ໃນຕອນເຊົ້າ ຂອງວັນທີ 26 ມີນາ 2020, ທີ່ສຳນັກງານນາຍົກລັດຖະມົນຕີ, ບໍລິສັດ ເບຍລາວ ຈໍາກັດ ໄດ້ນຳເງິນ ຈຳນວນ 2 ຕື້ກີບ ເພື່ອປະກອບສ່ວນສະໜັບສະໜູນລັດຖະບານລາວ ກໍຄື ກະຊວງສາທາລະນາສຸກ ທີ່ກຳລັງຮັບມື ແລະ ຄວບຄຸມການແຜ່ລະບາດຂອງເຊື້ອພະຍາດ ໂຄວິດ-19 ໃນລາວ, ໂດຍການກ່າວມອບໂດຍ ທ່ານ ສູນທອນ ພົມມະຈັກ ປະທານບໍລິສັດເບຍລາວ ຈໍາກັດ ແລະ ກ່າວຮັບໂດຍ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະ ມົນຕີກະຊວງການເງິນ, ຫົວໜ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂພະຍາດອັກເສບປອດຈາກເຊື້ອຈຸລະໂລກ ໂຄວິດ 19 ພ້ອມດ້ວຍ ພາກສ່ວນທີ່ກ່ຽວຂ້ອງຂອງສອງຝ່າຍເຂົ້າ ຮ່ວມ.

ໃນໂອກາດດັ່ງກ່າວ, ສົມດີ ດວງດີ ໄດ້ຕາງໜ້າໃຫ້ລັດຖະບານ ແລະ ປະຊາຊົນ ກ່າວສະແດງຄວາມຂອບໃຈ ແລະ ຊົມເຊີຍຕໍ່ບໍລິສັດເບຍລາວທີ່ໄດ້ໃຫ້ການຊ່ວຍເຫຼືອ ໂດຍເຊື່ອໝັ້ນວ່າການປະກອບສ່ວນດັ່ງກ່າວ ຈະຊ່ວຍເຮັດໃຫ້ການຊ່ວຍເຫຼືອແກ້ໄຂການແຜ່ລະບາດຂອງພະຍາດໂຄວິດ-19 ທີ່ເກີດຂຶ້ນໃນລາວຄັ້ງນີ້ ຜ່ານພົ້ນໄປດ້ວຍດີ ເຊິ່ງຈະ ນຳເອົາເງິນຊ່ວຍເຫຼືອຈຳນວນນີ້ໄປມອບ ແລະ ຊີ້ນຳໃຫ້ພາກສ່ວນກ່ຽວຂ້ອງ ນຳໃຊ້ຖືກຕາມເປົ້າໝາຍຢ່າງມີປະສິດທິຜົນ ແລະ ສອດຄ່ອງຕາມຈຸດປະສົງຂອງການຊ່ວຍເຫຼືອໃນຄັ້ງນີ້

ໃນໂອກາດດຽວກັນ, ທ່ານ ສູນທອນ ພົມມະຈັກ ໄດ້ກ່າວວ່າ: ບໍລິສັດເບຍລາວຂອງພວກເຮົາມີຄວາມເປັນຫ່ວງເປັນໄຍຕໍ່ລັດຖະບານ ແລະ ຮັບຮູ້ເຖິງການແຜ່ລະບາດຢ່າງຮ້າຍແຮງຂອງເຊື້ອພະຍາດໂຄວິດ 19 ທີ່ເກີດຂຶ້ນໃນທົ່ວໂລກ ລວມທັງ ສປປ ລາວ ຂອງພວກເຮົາ, ດັ່ງນັ້ນ ພວກເຮົາຈຶ່ງຂໍເປັນສ່ວນໜຶ່ງ ໃນການສະໜັບສະໜູນ ລັດຖະ ບານລາວ ທີ່ກໍາລັງຮັບມືກັບການແຜ່ລະບາດຂອງພະຍາດດັ່ງກ່າວ. ສຳລັບພາຍໃນບໍລິສັດເບຍລາວ ກໍ່ໄດ້ເອົາໃຈໃສ່ປະຕິ ບັດຕາມມາດຕະການຕ່າງໆ ທີ່ລັດຖະບານວາງອອກ ແຕ່ລະໄລຍະ ຢ່າງເຄັ່ງຄັດ ເພື່ອແນ່ໃຈວ່າພະນັກງານທັງໝົດຂອງບໍລິສັດເບຍລາວ ຕ້ອງໄດ້ຮັບຮູ້ຂໍ້ມູນຂ່າວສານ ແລະ ມີການຝຶກອົບຮົມເບື້ອງຕົ້ນໃນການຮັບມື ແລະ ປ້ອງກັນການແຜ່ລະບາດຂອງພະຍາດດັ່ງກ່າວ, ເຊິ່ງມາດຕະການທີ່ມີຄວາມປອດໄພ ແມ່ນໄດ້ຖືກນໍາມາປະຕິບັດໃນໂຮງງານ, ໂດຍຄະ ນະຜູ້ບໍລິຫານບໍລິສັດ ໄດ້ມີການສົ່ງຂ່າວໃຫ້ພະນັກງານຢ່າງທັນການ ແລະ ຄໍາແນະນໍາຕ່າງໆຂອງອົງການອານາໄມໂລກເພື່ອປ້ອງກັນຕົນເອງ ແລະ ຄອບຄົວໃຫ້ມີຄວາມປອດໄພ.

Are you looking for the best web hosting?