ດັງໄຟແຕ່ງກິນລືມມອດ ໄໝ້ເຮືອນ 5 ຫຼັງ

0
383

ເຫດໄຟໄໝ້ ເຮືອນຂອງປະຊາຊົນ ຢູ່ບ້ານສະກົວ ເມືອງນາໝໍ້ ແຂວງອຸດົມໄຊ ໃນວັນທີ 19 ເມສາ 2020 ມີສາເຫດຈາກ ການດັງໄຟແຕ່ງກິນແລ້ວລືມມອດ; ເຮັດໃຫ້ໄຟໄໝ້ເຮືອນ ແລະ ລຸກລາມໄໝ້ເຮືອນອ້ອມຂ້າງອີກ 4 ຫຼັງ; ປະເມີນມູນຄ່າເສຍຫາຍ 133.676.000 ກີບ.

ຄວາມເສຍຫາຍຈາກເກີດອັກຄີໄພໃນຄັ້ງນີ້ ມີເຮືອນ 5 ຫຼັງ, ເງິນໝັນ ຈຳນວນ 8 ໝັນ, ເງິນກາງ 6 ກາງ, ເງິນຫຼີ້ມ 3 ຫຼີ້ມ, ເງິນເຫຼັ້ມ 3 ເຫຼັ້ມ, ປືນເສິກຊະນິດ ເຊກ້າເຊ 01 ກະບອກ ແລະ ເຄື່ອງນຸ່ງ, ເຄື່ອງໃຊ້ໃນເຮືອນອີກຫຼາຍລາຍການ.

ເຈົ້າໜ້າທີ່ ປກສ ແຂວງອຸດົມໄຊ ໃຫ້ຮູ້ວ່າ: ສາເຫດຂອງເຫດໄຟໄໝ້ຄັ້ງນີ້ເກີດຈາກ ຄວາມບໍ່ລະມັດລະວັງ ໃນການໃຊ້ຝືນໃຊ້ໄຟ ໂດຍການດັງໄຟແຕ່ງກິນແລ້ວບໍ່ມອດໃຫ້ລະອຽດ ເຊິ່ງຈຸດເລີ່ມຕົ້ນຂອງເຫດໄຟໄໝ້ເກີດຢູ່ເຮືອນຂອງ ນາງ ສີ ແລ້ວໄດ້ລຸກລາມໃສ່ເຮືອນອ້ອມຂ້າງ ແລະ ໄໝ້ເສຍຫາຍ ທັງໝົດ 5 ຫຼັງ.

Are you looking for the best web hosting?