ໃນ​ວັນ​ທີ 30 ເມ​ສາ ທີ່ຜ່ານມາ, ອົງ​ການ​ກາ​ແດງ​ ແຂວງ​ຜົ້ງ​ສາ​ລີ ນຳ​ໂດຍ​ ທ່ານ ດ​ຣ ເປົາ​ລີ ສີ​ຈອມ​ວົງ ຫົວ​ໜ້າອົງ​ການ​ກາ​ແດງ ​ແຂວງ​ຜົ້ງ​ສາ​ລີ ແລະ ທ່ານ ທອງ​ສຸກ ເປົາ​ສຸ​ລີ ກຳ​ມະ​ການ​ພັກ​ແຂວງ ເລ​ຂາ​ພັກ​ເມືອງ ເຈົ້າ​ເມືອງໆ​ຜົ້ງ​ສາ​ລີ ພ້ອມ​ດ້ວຍ​ຄະນະ ໄດ້​ນຳ​ເອົາ​ເຄື່ອງ​ຊ່ວຍ​ເຫຼືອ​ບັນ​ເທົາ​ທຸກ ໄປ​ມອບ​ໃຫ້​ປະ​ຊາ​ຊົນ​ທີ່​ຖືກ​ຜົນ​ກະ​ທົບ​ຈາກ​ລົມພະຍຸ​​ພັດ ເຊິ່ງ​ເຮັດ​ໃຫ້ເຮືອນ​​ເປ່​ເພ ແລະ ເສຍ​ຫາຍ ໃນ​ຈຳ​ນວນ 28 ຄອບ​ຄົວ, ລວມມີ 4 ບ້ານ​ຄື: ບ້ານ​ຫ້ວຍ​ລູ, ບ້ານ​ນ້ຳ​ກີ້, ບ້ານ​ຮວງຕາ​​ເຢ ແລະ ບ້ານ​ເລົາ​ຟູ​ຈ້າຍ.

ເຄື່ອງ​ທີ່​ນຳ​ມາ​ມອບ​ໃນ​ຄັ້ງ​ນີ້​ ມີຄື:

ຜ້າ​ຫົມ, ເຄື່ອງ​ນຸ່ງ, ເກືອ, ແປງ​ນົວ, ປ໋ອງ​ປາ ແລະ ເຫຼັກ​ຕະ​ປູ ຈຳ​ນວນ 7 ແກັດ ລວມ​ມູນ​ຄ່າ​ທັງ​ໝົດ ​ຈໍານວນ 6 ລ້ານກ​ວ່າ​ກີບ, ​ມອບ​​​ໂດຍ ທ່ານ ດ​ຣ ເປົາ​ລີ ສີ​ຈອມ​ວົງ ແລະ ທ່ານ ທອງ​ສຸກ ເປົາ​ສຸ​ລີ, ​ຮັບ​ໂດຍຄອບ​ຄົວ​ທີ່​ຖືກ​ຜົນ​ກະ​ທົບ​ໃນ ຈຳ​ນວນ 28 ຄອບ​ຄົບ, 4 ບ້ານ ຕາມ​ລຳ​ດັບ.

ໂອ​ກາດ​ດັ່ງ​ກ່າວ, ທ່ານຫົວໜ້າອົງການກາແດງ ໄດ້​ກ່າວ​ສະ​ແດງ​​ຄວາມ​ເປັນ​ຫ່ວງ​ເປັນ​ໃຍ ທີ່​ມີ​ຕໍ່​ປະ​ຊາ​ຊົນບັນ​ດາ​ເຜົ່າ ເວົ້​າ​ສະ​ເພາະ​ແມ່ນ​ ຄອບ​ຄົວ​ທີ່​ຖືກ​ຜົນ​ກະ​ທົບ​ໃນ​ຄັ້ງ​ນີ້ ຈົ່ງ​ພ້ອມ​ຮ່ວມ​ແຮງ​ຮ່ວມ​ໃຈຟື້ນ​ຟູຊີ​ວິດ​ການ​ເປັນ​ຢູ່​ກັບເຂົ້າ​ສູ່ພາວະປົກ​ກະ​ຕິ ແລະ ດີ​ຂຶ້ນ​ເລື້ອຍໆ.