ໃນຕອນເຊົ້າຂອງວັນທີ 29 ເມສາ 2020 ນີ້, ທ່ານ ພອນປະເສີດ ອິນທະສອນ ປະທານບໍລິສັດ 3 SD ຈຳກັດ ປະທານຮ່ວມພັດທະນາໂທລະພາບນະຄອນຫຼວງວຽງຈັນ ພ້ອມດ້ວຍຄະນະແບ່ງປັນນຳ້ໃຈຕ້ານໄພໂຄວິດ-19 ໄດ້ນຳເອົາເຄື່ອງອຸປະກອນການແພດ ຄື: ຜ້າອັດປາກ-ດັງ, ເຈວລ້າງມື ພ້ອມດ້ວຍນຳ້ດື່ມ, ກາເຟ ຈຳນວນໜຶ່ງ ລວມມູນຄ່າ 32 ລ້ານ ກີບ ແລະ ເງິນສົດ 20 ລ້ານກີບ; ມາມອບໃຫ້ກອງບັນຊາການ ທະຫານ ນະຄອນຫຼວງວຽງຈັນ ເພື່ອເປັນການປະກອບສ່ວນຊຸກຍູ້ຊ່ວຍເຫຼືອໃນການປ້ອງກັນ, ຄວບຄຸມ ແລະ ຕ້ານການແພ່ລະບາດຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ (COVID-19 ).
ກ່າວຮັບໂດຍ ພົຈວ ສີພອນ ຈັນສົມວົງ ຫົວໜ້າການເມືອງກອງບັນຊາການທະຫານນະຄອນຫຼວງວຽງຈັນ ພ້ອມຄະນະ; ໃນໂອກາດນີ້, ທ່ານໄດ້ສະແດງຄວາມຂອບໃຈເປັນຢ່າງສູງຕໍ່ພາກດສ່ວນຕ່າງໆທີ່ໄດ້ປະກອບສ່ວນຊ່ວຍເຫຼືອໃນຄັ້ງນີ້ ແລະ ພ້ອມທີ່ຈະນຳເອົາອຸປະກອນດັ່ງກ່າວນີ້ໄປໝູນໃຊ້ເຂົ້າໃນວຽກງານປ້ອງກັນ ແລະ ຕ້ານກະກັດກັ້ນການແຜ່ລະບາດຂອງເຊື້ອໄວຣັດໂຄວິດ-19 ໃຫ້ໄດ້ຮັບຜົນດີ.