ສະຫາຍ ພັຕ ບຸນຄຳ ສຸລິໄຊ  ຜ່ານບົດລາຍງານກ່ຽວກັບການຈັດການ ແຂ່ງຂັນກິລາ ໃນຄັ້ງນີ້
ສະຫາຍ ພັຕ ບຸນຄຳ ສຸລິໄຊ ຜ່ານບົດລາຍງານກ່ຽວກັບການຈັດການແຂ່ງຂັນກິລາໃນຄັ້ງນີ້

ເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫ່ຍ ຄັ້ງທີ VII ຂອງຄະນະພັກຮາກຖານຫ້ອງສັນຕິບານ ກໍຄືກອງປະຊຸມໃຫ່ຍ ຄັ້ງທີ VIII ຂອງອົງຄະນະພັກກອງບັນຊາການ ປກສ ແຂວງອຸດົມໄຊ ແລະ ວັນສຳຄັນຂອງພັກ-ຂອງຊາດໃຫ້ເຕັ້ມໄປດ້ວຍເນື້ອໃນ, ຄວາມໝາຍ-ຄວາມສໍາຄັນ, ມີບັນຍາກາດຟົດຟື້ນ, ໃນຕົ້ນເດືອນທີ່ຜ່ານມາ ຢູ່ເດີ່ນກິລາເຕະບານຟູດຊໍ ວີແຊັດ ໃນເທດສະບານແຂວງ; ຄະນະພັກຮາກຖານຫ້ອງສັນຕິບານ ປກສ ແຂວງອຸດົມໄຊ ພ້ອມກັບສອງອົງການຈັດຕັ້ງ (ຊາວໜຸ່ມ-ແມຍິງ) ຕະຫຼອດຮອດພະນັກງານ-ນັກຮົບພາຍໃນຫ້ອງດັ່ງກ່າວ ໄດ້ສ້າງຂະບວນການ ແຂ່ງຂັນກິລາ ເພື່ອຊີງຂັນຄະນະພັກຮາກຖານຂຶ້ນຢ່າງເປັນທາງການ. ໂດຍພາຍໃຕ້ການເປັນປະທານຂອງ ສະຫາຍ ພັທ ດວງຈັນ ໄຊວຸດ ເລຂາຄະນະພັກຮາກຖານ ຫົວໜ້າຫ້ອງສັນຕິບານ ປກສ ແຂວງ, ເຂົ້າຮ່ວມມີຄະນະພັກ-ຄະນະຫ້ອງ, ແຂກເຊີນ, ບັນດາໜ່ວຍພັກຂຶ້ນກັບ ຕະຫຼອດຮອດບັນດາທີມນັກກິລາທົ່ວຫ້ອງສັນຕິບານເຂົ້າຮ່ວມຢ່າງພ້ອມພຽງ.

ບັນດາທີມນັກກິລາທີ່ເຂົ້າຮ່ວມແຂ່ງຂັນໃນຄັ້ງນີ້

ໃນພິທີ, ສະຫາຍ ພັຕ ບຸນຄຳ ສຸລິໄຊ ຮອງເລຂາໜ່ວຍພັກພະແນກ 200, 204 ແລະ 210 ທັງເປັນຄະນະຮັບຜິດຊອບອະນຸກຳມະການຈັດງານ ແຂ່ງຂັນກິລາ ຄັ້ງນີ້ ໄດ້ຂຶ້ນຜ່ານບົດລາຍງານກ່ຽວກັບຈຸດປະສົງ, ລະດັບຄາດໝາຍຂອງການສ້າງຂະບວນການແຂ່ງຂັນກິລາຄັ້ງນີ້; ເຊິ່ງເປັນການສ້າງຂະບວນການຂ່ຳນັບຮັບຕ້ອນວັນສຳຄັນຕ່າງໆ, ເວົ້າສະເພາະແມ່ນກອງປະຊຸມໃຫ່ຍ ຄັ້ງທີ VII ຂອງຄະນະຮາກຖານຫ້ອງຕຳຫຼວດ ໃຫ້ເຕັມໄປດ້ວຍເນື້ອໃນ, ເປັນຂະບວນຟົດຟື້ນ; ນອກນັ້ນ, ຍັງເປັນການຜູກແໜ້ນຄວາມສາມັກຄີຮັກແພງລະຫວ່າງພະນັກງານຂັ້ນນໍາພາ-ບັນຊາ, ພະນັກງານສະມາຊິກພັກ ກໍຄືນາຍ ແລະ ພົນຕໍາຫຼວດທຸກສະຫາຍໃຫ້ນັບມື້ມີຄວາມໜັກແໜ້ນ.

ທີມຊະນະເລີດຮັບຂັນລາງວັນຈາກທ່ານເລຂາໜ່ວຍພັກ

ສຳລັບການ ແຂ່ງຂັນກິລາ ເຕະບານ (ຟຸດຊໍ) ໃນຄັ້ງນີ້, ມີທີມນັກກິລາເຕະບານຊາຍປະສົມ ທັງໝົດ 4 ທີມ ມາຈາກ 4 ໜ່ວຍພັກພະແນກຂຶ້ນກັບຄະນະພັກຮາກຖານຫ້ອງສັນຕິບານ; ຜ່ານການແຂ່ງຂັນ, ທີມຊະນະເລີດໄດ້ແກ່ທີມໜ່ວຍພັກພະແນກ 201, 203 ໄດ້ຮັບຂັນ 1 ໜ່ວຍ ພ້ອມເງິນສົດ 500.000 ກີບ; ຮອງຊະນະເລີດອັນດັບທີ 1 ໄດ້ແກ່ທີມໜ່ວຍພັກພະແນກ 200, 204, 210 ຮັບເງິນສົດ 400.000 ກີບ ແລະ ຮອງອັນດັບ 2 ໄດ້ແກ່ທີມໜ່ວຍພັກພະແນກ 206 ຮັບເງິນ 300.000ກີບ ແລະ ຮອງອັນດັບ 3 ໄດ້ແກ່ທີມໜ່ວຍພັກພະແນກ 207, 208 ໄດ້ຮັບເງິນ 100.000 ກີບ, ໃຫ້ກຽດມອບຂອງຂັວນລາງວັນໂດຍ ສະຫາຍເລຂາ ແລະ ຮອງເລຂາຄະນະພັກຮາກຖານຫ້ອງສັນຕິບານ.

ທີມຊະນະເລີດຮັບຂັນລາງວັນຈາກທ່ານເລຂາໜ່ວຍພັກ

- Advertisement -
Visual Composer Website Builder