ກາງເດືອນກັນຍາ 2019 ນີ້, ເຈົ້າໜ້າທີ່ພະແນກສືບສວນ-ສອບສວນ ຫ້ອງຕໍາຫຼວດ ປກສ ແຂວງໄຊຍະບູລີ ໄດ້ຮັບແຫຼ່ງງຂ່າວວ່າ: ມີກຸ່ມຄົນບໍ່ດີໄດ້ເຄື່ອນໄຫວລັກເອົາ ລົດຈັກ ແລ້ວຫຼົບໜີເຂົ້າໄປໃນເຂດເທດສະບານເມືອງໄຊຍະບູລີ ຈຶ່ງໄດ້ນໍາໜ່ວຍງານວິຊາສະເພາະ ອອກເຄື່ອນໄຫວກວດກາຕິດຕາມຂອບເຂດທີ່ຖືກສົງໄສ. ໃນຂະນະດຽວກັນນັ້ນ, ໄດ້ກວດກາພົບເຫັນ ລົດຈັກ ຈໍານວນ 2 ຄັນ ຄື: ລົດຈັກຍີ່ຫໍ້ ຮອນດາເວບ 110 ໄອ ສີຟ້າດໍາ ແລະ ລົດຈັກຍີ່ຫໍ້ ຮອນດາ ຊູເມີເອັກ ສີແດງດໍາ ທີ່ຖືກຄົນຮ້າຍລັກໄປດັດແປງສະພາບເຕັກນິກ ແລະ ປະກາດຂາຍ.

ມອບ ລົດຈັກ ຄືນເຈົ້າຂອງເດີມ ແລະ ຈັບຜູ້ຖືກຫາ 2 ຄົນ
ມອບ ລົດຈັກ ຄືນເຈົ້າຂອງເດີມ ແລະ ຈັບຜູ້ຖືກຫາ 2 ຄົນ

ເຈົ້າໜ້າທີ່ ຈຶ່ງໄດ້ເຂົ້າກັກລົດດັ່ງກ່າວໄວ້ ພ້ອມທັງແຈ້ງໃຫ້ເຈົ້າຂອງລົດນໍາເອົາຫຼັກຖານທີ່ກ່ຽວຂ້ອງມາຢັ້ງຢືນຮັບເອົາ; ເຊິ່ງລົດຈັກທັງ 2 ຄັນ ແມ່ນເປັນລົດຂອງ ທ້າວ ໄຊພອນ ອິນແຈ້ງສອນ ຢູ່ບ້ານນາຊິງ ເມືອງພຽງ ແລະ ນາງ ແສງຄູນ ສີລາແກ້ວ ຢູ່ບ້ານນໍ້າຊົ້ງ ເມືອງປາກລາຍ ແຂວງໄຊຍະບູລີ. ລົດຈັກຂອງພວກກ່ຽວໄດ້ຖືກຄົນຮ້າຍລັກໄປແຕ່ວັນທີ 5 ແລະ ວັນທີ 17 ເດືອນກັນຍາ 2019.

ມອບ ລົດຈັກ ຄືນເຈົ້າຂອງເດີມ ແລະ ຈັບຜູ້ຖືກຫາ 2 ຄົນ
ມອບ ລົດຈັກ ຄືນເຈົ້າຂອງເດີມ ແລະ ຈັບຜູ້ຖືກຫາ 2 ຄົນ

ຈາກນັ້ນ, ທາງເຈົ້າໜ້າທີ່ ຈຶ່ງນໍາຕົວຜູ້ຖືກຫາລັກລົດຈັກທັງສອງຄັນ ໄປດໍາເນີນຄະດີຕາມລະບຽບກົດໝາຍ ແລະ ໄດ້ນໍາເອົາລົດທັງ 2 ຄັນມອບຄື່ນໃຫ້ເຈົ້າຂອງເດີມ ໂດຍຊ່ອງໜ້າເຈົ້າໜ້າທີ່ກ່ຽວຂ້ອງ ແລະ ຍາດຕິພີ່ນ້ອງຂອງຜູ້ເສຍຫາຍເຂົ້າ ຮ່ວມເປັນສັກຂີພະຍານ.

- Advertisement -
Visual Composer Website Builder