ຕາມການລາຍງານຈາກສຳນັກຂ່າວສານປະເທດລາວ, ພັຕ ວຽງເພັດ ພັນທະວົງ ນັກຂ່າວປະຈຳຢູ່ກອງບັນຊາ ການທະຫານເມືອງຊຽງເງິນ ແຂວງຫຼວງພະບາງ ໃຫ້ຮູ້ວ່າ: ໃນຕອນເຊົ້າວັນທີ 24 ເມສາ 2020, ເກີດມີຝົນຕົກແຮງຕິດຕໍ່ກັນເປັນເວລາຫຼາຍຊົ່ວໂມງ ເຮັດໃຫ້ປະຊາຊົນບ້ານກີ່ວຕະລຸນ 1 ເຂດກີ່ວກະຈຳ ເມືອງຊຽງເງິນ ແຂວງຫວງພະບາງ ຈຳນວນ 2 ຄອບຄົວ ລວມມີ 10 ຄົນ ທີ່ໄປນອນຢູ່ໄຮ່ ຖືກນ້ຳປ່າໄຫຼພັດສູນຫາຍ.

ເຫດການຄັ້ງນີ້, ມີຜູ້ໄດ້ຮັບບາດເຈັບ 1 ຄົນເປັນເພດຊາຍ, ເສຍຊີວິດ 4 ຄົນ ເປັນເພດຍິງ ແລະ ຍັງສູນຫາຍອີກ 3 ຄົນ, ເພດຍິງ 2 ຄົນ ແລະ ເພດຊາຍ 1 ຄົນ. ປັດຈຸບັນ, ເຈົ້າໜ້າທີ່ທະຫານທະຫານເມືອງຊຽງເງິນ ໂດຍການຊີ້ນຳ-ນຳພາຂອງສະຫາຍ ພັທ ທອງພັນ ບຸນທຳ ຮອງຫົວໜ້າການທະຫານ ກອງບັນຊາການທະຫານເມືອງ ໄດ້ສົມທົມກັບເຈົ້າໜ້າທີ່ກຸ່ມກີ່ວກະຈຳ ສືບຕໍ່ເລັ່ງຄົ້ນຫາຜູ້ທີ່ສູນຫາຍຢ່າງເລັ່ງດ່ວນ.

ໂດຍ: ສົມພອນ ສຸວັນທອນ