ຮັກສາການຫົວໜ້າ ປ້ອງກັນທີ່ຕັ້ງ (ຊ້າຍມື), ຫົວໜ້າປ້ອງກັນທີ່ຕັ້ງຜູ້ເກົ່າ (ຂວາມື)
ຮັກສາການຫົວໜ້າ ປ້ອງກັນທີ່ຕັ້ງ (ຊ້າຍມື), ຫົວໜ້າປ້ອງກັນທີ່ຕັ້ງຜູ້ເກົ່າ (ຂວາມື)

ພິທີປະກາດ ແຕ່ງຕັ້ງຮັກສາການ ຫົວໜ້າກອງບັນຊາການປ້ອງກັນທີ່ຕັ້ງ ກະຊວງປ້ອງກັນຄວາມສະຫງົບ ໄດ້ຈັດຂຶ້ນໃນວັນທີ 10 ກຸມພາ 2020 ໂດຍການເປັນປະທານຂອງ ພົຈວ ບົວພັນ ຍໍລະວົງສາ ຫົວໜ້າກອງບັນຊາການປ້ອງກັນທີ່ຕັ້ງ (ຜູ້ເກົ່າ) ມີ ພົຕ ສົມຫວັງ ທໍາມະສິດ ຮອງລັດຖະມົນຕີກະຊວງ ປກສ ພ້ອມດ້ວຍຄະນະພັກ-ຄະນະບັນຊາຈາກ 4 ຫ້ອງ 3 ກອງພັນ ຕະຫຼອດຮອດພະນັກງານ-ຫຼັກແຫຼ່ງທົ່ວກອງບັນຊາການເຂົ້າຮ່ວມ.

ພິທີປະກາດແຕ່ງຕັ້ງຮັກສາການຫົວໜ້າກອງບັນຊາການປ້ອງກັນທີ່ຕັ້ງ
ພິທີປະກາດແຕ່ງຕັ້ງຮັກສາການຫົວໜ້າກອງບັນຊາການປ້ອງກັນທີ່ຕັ້ງ

ພັທ ປທ ສົມພອນ ແກ້ວພູທອນ ຮອງຫົວໜ້າກົມຈັດຕັ້ງພະນັກງານ ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ສະບັບເລກທີ 254/ປກສ ລົງວັນທີ 31 ມັງກອນ 2020 ວ່າດ້ວຍການແຕ່ງຕັ້ງນາຍຕໍາຫຼວດທີ່ຂຶ້ນກັບກອງບັນຊາການປ້ອງກັນທີ່ຕັ້ງ ໂດຍລັດຖະມົນຕີກະຊວງປ້ອງກັນຄວາມສະຫງົບ ຕົກລົງແຕ່ງຕັ້ງ ພັອ ໄຊສີ ແກ້ວສະຫງ່າ ເປັນຮັກສາການຫົວໜ້າກອງບັນຊາການປ້ອງກັນທີ່ຕັ້ງ, ສ່ວນຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ; ສໍາລັບ ພົຈວ ບົວພັນ ຍໍລະວົງສາ ຫົວໜ້າກອງບັນຊາການປ້ອງກັນທີ່ຕັ້ງ (ຜູ້ເກົ່າ) ແມ່ນລໍຖ້າຮັບການອຸດໜູນບໍານານ.

 ພົຕ ສົມຫວັງ ທໍາມະສິດ
ພົຕ ສົມຫວັງ ທໍາມະສິດ

ໃນໂອກາດດັ່ງກ່າວ, ພົຕ ສົມຫວັງ ທໍາມະສິດ ໄດ້ສະແດງຄວາມຍ້ອງຍໍຊົມເຊີຍຕໍ່ຫົວໜ້າກອງບັນຊາການປ້ອງກັນທີ່ຕັ້ງຜູ້ເກົ່າ ທີ່ໄດ້ທຸ່ມເທເຫື່ອແຮງ, ສະຕິປັນຍາ, ມີຄວາມອົດທົນ, ສູ້ຊົນເຂົ້າໃນການເຮັດວຽກງານການເມືອງ ແລະ ໜ້າທີ່ວຽກງານວິຊາສະເພາະ ເພື່ອຮັບ ປະກັນໃຫ້ກອງບັນຊາການປ້ອງກັນທີ່ຕັ້ງມີຄວາມສະຫງົບ, ມີຄວາມເປັນລະບຽບຮຽບຮ້ອຍໂດຍພື້ນຖານ; ພ້ອມທັງຮຽກຮ້ອງໃຫ້ຜູ້ທີ່ໄດ້ຮັບການແຕ່ງຕັ້ງເປັນຮັກສາການຫົວໜ້າກອງບັນຊາການປ້ອງກັນທີ່ຕັ້ງຜູ້ໃໝ່ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ວຽກງານທີ່ໄດ້ຮັບມອບໝາຍ, ເຕົ້າໂຮມຄວາມສາມັກຄີພາຍໃນໃຫ້ແໜ້ນແຟ້ນ, ພ້ອມກັນຈັດຕັ້ງປະຕິບັດໜ້າ ທີ່ວຽກງານທີ່ໄດ້ຮັບມອບໝາຍຈາກຂັ້ນເທິງໃຫ້ມີຜົນສຳເລັດ, ສ້າງໃຫ້ກອງບັນຊາການປ້ອງກັນທີ່ຕັ້ງມີຄວາມເຕີບໃຫຍ່ ແລະ ເຂັ້ມແຂງຂຶ້ນໄປເລື້ອຍໆ.

ພິທີປະກາດແຕ່ງຕັ້ງຮັກສາການຫົວໜ້າກອງບັນຊາການປ້ອງກັນທີ່ຕັ້ງ
ພິທີປະກາດແຕ່ງຕັ້ງຮັກສາການຫົວໜ້າກອງບັນຊາການປ້ອງກັນທີ່ຕັ້ງ

+ພາບ-ຂ່າວ: ສົມສະໄຫວ