ວັນທີ 14 ພຶດສະພາ ຜ່ານມາ, ວິທະຍາຄານ ກົມມະດຳ (ວ.ກ) ໄດ້ຈັດຕັ້ງພິທີປະກາດຊັບຊ້ອນມອບໝາຍໜ້າທີ່ ນາຍສິບ ແລະ ພົນທະຫານ, ເຊິ່ງການເປັນປະທານໂດຍ ສະຫາຍ ພັທ ບຸນມີ ແກ້ວດວງດີ ຫົວໜ້າຫ້ອງການ ວິທະຍາຄານ ກົມມະດໍາ ພ້ອມດ້ວຍຄະນະພັກ-ຄະນະບັນຊາ ຕະຫຼອດຮອດພົນທະຫານ ເຂົ້າຮ່ວມ.

ໂອກາດດັ່ງກ່າວ, ສະຫາຍ ພັທ ຄໍາມິ່ງ ສີປະເສີດ ຫົວໜ້າພະແນກກໍາລັງພົນ ວິທະຍາຄານ ກົມມະດຳ ໄດ້ຂຶ້ນ ຜ່ານຂໍ້ຕົກລົງຂອງ ອໍານວຍການ ວ.ກ ວ່າດ້ວຍ ການຊັບຊ້ອນໜ້າທີ່ ນາຍສິບ ແລະ ພົນທະຫານ ໃນກອງທັບປະຊາຊົນລາວ (ສະບັບປັບປຸງ), ເລກທີ 1681/ກປທ, ລົງວັນທີ 15/5/2016, ອີງຕາມການປັບປຸງກໍ່ສ້າງກົມກອງ ມອບໝາຍໜ້າທີ່ໃຫ້ຖືກຕ້ອງຕາມຄວາມຮູ້ຄວາມສາມາດຂອງຜູ້ກ່ຽວ ໃນນັ້ນຈັດຕັ້ງຊັບຊ້ອນມອບໝາຍໜ້າທີ່ຂອງນາຍສິບ ຈໍານວນ 19 ສະຫາຍ ໃຫ້ແຕ່ລະກົມກອງ, ຫ້ອງການ, ບັນດາກອງພັນ ທີ່ຂຶ້ນກັບ ວ.ກ ຄື:

ປະກອບໃຫ້ ກອງພັນສູນຝຶກ, ປະກອບໃຫ້ ຫ້ອງເຕັກນິກ, ປະກອບໃຫ້ ຫ້ອງພະລາທິການ, ປະກອບໃຫ້ ຫ້ອງການ ວ.ກ, ປະກອບໃຫ້ ຫ້ອງວິທະຍາສາດ-ປະຫວັດສາດ ແລະ ອື່ນໆ.

ພ້ອມດຽວກັນນີ້, ຫົວຫນ້າຫ້ອງການ ວິທະຍາຄານ ຍັງໄດ້ເນັ້ນໜັກຮຽກຮ້ອງມາຍັງ ນາຍສິບ ແລະ ພົນທະຫານ ທຸກສະຫາຍທີ່ໄດ້ຮັບໜ້າທີ່ໃໝ່ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ແລະ ຖືເອົາວຽກງານວິຊາສະເພາະທີ່ໄດ້ຮຽນມາ ໝູນໃຊ້ເຂົ້າໃນວຽກງານຕົວຈິງຢູ່ບັນດາກົມກອງ ເພື່ອພ້ອມກັນເຮັດສໍາເລັດໜ້າທີ່ການເມືອງ ທີ່ຂັ້ນເທິງມອບໝາຍໃຫ້ ຢ່າງມີຄຸນນະພາບສູງ ແລະ ເຮັດໃຫ້ການຊັບຊ້ອນພົນທະຫານ ຢູ່ພາຍໃນ ວິທະຍາຄານ ເຂົ້າໃນຂົງເຂດການເມືອງຂອງກົມກອງ ກໍຄື ວຽກງານວິຊາສະເພາະ ໃຫ້ມີຄຸນນະພາບ.

Are you looking for the best web hosting?