ນັກກິລາບານສົ່ງຂອງ ວສປ

ວິທະຍາຄານສັນຕິບານປະຊາຊົນ (ວສປ) ກະຊວງ ປກສ ໄດ້ແຂ່ງຂັນກິລາບານສົ່ງຊາຍ-ຍິງ ອ້ອມຂ້າງວິທະຍາຄານ ເພື່ອກະກຽມຂ່ໍານັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ວິທະຍາຄານສັນຕິບານປະຊາຊົນ ແລະ ຕ້ອນຮັບວັນຄູແຫ່ງຊາດ 7 ຕຸລາ ຄົບຮອບ 25 ປີ ທີ່ຈະມາເຖິງນີ້ ໃນອາທິດ ຜ່ານມາ; ນຳພາໂດຍ ພັທ ປອ ສີພອນ ພັນທະວົງ ຫົວໜ້າຫ້ອງການເມືອງ ຄະນະຊີ້ນຳວຽກງານກິລາວິທະຍາຄານສັນຕິບານປະຊາຊົນ, ມີຄະນະພັກ-ຄະນະບັນຊາ, ຄະນະກຳມະການ, ນັກກິລາເຂົ້າຮ່ວມ.

 ພັທ ປອ ສີພອນ ພັນທະວົງ ຫົວໜ້າຫ້ອງການເມືອງ ຄະນະຊີ້ນຳວຽກງານກິລາວ ສປ ມອບລາງວັນໃຫ້ທີມຊາຍ
ພັທ ປອ ສີພອນ ພັນທະວົງ ມອບລາງວັນໃຫ້ທີມຊາຍ

ພັທ ບຸນປະດິດ ວົງພູທອນ ຫົວໜ້າຄະນະວິຊາສືບສວນ-ສອບສວນ ທັງເປັນຫົວໜ້າອະນຸ ກຳມະການຂະບວນການ ກ່າວວ່າ: ການແຂ່ງຂັນກິລາບານສົ່ງຄັ້ງນີ້, ເພື່ອເປັນການຈັດຕັ້ງປະ ຕິບັດແຜນການແຂ່ງຂັນກິລາປະຈໍາປີ ກໍຄືການສ້າງຂະບວນການກິລາກະກຽມຂ່ໍານັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ວສປ ; ພ້ອມທັງເຮັດໃຫ້ພະນັກງານ-ນັກຮົບ ແລະ ນັກສຶກສາມີສຸຂະພາບພະລານາໄມສົມບູນ, ແຂງແຮງ, ມີຈິດໃຈປອດໃສ, ຫ່າງໄກຈາກສິ່ງເສບຕິດ ແລະ ພະຍາດໂລຄາ, ສ້າງໄດ້ຄວາມສາມັກຄີຮັກແພງເຊິ່ງກັນແລະກັນ; ທັງເປັນການຜູກແໜ້ນຄວາມສາມັກຄີ, ແລກປ່ຽນບົດຮຽນດ້ານເຕັກ ນິກກິລາລະຫວ່າງພະນັກງານ-ນັກຮົບ ແລະ ນັກສຶກສານຳກັນ ພ້ອມທັງເປີດໂອກາດໃຫ້ສະ ແດງໄຫວພິກຂອງຕົນໃນວຽກງານກິລາ ກໍຄືການປະຕິບັດໜ້າທີ່ວຽກງານວິຊາສະເພາະທີ່ພັກ-ລັດ ແລະ ຂັ້ນເທິງໄດ້ມອບໝາຍໃຫ້ ປະສົບຜົນສໍາ ເລັດ ແລະ ມີປະສິດທິຜົນສູງ; ນັກກິລາແຕ່ລະທີມໄດ້ເຄື່ອນໄຫວຕາມພາລະບົດບາດຂອງຕົນ ດ້ວຍຄວາມຮັບຜິດຊອບສູງ ເພື່ອຍາດເອົາໄຊ ຊະນະ ແລະ ຜົນສໍາເລັດສູ່ທິມຂອງຕົນ ບົນພື້ນຖານເຄົາລົບກົດລະບຽບຂອງການແຂ່ງຂັນຢ່າງ ເຂັ້ມງວດ, ມີນ້ຳໃຈນັກກິລາ ເຊິ່ງການແຂ່ງຂັນກິ ລາດັ່ງກ່າວກໍໄດ້ຮັບຜົນສໍາເລັດຢ່າງຈົບງາມ.

ພັທ ບຸນປະດິດ ວົງພູທອນ ຫົວໜ້າຄະນະວິຊາສືບສວນ-ສອບສວນ ວສປ ມອບລາງວັນໃຫ້ນັກກິລາທີມຍິງ
ພັທ ບຸນປະດິດ ວົງພູທອນ ມອບລາງວັນໃຫ້ນັກກິລາທີມຍິງ

ການແຂ່ງຂັນກິລາບານສົ່ງຄັ້ງນີ້ ມີທັງໝົດ 17 ທີມ (ທີມຊາຍ 11 ແລະ ຍິງ 6 ທີມ) ໃນ ວສປ, ປະກອບມີ: ທີມພະນັກງານຄູ-ອາຈານ, ທີມຂະແໜງພາຍໃນ, ທີມຂະແໜງສືບສວນ, ທີມຂະແໜງປະຕິ ການ, ທີມຂະແໜງນັກສຶບ ແລະ ທີມຂະແໜງຄຸ້ມຄອງລັດ; ຜ່ານການແຂ່ງຂັນ, ຊະເລີດທີມຊາຍ ໄດ້ແກ່ທີມຂະແໜງຕ້ານນັກສືບ ຮັບຂັນ 1 ໜ່ວຍ ພ້ອມເງິນສົດ 4 ແສນກີບ; ອັນດັບ 2 ໄດ້ແກ່ທີມຂະແໜງພາຍໃນ ຮັບຂັນ 1 ໜ່ວຍ ພ້ອມເງິນສົດ 3 ແສນກີບ; ອັນດັບ 3 ໄດ້ແກ່ ທີມຂະແໜງສືບສວນ 1 ຮັບຂັນ 1 ໜ່ວຍ ພ້ອມເງິນສົດ 2 ແສນກີບ ແລະ ອັນດັບ 4 ໄດ້ ແກ່ທີມຂະແໜງສືບສວນ 2 ຮັບຂັນ 1 ໜ່ວຍ.

ສຳລັບທີມບານສົ່ງຍິງຊະເລີດ ໄດ້ແກ່ທີມຄູ-ອາຈານ ວສປ ຮັບຂັນ 1 ໜ່ວຍ ພ້ອມເງິນສົດ 4 ແສນກີບ; ອັນດັບ 2 ໄດ້ແກ່ທີມຂະແໜງສືບ ສວນ ຮັບຂັນ 1 ໜ່ວຍ ພ້ອມເງິນສົດ 3 ແສນກີບ; ອັນດັບ 3 ໄດ້ແກ່ທີມຂະແໜງຄຸ້ມຄອງລັດ 1 ຮັບຂັນ 1 ໜ່ວຍ ພ້ອມເງິນສົດ 2 ແສນກີບ ແລະ ອັນດັບ 4 ໄດ້ແກ່ທີມຂະແໜງຄຸ້ມຄອງພາຍໃນ ຮັບຂັນ 1 ໜ່ວຍ.

- Advertisement -
Visual Composer Website Builder