ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ຈັບແກ້ງປຸ້ນຈີ້, ຊິງຊັບ, ລັກຊັບ ແລະ ຊື້ຊັບຜິດກົດໝາຍ ຈັບຜູ້ຖືກຫາໄດ້ 2 ຄົນ ຊື່ ທ້າວ ຄໍາໂບ້ ອາຍຸ 29 ປີ ຢູ່ບ້ານຈອມມະນີ ເມືອງໄຊເສດຖາ ແລະ ທ້າວ ລັດສະໝີ ອາຍຸ 23 ປີ ຢູ່ບ້ານສະພັງເມິກ ເມືອງໄຊທານີ ໄປສອບສວນຂະ ຫຍາຍຜົນ ຈົນສາມາດຕິດຕາມຈັບຜູ້ຖືກຊັດທອດໄດ້ອີກ 4 ຄົນ.

ຊົມເຊີຍ ! ເຈົ້າໜ້າທີ່ຕຳຫຼວດ ຈັບແກ້ງປຸ້ນຈີ້ ເອົາລົດຈັກໄດ້ 6 ຄົນ
ຊົມເຊີຍ ! ເຈົ້າໜ້າທີ່ຕຳຫຼວດ ຈັບແກ້ງປຸ້ນຈີ້ ເອົາລົດຈັກໄດ້ 6 ຄົນ

ເຈົ້າໜ້າທີ່ ປກສ ເມືອງໄຊທານີ ເປີດເຜີຍຄະດີດັ່ງກ່າວ ໃນວັນທີ 4 ຕຸລາ ທີ່ຜ່ານມາ ໃຫ້ຮູ້ວ່າ: ໃນລະຫວ່າງ ເດືອນມີນາ ຫາ ເດືອນເມສາ ທ້າວ ຄໍາໂບ້, ທ້າວ ລັດສະໝີ, ທ້າວ ໂຈ້ອີ່ ອາຍຸ 21 ປີ ຢູ່ບ້ານຮ່ອງສຸພາບ ເມືອງໄຊເສດຖາ ພາກັນເຄື່ອນໄຫວຊອກຫາລັກລົດຈັກເຂດເຮືອນພັກ, ຫ້ອງເຊົ່າ, ເຮືອນປະຊາຊົນໃນເຂດຕົວ ເມືອງ. ພາຍຫຼັງລັກມາແລ້ວ ກໍເອົາໄປຂາຍໃຫ້ ທ້າວ ວົງວິໄລ ຫຼື ຕ່ວນ ອາຍຸ 34 ປີ ຢູ່ບ້ານນາແຄ ເມືອງໄຊທານີ ໃນລາ ຄາລະ 1.000.000-1.500.000 ກີບ ສ່ວນຫຼາຍແມ່ນລົດຈັກເວບຮ້ອຍ, ເມື່ອທ້າວ ວົງວິໄລ ຊື້ໄປແລ້ວກໍຕິດ ຕໍ່ຂາຍໃຫ້ທ້າວ ສິດປະເສີດ ຫຼື ເສີດ ອາຍຸ 24 ປີ ຢູ່ບ້ານທວາຍໃຫຍ່ ເມືອງໄຊທານີ ໃນລາຄາຄັນລະ 2.000.000-2.500. 000 ກີບ. ມາຮອດວັນທີ 14 ສິງຫາ 2019, ສາມາດກັກຕົວ ທ້າວ ວົງວິໄລ ແລະ ທ້າວ ສິດປະເສີດ ໄປສອບສວນ.

