ປະທານຈັດການແຂ່ງຂັນກິລາຂອງ ຫ້ອງການກົມໃຫຍ່ການເມືອງ
ປະທານຈັດການແຂ່ງຂັນກິລາຂອງຫ້ອງການກົມໃຫຍ່ການເມືອງ

ວັນທີ 27 ກັນຍາ 2019, ຫ້ອງການກົມໃຫຍ່ການເມືອງ ກະຊວງ ປກສ ໄດ້ສ້າງຂະບວນການແຂ່ງຂັນກິລາເປຕັງ ເພື່ອຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ VII ຂອງຕົນ ໃຫ້ເປັນຂະບວນຟົດຟື້ນ; ເຂົ້າຮ່ວມໂດຍ ພັອ ພອນເພັງ ຫຼ້າບັນດິດ ຫົວໜ້າຫ້ອງການກົມ ໃຫຍ່ການເມືອງ, ມີບັນດາຊາວໜຸ່ມ, ແມ່ຍິງ ພາຍໃນຫ້ອງການດັ່ງກ່າວ ເຂົ້າຮ່ວມ.

ຂະບວນນັກກິລາທີ່ເຂົ້າຮ່ວມແຂ່ງຂັນ
ຂະບວນນັກກິລາທີ່ເຂົ້າຮ່ວມແຂ່ງຂັນ

ພັທ ສົມຄິດ ລາວຜາສຸກ ຫົວໜ້າພະແນກຊັບສິນ, ກໍ່ສ້າງ-ສ້ອມແປງ ແລະ ເຕັກນິກ ທັງເປັນຄະນະໜ່ວຍຊາວໜຸ່ມຫ້ອງການ ກ່າວວ່າ: ການສ້າງຂະບວນການແຂ່ງຂັນກິລາໃນຄັ້ງນີ້ ກໍເພື່ອເປັນການຂໍ່ານັບຮັບຕ້ອງກອງປະຊຸມໃຫຍ່ 3 ຂັ້ນ; ເວົ້າສະເພາະແມ່ນກອງປະຊຸມໃຫຍ່ ຄັ້ງທີ VII ຂອງຫ້ອງການກົມໃຫຍ່ການເມືອງ ທີ່ຈະມາເຖິງໃນມໍ່ໆນີ້ ໃຫ້ມີບັນຍາກາດຟົດຟື້ນ ແລະ ຍັງເຮັດໃຫ້ບັນດາພະນັກງານມີສຸຂະພາບເຂັ້ມແຂງ, ຫ້າວຫັນເຮັດສຳເສັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ດ້ວຍ ຄວາມຮັບຜິດຊອບສູງ; ໃນນັ້ນ, ປະກອບມີທັງໝົດ 12 ທີມ, ທີມຍິງ 4 ທີມ; ນອກຈາກຂະບວນການແຂ່ງຂັນກິລາແລ້ວ, ຊາວໜຸ່ມຫ້ອງການກົມ 501 ໄດ້ຈັດກິດຈະ ກຳ ເຊັ່ນ: ສ້າງຫ້ອງນໍ້າຢູ່ຫໍພັກພະນັກງານໂສດ 2 ຫຼັງ, ເຮັດກຳແພງ ແລະ ເພີ່ມພູນ ຜະລິດຜົນດ້ວຍການປ່ອຍປາ, ລ້ຽງສັດ ເພື່ອປະຕິບັດຕາມຄຳຂວັນທີ່ວ່າ: “ກຸ້ມຕົນ ເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ”.

ການແຂ່ງຂັນທີ່ເຕັມໄປດ້ວຍຄວາມເບີກບານມ່ວນຊື່ນ
ການແຂ່ງຂັນທີ່ເຕັມໄປດ້ວຍຄວາມເບີກບານມ່ວນຊື່ນ

ໂອກາດດັ່ງກ່າວ, ພັອ ພອນເພັງ ຫຼ້າບັນດິດ ໄດ້ຮຽກຮ້ອງບັນດານັກກິລາ ກໍຄືພະນັກງານຫຼັກແຫຼ່ງ ຈົ່ງພ້ອມກັນແຂ່ງຂັນດ້ວຍຄວາມມ່ວນຊື່ນ, ມີມິດຕະພາບ, ຮູ້ໄດ້-ຮູ້ເສຍ ແລະ ມີນໍ້າໃຈຕໍ່ກັນແລະກັນ ເພື່ອເຮັດໃຫ້ການແຂ່ງຂັນຄັ້ງນີ້ເຕັມໄປດ້ວຍຄວາມເບີກບານມ່ວນຊື່ນ.

- Advertisement -
Visual Composer Website Builder