ນາຍຕຳຫຼວດ ກົມໃຫຍ່ສັນຕິບານ ໄດ້ຮັບການເລື່ອນຊັ້ນ

0
320

ບັນດານາຍຕຳຫຼວດທີ່ຂຶ້ນກັບ ກົມໃຫຍ່ສັນຕິບານ ຈຳນວນ 49 ສະຫາຍ ຍິງ 20 ສະຫາຍ ທີ່ມີຜົນສຳເລັດໃນການປະຕິບັດໜ້າທີ່ວຽກງານ ແລະ ຄົບມາດຖານເງື່ອນໄຂຂອງການເລື່ອນຊັ້ນ ທີ່ໄດ້ກຳນົດໄວ້ໃນ ກຳລັງປ້ອງກັນຄວາມສະຫງົບ ປະຊາຊົນ ໄດ້ຮັບການປະກາດເລື່ອນຊັ້ນ ໃນວັນທີ 4 ຕຸລາ 2019 ເຊິ່ງໃຫ້ກຽດປະດັບຊັ້ນໂດຍ ພົຈວ ບຸນມີ ແສງຄຳຢອງ ຫົວໜ້າກົມໃຫຍ່ສັນຕິບານ ກະຊວງ ປກສ, ພ້ອມທັງມີພະນັກງານທີ່ກ່ຽວຂ້ອງ ເຂົ້າຮ່ວມ.

ພັທ ທອງສຽນ ສຸນາເຄນ ຮອງຫົວໜ້າຫ້ອງການເມືອງ ກົມໃຫຍ່ສັນຕິບານ ໄດ້ຜ່ານຂໍ້ຕົກລົງ ສະບັບເລກທີ 2078/ປກສ ລົງວັນທີ 26 ກັນຍາ 2019 ວ່າດ້ວຍ ການເລື່ອນຊັ້ນໃຫ້ນາຍຕຳຫຼວດ ກົມໃຫຍ່ສັນຕິບານ ໂດຍລັດຖະມົນຕີ ກະຊວງ ປກສ ຕົກລົງເລື່ອນຊັ້ນ ຮ້ອຍເອກ ຂຶ້ນ ພັນຕີ 1 ສະຫາຍ, ຮ້ອຍໂທ ຂຶ້ນ ຮ້ອຍເອກ 48 ສະຫາຍ ຍິງ 20 ສະຫາຍ.

ໂອກາດນີ້, ພົຈວ ບຸນມີ ແສງຄຳຢອງ ໄດ້ຍ້ອງຍໍຊົມເຊີຍຕໍ່ ບັນດາສະຫາຍທີ່ໄດ້ຮັບການເລື່ອນຊັ້ນຄັ້ງນີ້, ພ້ອມທັງເນັ້ນໃຫ້ບັນດາສະຫາຍ ເພີ່ມທະວີການຝຶກຝົນຫຼ່ໍຫຼອມຕົນເອງ ໃຫ້ມີແນວຄິດການເມືອງ ໜັກແໜ້ນ, ເຊື່ອໝັ້ນຕໍ່ການຊີ້ນຳ – ນຳພາຂອງຂັ້ນເທິງ ເພື່ອເປັນເຈົ້າການປະຕິບັດໜ້າທີ່ວຽກງານທີ່ໄດ້ຮັບມອບໝາຍ ໃຫ້ມີຜົນງານໃໝ່ ໃຫຍ່ຂຶ້ນກວ່າເກົ່າ.

- Advertisement -
Visual Composer Website Builder