ກອງປະຊຸມໃຫຍ່ ຄັ້ງທີ I ຂອງ ໜ່ວຍພັກ ປກສ ກຸ່ມສີວິໄລ ເມືອງໄຊທານີ ນະຄອນຫຼວງວຽງຈັນ ໄດ້ຈັດຂຶ້ນ ໃນວັນທີ 19 ສິງຫາ; ໂດຍການເຂົ້າຮ່ວມເປັນປະທານຂອງສະຫາຍ ຄຳເຫວີຍ ສີຫາທຳ ກຳມະການພັກເມືອງ ຫົວໜ້າອົງການຈັດຕັ້ງເມືອງໄຊທານີ, ມີສະຫາຍ ພັທ ພຸດທະວົງ ດິດຍາວົງ ຄະນະພັກຮາກຖານ ຮອງຫົວໜ້າ ກອງບັນຊາການ ປກສ ເມືອງ ພ້ອມດ້ວຍມີເລຂາ-ຮອງເລຂາ ໜ່ວຍພັກ, ເລຂາພັກບ້ານ 7 ບ້ານ ຕະຫຼອດຮອດ ສະມາຊິພັກ ແລະ ແຂກຮັບເຊີນ ເຂົ້າຮ່ວມ.
ສະຫາຍ ພັທ ສັງ ພິມພາ ເລຂາໜ່ວຍພັກ ປກສ ກຸ່ມສີວິໄລ ກ່າວວ່າ:
ກຸ່ມສີວິໄລ ປະກອບມີ 7 ບ້ານທີ່ຂຶ້ນກັບ, ມີ 384 ໜ່ວຍ, 5.830 ຫຼັງຄາເຮືອນ, 5.734 ຄອບຄົວ ແລະ 31.248 ຄົນ ຍິງ 15.856 ຄົນ; ໃນນັ້ນ, ພົບເຫັນ 2.532 ຄົນ ຍິງ 1.205 ຄົນທີ່ຍັງ ບໍ່ທັນຂຶ້ນທະບຽນຄຸ້ມຄອງສໍາມະໂນຄົວ. ຄຽງຄູ່ກັນນີ້, ໜ່ວຍພັກຍັງ ໄດ້ເອົາໃຈໃສ່ຊີ້ນໍາ-ນໍາພາເຮັດວຽກວິຊາສະເພາະບໍລິການປະຊາຊົນ ສະແດງອອກຄື: ສາມາດຈັດຕັ້ງປະຕິບັດການຜ່ານເອກະສານຄຸ້ມຄອງສໍາມະໂນຄົວ 1.360 ສະບັບ, ຮັບແຈ້ງຄວາມລົດເສຍ 156 ຄັນ; ຄໍາຮ້ອງຄໍ້າປະກັນຜູ້ຖືກຫາອອກຈາກຄ້າຍຄຸມຂັງ ຈໍານວນ 42 ຄົນ, ເອກະສານເອົາລູກ-ຫຼານໄປຝາກ ດັດສ້າງ 94 ຄົນ ຍິງ 8 ຄົນ, ຮັບແຈ້ງຄວາມໃນກໍລະນີຕ່າງໆ ຈໍານວນ 438 ເລື່ຶອງ; ໃນນີ້, ລັກຊັບ 422 ເລື່ອງ, ປຸ້ນຊັບ 15 ເລື່ອງ ແລະ ຄາດຕະກຳ 1 ເລື່ອງ, ໄດ້ສຶກສາອົບຮົມໄກ່ເກ່ຍຄະດີຕ່າງໆ ຈໍາ ນວນ 75 ຄັ້ງ.
ສໍາລັບການຄຸ້ມຄອງຄົນຕ່າງປະເທດ ທີ່ມາພັກເຊົາມີທັງໝົດ 493 ຄົນ ຍິງ 171 ຄົນ ລວມມີ 18 ສັນຊາດ, ສາມາດກວດພົບຄົນຕ່າງປະເທດ ທີ່ປະກອບອາຊີບບໍ່ ຖືກຕ້ອງ ຈໍານວນ 298 ຄົນ ຍິງ 125 ຄົນ ມີ 6 ສັນຊາດ; ພົບຫ້າງຮ້ານທີ່ບໍ່ຖືກຕ້ອງ ຈໍານວນ 72 ຮ້ານ ພ້ອມທັງເຮັດບົດບັນທຶກສຶກ ສາອົບຮົມ, ຄົນຕ່າງປະເທດແຕ່ງ ງານກັບຄົນລາວ ຈໍານວນ 35 ຄົນ ຍິງ 2 ຄົນ; ບໍ່ຖືກຕ້ອງ 24 ຄົນ. ນອກນີ້, ຍັງໄດ້ຕັ້ງໜ້າປະຕິບັດຂຶ້ນ ບັນຊີເປົ້າໝາຍຕ່າງໆ ເຊັ່ນ: ຢາເສບຕິດ, ປຸ້ນຈີ້ຊີງຊັບ, ຂີ້ລັກງັດ ແງະອື່ນໆທີ່ແຕະຕ້ອງເຖິງຄວາມ ບໍ່ສະຫງົບທາງດ້ານການເມືອງ ແລະ ຄວາມບໍ່ເປັນລະບຽບຮຽບ ຮ້ອຍທາງດ້ານສັງຄົມ, ເຊິ່ງສາມາດແກ້ໄຂໄດ້ 185 ຄັ້ງ, 310 ຄົນ ຍິງ 25 ຄົນ ຄື: ເປົ້າໝາຍຢາເສບຕິດ ຈໍານວນ 261 ຄົນ ຍິງ 22 ຄົນ ແລະ ຊີງຊັບ-ລັກຊັບພົນລະເມືອງ ຈໍານວນ 49 ຄົນ ຍິງ 3 ຄົນ ສ່ວນວຽກງານດ້ານອື່ນໆ ກໍໄດ້ເອົາໃຈ ໃສ່ຈັດຕັ້ງປະຕິບັດຕາມພາລະ, ສິດ-ໜ້າທີ່ ທີ່ຂັ້ນເທິງມອບໝາຍໃຫ້ດ້ວຍຄວາມຮັບຜິດຊອບສູງ ແລະ ມີຜົນສໍາເລັດຕາມລະດັບຄາດໝາຍ.
ກອງປະຊຸມ ຍັງໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ໃນນີ້, ລົງສະໝັກເລືອກຕັ້ງ ທັງໝົດ 5 ສະຫາຍ ຄັດເອົາ 3 ສະຫາຍ. ຜ່ານການປະຊາມະຕິເຫັນດີເລືອກໄດ້ ສະຫາຍ ພັທ ສັງ ພິມພາ ເປັນເລຂາໜ່ວຍພັກ, ສະຫາຍ ຮອ ຄໍາແດງ ສີບຸນເຮືອງ ເປັນຮອງເລຂາທັງເປັນປະທານກວດກາ ແລະ ສະຫາຍ ຮອ ແອງທອງມີໄຊ ເປັນຄະນະ.