍາ-ນໍາພາປະ ຕິບັດຕົວຈິງໃຫ້ມີຜົນສໍາເລັດ ແລະ ມີປະສິດທິພາບສູງ, ສ້າງສະມາຊິກພັກໃຫ້ມີຄຸນທາດການເມືອງໜັກແໜ້ນ, ຄຸນສົມບັດສິນທໍາປະຕິວັດ, ມີຄວາມຈົງຮັກພັກດີຕໍ່ອຸດົມການຂອງພັກ, ມີນໍ້າໃຈເສຍສະຫຼະ, ຮັບໃຊ້ຊາດ, ຮັບໃຊ້ປະຊາຊົນຢ່າງສຸດໃຈ, ເຊິ່ງສະແດງອອກ ສາມາດຕີລາຄາປະເພດຄຸນນະພາບ ແລະ ຈັດແບ່ງປະເພດສະມາ ຊິກພັກ ແລະ ມະຫາຊົນ ປະຈຳປີ 2019 ຂອງແຕ່ລະໜ່ວຍພັກ ທີ່ຂຶ້ນກັບຄະນະ ພັກຮາກຖານ ຄບສ ໄດ້ ດັ່ງນີ້: ໜ່ວຍພັກພະແນກຫ້ອງການບໍລິຫານ-ຄົ້ນຄວ້າສັງລວມມີ ສະມາຊິກພັກ ປະ ເພດແຂງ 17 ສະຫາຍ ຍິງ 8 ສະ ຫາຍ, ມະຫາຊົນ ປະເພດແຂງ 13 ສະຫາຍ ຍິງ 5 ສະຫາຍ; ໜ່ວຍພັກກອງບັນນາທິການໜັງສືພິມ, ມີສະມາ ຊິກພັກ ປະເພດແຂງ 18 ສະຫາຍ ຍິງ 6 ສະຫາຍ, ມະຫາຊົນ ປະເພດ ແຂງ 13 ສະຫາຍ ຍິງ 5 ສະຫາຍ; ໜ່ວຍພັກກອງບັນນາທິການວາລະສານ ມີສະມາຊິກພັກ ປະເພດແຂງ 8 ສະຫາຍ ຍິງ 1 ສະຫາຍ, ມະຫາຊົນ ປະເພດແຂງ 2 ສະຫາຍ ຍິງ 1 ສະ ຫາຍ, ກາງ 1 ສະຫາຍ; ໜ່ວຍພັກກອງບັນນາ ທິການວິທະຍຸ ມີສະມາຊິກພັກ ປະເພດແຂງ 18 ສະຫາຍ ຍິງ 9 ສະຫາຍ, ກາງ 1 ສະຫາຍ, ມະຫາຊົນ ປະ ເພດແຂງ 12 ສະຫາຍ, ກາງ 1 ສະຫາຍ, ອ່ອນ 1 ສະ ຫາຍ; ໜ່ວຍພັກກອງບັນນາທິການໂທລະພາບ ມີສະມາ ຊິກພັກ ປະເພດແຂງ 20 ສະ ຫາຍ ຍິງ 5 ສະຫາຍ ແລະ ມະຫາຊົນ ປະເພດແຂງ 45 ສະຫາຍ.
ທິດທາງແຜນການປີ 2020, ຄະນະພັກຮາກຖານ ຄບສ ຈະສືບຕໍ່ຍຶດໝັ້ນອຸດົມການທາງດ້ານການເມືອງ ແລະ ອຸດົມການສັງຄົມນິຍົມ, ມີທັດສະນະຫຼັກໝັ້ນຊົນຊັ້ນຮູ້ຈໍາແນກມິດ-ສັດຕູ, ຕອບຕ້ານກົນອຸບາຍຫັນປ່ຽນໂດຍສັນຕິຂອງພວກກຸ່ມຄົນບໍ່ດີ, ມີຄວາມຈົງຮັກພັກດີຕໍ່ປະເທດຊາດ ລະບອບປະຊາທິປະໄຕ ປະຊາຊົນ, ມີຄວາມ ຫ້າວຫັນປະຕິບັດໜ້າທີ່ວຽກງານທີ່ການຈັດຕັ້ງພັກ-ລັດມອບໃຫ້ມີຜົນສໍາເລັດ.