ໂຮງຮຽນ ປກສ ຊັ້ນສູງ ເລກ 4 ແຂວງຈຳປາສັກ ປິດຊຸດຮຽນ

0
202

ວັນທີ 26 ກັນຍາ 2019 ນີ້ ໂຮງຮຽນ ປກສ ຊັ້ນສູງ ເລກ 4 ແຂວງຈຳປາສັກ ໄດ້ຈັດພິທີປິດຊຸດຮຽນ ແລະ ມອບໃບປະກາສະນີຍະບັດ ໃຫ້ນັກສຶກສາຮຸ່ນ ທີ 8 ຂຶ້ນ; ໂດຍການເຂົ້າຮ່ວມເປັນປະທານ ຂອງ ພົຈວ ປອ ສຸວັນນີ ສີສຸພາບມີໄຊ ຮອງກົມໃຫຍ່ການເມືອງ ກະຊວງປ້ອງກັນຄວາມສະຫງົບ, ມີ ພັອ ສຸກັນໄຕ ໄຊຍະວົງ ຮອງຫົວໜ້າກອງບັນຊາການ ປກສ ແຂວງຈຳປາສັກ; ພັທ ໄກຍະກອນ ພິມພາພົງສະຫວັດ ຫົວໜ້າອຳນວຍການ ໂຮງຮຽນ ປກສ ຊັ້ນສູງ ເລກ 4 ແຂວງ ຈຳປາສັກ, ມີຫົວໜ້າກອງບັນຊາການ ຈາກ 3 ແຂວງພາກໃຕ້ ( ສາລະວັນ, ເຊກອງ ແລະ ອັດຕະປື ), ມີຄະນະພັກ-ຄະນະບັນຊາ ຈາກຫ້ອງ, 9 ເມືອງ, 1 ນະຄອນ ຕະຫຼອດຮອດພະນັກງານຄູ-ອາຈານ, ນັກສຶກສາ ຮຸ້ນທີ 8 ເຂົ້າຮ່ວມ.

ໂຮງຮຽນ ປກສ ຊັ້ນສູງ ເລກ 4 ແຂວງຈຳປາສັກ ປິດຊຸດຮຽນ
ໂຮງຮຽນ ປກສ ຊັ້ນສູງ ເລກ 4 ແຂວງຈຳປາສັກ ປິດຊຸດຮຽນ

ພັທ ອິນແປງ ພີມມະເສນ ຮອງອຳ ນວຍການໂຮງຮຽນ ປກສ ຊັ້ນສູງ ເລກ 4 ໄດ້ສະຫຼຸບຕີລາຄາຄືນກ່ຽວກັບວຽກງານການຮຽນ-ການສອນໄດ້ໃນໄລຍະຜ່ານມາວ່າ:

ມີຜົນສຳເລັດຫຼາຍດ້ານ ຂອງພະນັກງານຄູ-ອາຈານ ແລະ ນັກສຶກສາ ຮຸ່ນທີ 8 ໂດຍສະເພາະແມ່ນວຽກງານການສິດສອນໃນການ ຖ່າຍທອດຄວາມຮູ້-ຄວາມສາມາດໃຫ້ແກ່ນັກສຶກສາຢ່າງທົ່ວເຖິງ ເປັນຕົ້ນແມ່ນ ດ້ານການສຶກສາການເມືອງ-ແນວຄິດ; ເພື່ອແນໃສ່ໃຫ້ມີແນວຄິດໜັກແໜ້ນ, ການເມືອງໜັກແໜ້ນ, ຮູ້ໄດ້ເຖິງແນວທາງນະໂຍບາຍຂອງພັກ; ລະບຽບກົດໝາຍຂອງລັດ; ຈາກນັ້ນ, ໄດ້ເນັ້ນໜັກເຖິງວຽກງານວິຊາສະພາະເພື່ອຮັບປະ ກັນດ້ານຄຸນນະພາບຂອງໜ້າທີ່ວຽກງານວິຊາສະເພາະກຳລັງປ້ອງກັນຄວາມສະຫງົບ ໃຫ້ໄດ້ຮັບໝາກຜົນ, ເຊິ່ງໃນນັ້ນ, ມີຈຳນວນນັກສຶກສາຮຸ່ນທີ 8 ທັງໝົດ 263 ສະຫາຍ, ຍິງ 29 ສະຫາຍ ໂດຍສະເພາະແມ່ນມາຈາກພາກສ່ວນຂອບເຂດທົ່ວປະເທດ, ໃນນັ້ນ, ໄດ້ແບ່ງອອກເປັນ 2 ຂະແໜງການຮຽນ ຄື: ຂະແໜງສັນຕິບານ ແລະ ຂະແໜງ ຕຳຫຼວດ, ເຊິ່ງໄດ້ກຳນົດເວລາຮຽນ 2 ປີ.

ຜ່ານການຄົ້ນຄວ້າຊອກຮູ້ຮ່ຳຮຽນຄວາມຮູ້-ຄວາມສາມາດຂອງນັກສຶກສາສາມາດສອບເສັງໄດ້ພາກວິຊາການເມືອງຄະແນນ 9 ມີ 100 ສະຫາຍ; ຄະແນນ 8 ມີ 158 ສະຫາຍ ແລະ ຄະແນນ 7 ມີ 5 ສະຫາຍ; ພາກວິຊາກົດໝາຍ ຄະແນນ 9 ມີ 67 ສະຫາຍ, ຄະແນນ 8 ມີ 151 ສະຫາຍ, ຄະແນນ 7 ມີ 45 ສະ ຫາຍ, ພາກວິຊາສະເພາະຂະແໜງຕຳ ຫຼວດ-ສັນຕິບານ ຄະແນນ 9 ມີ 83 ສະ ຫາຍ, ຄະແນນ 8 ມີ 180 ສະຫາຍ.

ພິທີໄດ້ມອບໃບຍ້ອງຍໍ ແລະ ໃບກຽດຕິຄຸນໃຫ້ແກ່ຕາງໜ້ານັກສຶກສາ ຮຸ່ນທີ 8 ຈໍານວນ 290 ໃບ
ພິທີໄດ້ມອບໃບຍ້ອງຍໍ ແລະ ໃບກຽດຕິຄຸນໃຫ້ແກ່ຕາງໜ້ານັກສຶກສາ ຮຸ່ນທີ 8 ຈໍານວນ 290 ໃບ

ໃນພິທີໄດ້ມອບໃບຍ້ອງຍໍ ແລະ ໃບກຽດຕິຄຸນໃຫ້ແກ່ຕາງໜ້ານັກສຶກສາ ຮຸ່ນທີ 8 ຈໍານວນ 290 ໃບ; ນຳອີກ ມອບໂດຍ ພັອ ສຸກັນ ໄຕໄຊຍະວົງ ຮອງຫົວໜ້າກອງບັນຊາການ ປກສ ແຂວງຈຳປາສັກ ພ້ອມທັງພັນກັບການຍ້ອງຍໍເລື່ອນຊັ້ນໃຫ້ກັບນັກສຶກສາຍັງໄດ້ເອົາໃຈໃສ່ສະເໜີເລື່ອນຊັ້ນ ຮ້ອຍໂທ ຂື້ນ ຮ້ອຍເອກ 7 ສະຫາຍ; ຮ້ອຍຕີ ຂື້ນ ວາທີ 12 ສະ ຫາຍ ຍິງ 2 ສະຫາຍ, ປະດັບຊັ້ນ ຮ້ອຍຕີມີ 170 ສະຫາຍ ຍິງ 8 ສະຫາຍ.

- Advertisement -
Visual Composer Website Builder