ກອງບັນຊາການ ປກສ ແຂວງຈຳປາສັກ ໄດ້ຈັດພິທີປະກາດເລື່ອນຊັ້ນໃຫ້ພະນັກງານ-ນັກຮົບ ຜູ້ທີ່ມີຜົນງານດີເດັ່ນ ໃນວັນທີ 27 ພຶດສະພາ 2020, ເຂົ້າຮ່ວມ ແລະ ປະດັບຊັ້ນໂດຍ ພັອ ຖາວອນ ບຸນກອງພີມ ຫົວໜ້າກອງບັນຊາການ ປກສ ແຂວງຈຳປາສັກ, ມີຕາງໜ້າຈາກບັນດາຫ້ອງອ້ອມຂ້າງ, ຫົວໜ້າ-ຮອງພະແນກ, ໂຮງຮຽນ ປກສ ຊັ້ນສູງ ເລກ 4 ແຂວງຈຳປາສັກ, ກອງພັນປ້ອງກັນເຄື່ອນທີ່, ກອງບັນຊາການ ປກສ ເມືອງ ແລະ ພະນັກງານ-ນັກຮົບ ເຂົ້າຮວ່ມ.
ພັທ ເກດແກ້ວ ບຸນສະຫວັດ ຮອງຫົວໜ້າຫ້ອງການເມືອງ ປກສ ແຂວງຈຳປາສັກ ໄດ້ຜ່ານຂໍ້ຕົກລົງ ວ່າດ້ວຍ ການເລື່ອນຊັ້ນໃຫ້ນາຍ ແລະ ພົນຕຳຫຼວດ ທົ່ວກອງບັນຊາການ ປກສ ແຂວງຈຳປາສັກ ເຊິ່ງໄດ້ເລື່ອນຊັ້ນດັ່ງນີ້:
- ພັຕ ຂຶ້ນ ພັທ 20 ສະຫາຍ
- ຮອ ຂຶ້ນ ພັຕ 21 ສະຫາຍ ຍິງ 2 ສະຫາຍ
- ຮທ ຂຶ້ນ ຮອ 18 ສະຫາຍ ຍິງ 3 ສະຫາຍ
- ຮຕ ຂຶ້ນ ຮທ 41 ສະຫາຍ ຍິງ 11 ສະຫາຍ
- ວທ ຂຶ້ນ ຮຕ 38 ສະຫາຍ ຍິງ 3 ສະຫາຍ
- ສອ ຂຶ້ນ ວທ 6 ສະຫາຍ ຍິງ 4 ສະຫາຍ
- ສທ ຂຶ້ນ ສອ 1 ສະຫາຍ ຍິງ 1 ສະຫາຍ
ໃນພິທີ, ພັອ ຖາວອນ ບຸນກອງພິມ ໄດ້ຍ້ອງຍໍຊົມເຊີຍນາຍ ແລະ ພົນຕຳຫຼວດ ທີ່ໄດ້ຮັບການເລື່ອນຊັ້ນໃນຄັ້ງນີ້, ພ້ອມທັງຮຽກຮ້ອງໃຫ້ບັນດາສະຫາຍທີ່ຖືກເລື່ອນຊັ້ນ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ວຽກງານຂອງຕົນ ໃຫ້ຫຼາຍຂຶ້ນກວ່າເກົ່າ, ມີສະຕິຕໍ່ການຈັດຕັ້ງ ແລະ ປະຕິບັດລະບຽບວິໄນຂອງກຳລັງ ຢ່າງເຂັ້ມງວດ, ເອົາໃຈໃສ່ຕໍ່ວຽກງານການເມືອງ-ແນວຄິດເປັນກົກ ຕິດພັນກັບ ການກໍ່ສ້າງພັກ, ກໍ່ສ້າງພະນັກງານ, ສ້າງໃຫ້ໄດ້ພະນັກງານມີຄວາມຮູ້, ຄວາມສາມາດ, ສ້າງໃຫ້ເປັນພະນັກງານທີ່ຫ້າວຫັ່ນ, ເປັນແບບຢ່າງໃນການປະຕິບັດໜ້າທີ່ວຽກງານການເມືອງ, ມີຄວາມສາມັກຄີຮັກແພງເຊິ່ງກັນ ແລະ ກັນ, ດຳລົງຊີວິດດ້ວຍຄວາມປອດໃສຂາວສະອາດ, ປະຕິບັດກົດລະບຽບຂອງກຳລັງ, ກົດໝາຍຂອງລັດ ຢ່າງເຄັ່ງຄັດ ແລະ ຕ້ານທຸກປະກົດການຫຍໍ້ທໍ້ພາຍໃນກຳລັງ ໂດຍຕິດພັນກັບ ການປະຕິບັດແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ.