ປະທານພິທີສະຫຼຸບ ຜົນສຳເລັດຝຶກອົບຮົມວິຊາສະເພາະ ໃຫ້ ປກສ ບ້ານແທ ແລະ ປກາ ບ້ານທ່າແສງຈັນ
ປະທານພິທີສະຫຼຸບ ຜົນສຳເລັດຝຶກອົບຮົມວິຊາສະເພາະ ໃຫ້ ປກສ ບ້ານແທ ແລະ ປກາ ບ້ານທ່າແສງຈັນ

ກອງບັນຊາການ ປກສ ເມືອງສະໜາມໄຊ ແຂວງອັດຕະປື ໄດ້ປີດຊຸດຝຶກອົບຮົມວຽກງານວິຊາສະເພາະໃຫ້ແກ່ກຳລັງ ປກສ ບ້ານແທ ແລະ ບ້ານທ່າແສງຈັນ ໃນອາທິດຜານມາ ( ສຳເລັດຝຶກອົບຮົມວິຊາສະເພາະ ) , ພາຍຫຼັງທີ່ໄດ້ດໍາເນີນມາແຕ່ວັນທີ 23 ກັນຍາ 2019; ເປັນປະທານໂດຍ ພັທ ບຸນເລີດ ແກ້ວພຸດທະວົງ ຫົວໜ້າກອງບັນຊາການ ປກສ ເມືອງ, ມີພາກສ່ວນກ່ຽວຂ້ອງ ຈາກ ປກສ ແຂວງ, ປກສ ເມືອງ, ອຳນາດການປົກຄອງບ້ານ ແລະ ນັກສຳມະນາກອນ ເຂົ້າຮ່ວມ.

ຊຸດຝຶກອົບຮົມວຽກງານວິຊາສະເພາະດັ່ງກ່າວ, ມີນັກສຳມະນາກອນໄດ້ຮຽນຮູ້ດ້ານທິດສະດີເອກະສານ ແລະ ນິຕິກຳຕ່າງໆທີ່ກ່ຽວຂ້ອງກັບວຽກງານວິຊາສະເພາະ ພ້ອມທັງໄດ້ສົນທະນາແລກປ່ຽນບົດຮຽນເຊິ່ງກັນແລະກັນຢ່າງກົງໄປກົງມາໃນແຕ່ລະຂົງເຂດວຽກງານ ເປັນຕົ້ນ ວຽກງານການຈົດທະບຽນຄຸ້ມຄອງສຳມະໂນຄົວຄົນລາວ ແລະ ຄົນຕ່າງດ້າວ; ວຽກງານການຄຸ້ມຄອງອາຊີບພິເສດ-ພາຫະນະພິເສດ, ວຽກງານຄຸ້ມຄອງການມາພັກເຊົາຂອງພົນລະເມືອງລາວ ແລະ ຊາວຕ່າງດ້າວ, ວຽກງານສະກັດກັ້ນ ແລະ ຕ້ານຢາເສບຕິດ, ວຽກງານເກັບກຳ-ຄຸ້ມຄອງບັນຊີເປົ້າໝາຍ ແລະ ວຽກງານອື່ນໆ ເພື່ອເຮັດໃຫ້ບັນດານັກສຳມະນາກອນໄດ້ຮັບຮູ້, ເຂົ້າໃຈ ແລະ ນຳໄປໝູນໃຊ້ເຂົ້າໃນການຈັດຕັ້ງປະຕິ ບັດວຽກງານວິຊາສະເພາະຂອງຕົນໃຫ້ຖືກຕ້ອງຕາມລະບຽບການ ແລະ ສອດຄ່ອງກັບສະພາບຈຸດພິເສດຂອງແຕ່ລະທ້ອງຖິ່ນ.

ບັນດາອ້າຍ-ນ້ອງ ປກສ ທັງສອງບ້ານ ທີ່ເຂົ້າຮ່ວມພິທີສະຫຼຸບຜົນ ສຳເລັດຝຶກອົບຮົມວິຊາສະເພາະ ໃນຄັ້ງນີ້
ບັນດາອ້າຍ-ນ້ອງ ປກສ ທັງສອງບ້ານ ທີ່ເຂົ້າຮ່ວມພິທີສະຫຼຸບຜົນ ສຳເລັດຝຶກອົບຮົມວິຊາສະເພາະ ໃນຄັ້ງນີ້

ພັທ ບຸນເລີດ ແກ້ວພຸດທະວົງ ໄດ້ໃຫ້ກຽດໂອ້ລົມຕື່ມອີກກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະຂອງກຳລັງ ປກສ ບ້ານ ທັງ 2 ບ້ານ ທີ່ຍາດມາໄດ້ໃນໄລຍະຜ່ານມາ ເວົ້າລວມ, ເວົ້າສະເພາະແມ່ນຜົນສໍາເລັດຂອງບັ້ນຝຶກອົບຮົມວຽກງານວິຊາສະເພາະໃນຊຸດນີ້ຢ່າງມີປະສິດທິຜົນ; ພ້ອມທັງເນັ້ນໜັກໃຫ້ກຳລັງ ປກສ ບ້ານທັງ 2 ບ້ານ ທີ່ໄດ້ເຂົ້າຮ່ວມຊຸດຝຶກອົບຮົມໃນຊຸດນີ້ ຈົ່ງນຳເອົາເນື້ອໃນຈິດໃຈ ແລະ ບົດຮຽນທີ່ໄດ້ຮຽນມາ ໄປຈັດຕັ້ງປະຕິບັດຢູ່ໃນຂົງເຂດວຽກງານໃຫ້ຖືກຕ້ອງຕາມລະບຽບການ ໂດຍສົມທົບແໜ້ນກັບອຳນາດການປົກຄອງບ້ານ ແລະ ພາກສ່ວນທີ່ກ່ຽວຂ້ອງ ເພື່ອພ້ອມກັນຈັດຕັ້ງປະຕິບັດວຽກງານວິຊາສະ ເພາະແນໃສ່ເຮັດໃຫ້ທົ່ວສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ.

- Advertisement -
Visual Composer Website Builder