ກອງບັນຊາການ ປກສ ແຂວງສາລະວັນ ໄດ້ຈັດພິທີ ປະກາດເລື່ອນຊັ້ນ ໃຫ້ນາຍຕໍາຫຼວດ ໃນວັນທີ 3 ມິຖຸນາ 2020 ປະດັບຊັ້ນໂດຍ ພັທ ສຸລິວົງ ເຄນທະນຸພິດ ຮອງຫົວໜ້າກອງບັນຊາການ ປກສ ແຂວງ; ມີຄະນະພັກ-ຄະນະບັນຊາການ, ບັນດາຫ້ອງ, ກອງພັນ, ໂຮງຮຽນ ປກສ ຊັ້ນຕົ້ນເລກ 6, ກອງບັນຊາການ 8 ເມືອງ ແລະ ນາຍ ຕໍາຫຼວດທີ່ໄດ້ຮັບການເລື່ອນຊັ້ນ ເຂົ້າຮ່ວມ.
ພັທ ວຽງສະຫວັນ ສີຫາຈັກ ຫົວໜ້າຫ້ອງການເມືອງ ປກສ ແຂວງສາລະວັນ ໄດ້ຜ່ານຂໍ້ຕົກລົງຂອງທ່ານລັດຖະມົນຕີກະຊວງ ປ້ອງກັນຄວາມສະຫງົບ ເລກທີ 1032/ປກສ; ລົງວັນທີ 12 ພຶດສະພາ 2020 ວ່າດ້ວຍການເລື່ອນຊັ້ນໃຫ້ນາຍຕໍາຫຼວດທົ່ວກໍາລັງປ້ອງກັນຄວາມສະຫງົບແຂວງສາລະວັນ ທີ່ມີຄວາມຫ້າວຫັ້ນດີເດັ່ນໃນການປະກອບສ່ວນເຮັດວຽກງານວິຊາສະເພາະ ແລະ ຄົບມາດຕະຖານຂອງການເລື່ອນຊັ້ນ ຈໍາ ນວນ 13 ສະຫາຍ; ໃນນີ້, ເລື່ອນຊັ້ນ ພັນຕີ ຂຶ້ນ ພັນໂທ 6 ສະຫາຍ ຍິງ 1 ສະຫາຍ, ຮ້ອຍເອກ ຂຶ້ນ ພັນ ຕີ 5 ສະຫາຍ ຍິງ 1 ສະຫາຍ; ຮ້ອຍໂທ ຂຶ້ນ ຮ້ອຍເອກ 2 ສະ ຫາຍ ຍິງ 1 ສະຫາຍ.
ໂອກາດດຽວກັນ, ທ່ານຮອງຫົວໜ້າກອງບັນຊາການ ປກສ ແຂວງ ຍັງໄດ້ໂອ້ລົມ ນາຍຕໍາຫຼວດ ທີ່ໄດ້ຮັບການເລື່ອນຊັ້ນໃໝ່; ໃຫ້ສືບຕໍ່ຈັດຕັ້ງປະຕີບັດວຽກງານວິຊາສະເພາະສືບຕໍ່ເພີ່ມທະວີໄນການຮັກສາມູນເຊື້ອ, ຄວາມຈົງຮັກພັກດີ, ມີຄຸນສົມບັດສິນທໍາປະຕິວັດ; ມີຄວາມບໍລິສຸດ-ທ່ຽງ ທໍາ, ຍົກສູງບົດບາດ ແລະ ສະຕິຕໍ່ ວຽກງານ ປກສ ຢ່າງຮອບດ້ານ, ປຸກລະດົມຂົນຂວາຍປະຊາຊົນໃນ ຂົງເຂດຮາກຖານບ້ານ ໃຫ້ມີສະຕິຕໍ່ເລ່ລ່ຽມກົນອຸບາຍທີ່ຫັນປ່ຽນ ໂດຍສັນຕິຂອງກຸ່ມຄົນບໍ່ຫວັງດີ; ຕັ້ງໜ້າແກ້ໄຂຊີວິດການເປັນຢູ່ ຂອງພະນັກງານໃຫ້ມີແຫຼ່ງລາຍ ຮັບໃນການປູກພືດ-ລ້ຽງສັດ ເພື່ອ ເພິ່ງຕົນເອງ, ກຸ້ມຕົນເອງ, ສ້າງ ຄອບຄົວເຂັ້ມແຂງດ້ວຍຕົນເອງ ໃຫ້ດີຂຶ້ນເປັນກ້າວໆ.
