ພິທີປະກາດເລື່ອນປະດັບທຽບຊັ້ນໃຫ້ນາຍທະຫານ ທີ່ຮຽນຈົບຈາກວິຊາສະເພາະຂັ້ນປະ ລິນຍາຕີ, ຊັ້ນສູງ, ຊັ້ນກາງຈາກສາຍລັດ ຢູ່ ກອງບັນຊາການທະຫານ ນະຄອນຫຼວງວຽງຈັນ (ນວ) ໃນວັນທີ 22 ຕຸລາ 2019; ເຂົ້າຮ່ວມໂດຍ ພັອ ບົວເງິນ ຫົງໄຂຄຳ ຫົວໜ້າຫ້ອງການເມືອງ ທະຫານ ນວ, ມີຄະນະພັກ-ຄະນະ ບັນຊາກົມກອງ, ຜູ້ຮັບຜິດຊອບວຽກງານກ່ຽວຂ້ອງ ແລະ ພະນັກງານທີ່ໄດ້ຮັບເລື່ອນຊັ້ນໃໝ່ ເຂົ້າຮ່ວມ.
ພັທ ເຂັມເພັດ ຫັນທະວົງ ຫົວໜ້າພະແນກພະນັກງານທະຫານ ນວ ຂຶ້ນຜ່ານຂໍ້ຕົກລົງຂອງ ກົມໃຫ່ຍການເມືອງກອງທັບ ວ່າດ້ວຍການປະດັບທຽບຊັ້ນນັກຮຽນທີ່ຮຽນຈົບວິຊາສະເພາະຈາກ ສາຍລັດສະບັບເລກທີ 5230 ລົງວັນທີ 11 ຕຸລາ 2019 ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ໃນພາກທີ II ໝວດທີ 3 ມາດຕາ 19 ມາດຕາ 20 ວ່າດ້ວຍການເລື່ອນຊັ້ນ, ປະດັບຊັ້ນ, ປະດັບທຽບຊັ້ນເປັນນາຍທະຫານ; ໃນນີ້, ປະກອບມີ 8 ສະຫາຍ ຄື: ປະດັບທຽບຊັ້ນຮ້ອຍໂທ ຈໍານວນ 7 ສະຫາຍ ແລະ ປະດັບທຽບຊັ້ນ ຮ້ອຍຕີ 1 ສະຫາຍ.
ໂອກາດນີ້, ທ່ານຫົວໜ້າຫ້ອງການເມືອງທະຫານ ນວ ໄດ້ຍ້ອງຍໍຕໍ່ຜູ້ທີ່ໄດ້ຮັບການປະດັບຊັ້ນໃນຄັ້ງນີ້ ແລະ ຮຽກຮ້ອງໃຫ້ບັນດາຜູ້ທີ່ໄດ້ຮັບການປະດັບຊັ້ນໃນຄັ້ງນີ້ຮັກສາຜົນງານນີ້ໄວ້ສ້າງ ຜົນງານໃຫ້ດີຂຶ້ນໄປເລື້ອຍໆ, ເອົາໃຈໃສ່ເຮັດສຳເລັດໜ້າທີ່ການເມືອງຂອງຕົນທີ່ໄດ້ຮັບມອບ ໝາຍໃຫ້, ຍົກສູງຄວາມຮັບຜິດຊອບຂອງຕົນໃຫ້ມີທ່າກ້າວຂະຫຍາຍຕົວ ເພື່ອສ້າງເງື່ອນໄຂຕົນເອງໃຫ້ກ້າວຂຶ້ນໄປເປັນພະນັກງານລຸ້ນສືບທອດໃນອະນາຄົດ.
