ພິທີມອບ-ຮັບໃບຢັ້ງຢືນບ້ານປອດຢາເສບຕິດຂອງ ບ້ານສ້ຽວ
ພິທີມອບ-ຮັບໃບຢັ້ງຢືນບ້ານປອດຢາເສບຕິດຂອງ ບ້ານສ້ຽວ

ພິທີປະກາດ-ຮັບຮອງເອົາ ບ້ານສ້ຽວ ເມືອງປາກອູ ແຂວງຫຼວງພະບາງ ເປັນຄອບຄົວ ແລະ ບ້ານປອດຢາເສບຕິດ ໄດ້ຈັດຂຶ້ນໃນວັນທີ 17 ມີນາ 2020, ເປັນປະທານໂດຍ ພັທ ມົວຊົ່ງ ຈືດາໄມ ຫົວໜ້າກອງບັນຊາການ ປກສ ເມືອງປາກອູ; ເຂົ້າຮ່ວມ ແລະ ມອບໃບຢັ້ງຢືນໂດຍ ທ່ານ ແກ່ນຄໍາ ຄໍາພັນ ເຈົ້າເມືອງໆປາກອູ, ມີຕາງໜ້າ ປກສ ແຂວງ, ນາຍບ້ານ ພໍ່-ແມ່ປະຊາຊົນ ແລະ ແຂກຖືກເຊີນ ເຂົ້າຮ່ວມ.

ທ່ານ ແສງດາວ ວັນນະແສງ ນາຍບ້ານໆສ້ຽວ ໄດ້ຜ່ານບົດສະຫຼຸບຜົນສໍາເລັດການສ້າງຄອບຄົວ ແລະ ບ້ານປອດຢາເສບຕິດ, ເຊິ່ງໄດ້ນໍາເອົາບັນດາແນວທາງຂອງພັກ-ລະບຽບກົດໝາຍຂອງລັດ ມາຜັນຂະຫຍາຍ ເປັນຕົ້ນແມ່ນຄໍາສັ່ງຂອງນາຍົກລັດຖະມົນຕີວ່າດ້ວຍການເພີ່ມທະວີຄວບຄຸມສະກັດກັ້ນ ແລະ ຕ້ານຢາເສບຕິດ, ຄໍາສັ່ງຂອງທ່ານເຈົ້າແຂວງຫຼວງພະບາງ ວ່າດ້ວຍການສ້າງຄອບຄົວ ແລະ ບ້ານປອດຢາເສບຕິດ; ສະນັ້ນ, ເຈົ້າໜ້າທີ່ ແລະ ອໍານາດການປົກຄອງແຕ່ລະຂັ້ນ ຈຶ່ງໄດ້ເອົາໃຈໃສ່ ເຕົ້າໂຮມຄວາມສາມັກຄີພໍ່-ແມ່ປະຊາຊົນ, ສຶກສາອົບຮົມການເມືອງ-ແນວຄິດ ຂອງພໍ່-ແມ່ປະຊາຊົນບັນດາເຜົ່າເຂົ້າໃຈຕໍ່ແນວທາງຂອງພັກ-ລັດ, ມີຄວາມຮັກຊາດ, ຮັກບ້ານເກີດເມືອງນອນ ເຮັດໃຫ້ບ້ານມີຄວາມສະຫງົບສຸກໂດຍພື້ນຖານ ແລະ ເຮັດໃຫ້ບ້ານສ້ຽວ ເປັນບ້ານປອດຢາເສບຕິດ ແລະ ຄອບຄົວປອດຢາເສບຕິດຕາມມາດຖານເງື່ອນໄຂຈໍາ ນວນ 50 ຄອບຄົວ ເທົ່າກັບ 89.28%.

ທ່ານ ແກ່ນຄໍາ ຄໍາພັນ ໄດ້ຊີ້ນໍາໃຫ້ຄະນະພັກບ້ານສ້ຽວ ສືບຕໍ່ປົກປັກຮັກສານາມມະຍົດບ້ານປອດຢາເສບຕິດໄວ້ຕະຫຼອດໄປ, ພ້ອມກັນເສີມຂະຫຍາຍມູນເຊື້ອອັນດີງາມ, ດໍາລົງຊີວິດດ້ວຍຄວາມປອດໄສຂາວສະອາດ, ສ້າງເສດຖະກິດຄອບຄົວ ໃຫ້ມີຄວາມຮັ່ງມີເຂັ້ມແຂງຕາມທິດເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ຮັບປະກັນໃຫ້ ບ້ານມີຄວາມສະຫງົບສຸກ ໂດຍພື້ນຖານ.

ບ້ານສ້ຽວເປັນບ້ານໜຶ່ງທີ່ຕັ້ງຢູ່ຫາງຈາກສໍານັກເມືອງປາກອູປະມານ 20 ກິໂລແມັດ, ມີ 3 ເຜົ່າ ອາໄສຢູ່ຮ່ວມກັນ ຄື: ເຜົ່າກຶມມຸ, ເຜົ່າມົ້ງ, ເຜົ່າລາວ, ມີ 56 ຄອບຄົວ, ມີພົນລະເມືອງ 348 ຄົນ ຍິງ 167 ຄົນ, ເນື້ອທີ່ບ້ານທັງໝົດ 50.918 ເຮັກຕາ, ເນື້ອທີ່ເຮັດນາ 19.87 ເຮັກຕາ ຜະລິດເຂົ້າໄດ້ 69.545 ໂຕນຕໍ່ປີ; ເຮັດໄຮ່ມູນວຽນ 2.8 ໂຕນຕໍ່ປີ; ນອກນີ້ ກໍຍັ ມີສວນໄມ້ໃຫ້ໝາກ, ລ້ຽງສັດ, ຄ້າຂາຍ, ສະເລ່ຍລາຍຮັບໄດ້ 8.903.000 ຕໍ່ຄົນຕໍ່ປີ.

Are you looking for the best web hosting?