ວັນທີ 28 ພຶດສະພາ 2020, ກົມໃຫຍ່ການເມືອງ ກະຊວງ ປກສ ໄດ້ຈັດພິທີປະກາດເລື່ອນຊັ້ນໃຫ້ ພະນັກງານ-ນັກຮົບ, ປະດັບຊັ້ນໂດຍ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫຍ່ການເມືອງ, ເຊິ່ງມີບັນດາຄະນະພັກ, ຄະນະກົມ, ຫ້ອງການ, ພະແນກ, ພ້ອມດ້ວຍ ນາຍ ແລະ ພົນຕໍາຫຼວດ ທີ່ໄດ້ຮັບການເລື່ອນຊັ້ນ ເຂົ້າຮ່ວມ.
ພະນັກງານ-ນັກຮົບທີ່ໄດ້ຮັບການເລື່ອນຄັ້ງນີ້ ມີຈໍານວນ 46 ສະຫາຍ ຍິງ 27 ສະຫາຍ ເຊິ່ງໄດ້ມີການເລື່ອນຊັ້ນດັ່ງນີ້:
- ຮ້ອຍເອກ ຂຶ້ນ ພັນຕີ ມີ 3 ສະຫາຍ ຍິງ 2 ສະຫາຍ
- ຮ້ອຍໂທ ຂຶ້ນ ຮ້ອຍເອກ 13 ສະຫາຍ ຍິງ 5 ສະຫາຍ
- ຮ້ອຍຕີ ຂຶ້ນ ຮ້ອຍໂທ 10 ສະຫາຍ ຍິງ 5 ສະຫາຍ
- ວາທີ ຂຶ້ນ ຮ້ອຍຕີ 5 ສະຫາຍ ຍິງ 4 ສະຫາຍ
- ສິບເອກ ຂຶ້ນ ວາທີ 5 ສະຫາຍ ຍິງ 4 ສະຫາຍ
- ສິບໂທ ຂຶ້ນ ສິບເອກ 6 ສະຫາຍ ຍິງ 5 ສະຫາຍ
- ສິບຕີ ຂຶ້ນ ສິບໂທ 3 ສະຫາຍ ຍິງ 2 ສະຫາຍ
- ເລື່ອນຊັ້ນ II ຂຶ້ນເປັນຊັ້ນ I ຈໍານວນ 1 ສະຫາຍ
ໃນພິທີ, ພົຈວ ປອ ສຸວັນນີ ສີສຸພາບມີໄຊ ກໍຍັງໄດ້ໂອ້ລົມຕໍ່ນາຍ ແລະ ພົນຕໍາຫຼວດທີ່ໄດ້ຮັບການເລື່ອນຊັ້ນໃນຄັ້ງນີ້, ເຊິ່ງກ່ອນອື່ນ ທ່ານກໍໄດ້ສະແດງຄວາມຍ້ອງຍໍຊົມເຊີຍ ຕໍ່ກັບນາຍຕໍາຫຼວດທີ່ໄດ້ຮັບການເລື່ອນຊັ້ນໃໝ່ ແລະ ເນັ້ນໜັກໃຫ້ຈົ່ງເພີ່ມທະວີຄວາມຮັບຜິດຊອບຕໍ່ໜ້າທີ່ວຽກງານ ທີ່ການຈັດຕັ້ງຂັ້ນເທິງມອບໝາຍໃຫ້, ຈົ່ງມີຄວາມຈົ່ງຮັກພັກດີຕໍ່ພັກ-ລັດ, ຕໍ່ກໍາລັງປ້ອງກັນຄວາມສະຫງົບ ແລະ ເພື່ອນມິດສະຫາຍ, ມີຄວາມສາມັກຄີພາຍໃນກໍາລັງ, ສືບຕໍ່ເຮັດວຽກງານວິຊາສະເພາະທີ່ໄດ້ຮັບມອບໝາຍ ໃຫ້ສໍາເລັດ ແລະ ສືບຕໍ່ພັດທະນາຕົນເອງໃນທຸກໆດ້ານ ເພື່ອນສ້າງໃຫ້ໄດ້ພະນັກງານສືບທອດປ່ຽນແທນທີ່ດີ ແລະ ມີຄຸນນະພາບໃນຕໍ່ໜ້າ.