ຊົມເຊີຍ ! ເຈົ້າໜ້າທີ່ຕຳຫຼວດ ຈັບແກ້ງປຸ້ນຈີ້ ເອົາລົດຈັກໄດ້ 6 ຄົນ
ຊົມເຊີຍ ! ເຈົ້າໜ້າທີ່ຕຳຫຼວດ ຈັບແກ້ງປຸ້ນຈີ້ ເອົາລົດຈັກໄດ້ 6 ຄົນ

ເຈົ້າໜ້າທີ່ຍັງໃຫ້ຮູ້ຕື່ມວ່າ: ໃນເດືອນພຶດສະພາ 2019, ທ້າວ ສ່ຽວສະຫວາດ ອາຍຸ 37 ປີ ບ້ານໂນນສະອາດ ເມືອງໄຊທານີ ແລະ ທ້າວ ຄໍາໂບ້ ໄດ້ພາກັນປຸ້ນເອົາລົດຈັກເວບຮ້ອຍສີດໍາ ຢູ່ເສັ້ນທາງຖະໜົນໄກ ສອນ ເຂດຫຼັກ 7 ບ້ານພະຂາວ ເມືອງໄຊທານີ; ໃນການປຸ້ນຄັ້ງນີ້, ທ້າວ ສ່ຽວສະຫວາດ ໄດ້ໃຊ້ກໍາປັ້ນຕີໜ້າເຈົ້າຂອງລົດ ປະມານ 2-3 ບາດ. ພາຍຫຼັງຕີ ແລ້ວ ທ້າວ ຄໍາໂບ້ ກໍລົງໄປເອົາລົດຈັກຄັນດັ່ງກ່າວ ແລ້ວຂີ່ຫຼົບໜີ. ຈາກນັ້ນ, ກໍ ເອົາໄປຂາຍໃຫ້ ທ້າວ ວົງວິໄລ ເມື່ອໄດ້ ເງິນກໍເອົາໄປຊື້ຢາບ້າມາເສບຈົນໜົດ.

ຊົມເຊີຍ ! ເຈົ້າໜ້າທີ່ຕຳຫຼວດ ຈັບແກ້ງປຸ້ນຈີ້ ເອົາລົດຈັກໄດ້ 6 ຄົນ
ຊົມເຊີຍ ! ເຈົ້າໜ້າທີ່ຕຳຫຼວດ ຈັບແກ້ງປຸ້ນຈີ້ ເອົາລົດຈັກໄດ້ 6 ຄົນ

ຜ່ານການສອບສວນ, ເຈົ້າໜ້າທີ່ ກໍສາມາດເກັບກູ້ລົດຈັກຄືນມາໄດ້ຈໍານວນໜຶ່ງ ແລະ ພວມສືບຕໍ່ຕິດຕາມເຄື່ອງ ຂອງກາງຄະດີອີກຈໍານວນໜຶ່ງ ພ້ອມທັງຮຽກຮ້ອງມາຍັງພໍ່-ແມ່ປະຊາຊົນ, ຊາວຄ້າ-ຂາຍ, ພະນັກງານ-ລັດຖະກອນ ໂດຍສະເພາະແມ່ນນັກຮຽນ-ນັກສຶກສາ ຈົ່ງມີສະຕິລະວັງໃນການຮັກສາພາຫະນະ, ຊັບສິນຂອງຕົນເວລາຈອດລົດຕາມຖະໜົນຫົນທາງ ແລະ ສະຖານທີ່ອື່ນໆ ຕ້ອງໃສ່ກະແຈລ໋ອກຢ່າງແໜ້ນໜາ ຫຼື ນໍາໄປຈອດຢູ່ສະ ຖານທີ່ຮັບຝາກ ເພື່ອບໍ່ໃຫ້ເປັນຊ່ອງຫວ່າງແກ່ກຸ່ມຄົນບໍ່ດີສວຍໂອກາດລັກເອົາລົດຈັກ ແລະ ທີ່ສໍາຄັນໃນຍາມຂັບຂີ່ລົດກາງຄືນຄວນມີສະຕິສູງ ແລະ ບໍ່ຂັບຂີ່ຕາມເສັ້ນທາງປ່ຽວຢ່າງເດັດຂາດ.

- Advertisement -
Visual Composer Website Builder