ຍົກແກ້ງຕີກັນແລ້ວ 4 ຄັ້ງ ກ່ອນພາພວກໄລ່ລຸມ 1 ເຈັບສາຫັດ

0
566

ເຈົ້າໜ້າທີ່ຕໍາຫຼວດສາມາດຈັບຕົວກຸ່ມແກ້ງໄວລຸ້ນທີ່ກໍ່ເຫດອາລະວາດຕີກັນຢູ່ເສັ້ນທາງແຄມຂອງ (ດ້ານຫຼັງໂຮງແຮມດອນຈັນພາເລດ) ເມືອງສີສັດຕະນາກ ນະຄອນຫຼວງວຽງຈັນ ໃນຄໍ່າຄືນຂອງວັນທີ 20 ມີນາ 2020 ໄດ້ຈໍານວນ 11 ຄົນ.

ພັທ ອິນປັນ ຫາດາວເຮືອງ ຮອງຫົວໜ້າກອງບັນຊາການ ປກສ ເມືອງສີສັດຕະນາກ ເປີດເຜີຍໃນຕອນເຊົ້າຂອງວັນທີ 3 ເມສາ 2020 ວ່າ:  ເວລາປະມານ 17:15 ໂມງຂອງ ວັນທີ 21 ມີນາ 2020 ໄດ້ຮັບແຈ້ງຄວາມຈາກ  ນາງ ໂສພາ ຢູ່ບ້ານທາດຫຼວງເໜືອ ເມືອງໄຊເສດຖາ ນະຄອນ ຫຼວງວຽງຈັນ ວ່າ:  ມີກຸ່ມແກ້ງຂອງ ທ້າວ ວັນນະພາ ຫຼື ອາເລັກ ອາຍຸ 15 ປີ ຢູ່ບ້ານໜອງດ້ວງ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ລຸມທໍາຮ້າຍຮ່າງກາຍ ທ້າວ ຈັນທະມະລີ ຫຼື ຈັນ ອາຍຸ 15 ປີ ຢູ່ບ້ານທາດຫຼວງເໜືອ ຈົນໄດ້ຮັບບາດເຈັບສາຫັດ.

ຈາກນັ້ນ, ເຈົ້າໜ້າທີ່ໄດ້ຕິດຕາມຕົວຜູ້ກໍ່ເຫດ ຄື ທ້າວ ວັນນະພາ ຫຼື ອາເລັກ ພ້ອມໝູ່ ລວມ 11 ຄົນ ໂດຍພວກກ່ຽວສາລະພາບວ່າ: ໄດ້ທຸບຕີ ທ້າວ ຈັນ ແທ້ ໂດຍແມ່ນ ທ້າວ ອາເລັກ ເປັນຫົວໜ້າກຸ່ມແກ້ງແລະ ໃນມື້ເກີດເຫດນັ້ນມີໝູ່ອີກຈໍານວນ 15-20 ຄົນ ເຂົ້າໄປລຸມຕີ ທ້າວ ຈັນ ເຊິ່ງເນື່ອງມາຈາກໄດ້ຜິດຖຽງກັນ ແລະ ເຄີຍກໍ່ອາລະວາດຕີກັນມາແລ້ວ 4 ຄັ້ງ; ດັ່ງນັ້ນ, ເມື່ອພົບເຫັນ ທ້າວ ຈັນ ທີ່ເປັນຄູ່ກໍລະນີ ຈຶ່ງໄດ້ພາກັນລຸມທໍາຮ້າຍຮ່າງກາຍ ຈົນບາດເຈັບສາຫັດ.

ທ້າວ ຈັນ ຜູ້ເຄາະຮ້າຍ ເວົ້າວ່າ: ໃນມື້ເກີດເຫດ, ຜູ້ກ່ຽວພ້ອມໝູ່ ຈໍານວນ 14 ຄົນ ໄດ້ພາກັນໄປນັ່ງຫຼິ້ນ ແລະ ດື່ມສຸລາ ຢູ່ແຄມທາງເສັ້ນແຄມຂອງຫຼັງໂຮງແຮມດອນຈັນພາເລດ ກ່ອນທ້າວ ອາເລັກ ພ້ອມພັກພວກ ຈໍານວນ 15-20 ຄົນ ຈະເຂົ້າມາໄລ່ຕີຜູ້ກ່ຽວ.

Are you looking for the best web hosting?