ຫ້ອງພະລາທິການ ວິທະຍາຄານກົມມະດໍາ ໂອນ-ມອບສິດພະແນກການ ແລະ ຈໍານວນພົນ ໃຫ້ຫ້ອງເຕັກນິກ

0
136

ໃນວັນທີ 21 ກໍລະກົດ 2020,ຫ້ອງພະລາທິການ ວິທະຍາຄານກົມມະດໍາ ເຮັດໜັງສື ໂອນ-ມອບສິດ ບາງພະແນກການ ແລະ ຈໍານວນພົນ ໃຫ້ຫ້ອງເຕັກນິກ ໂດຍການເປັນປະທານຂອງ ພົຈວ ບຸນຈັນ ລາດສະວົງ ຫົວໜ້າ ການທະຫານ ວິທະຍາຄານກົມມະດໍາ, ມີ ພັອ ຄໍາແອ່ວ ທະພັນ ຫົວໜ້າຫ້ອງພະລາທິການ,ພັອສັງມະນີ ຈິດລະວົງ ຫົວຫ້ອງເຕັກນິກ ວິທະຍາຄານກົມມະດໍາ, ມີບັນດາຄະນະຫ້ອງ ແລະ ພາກ ສ່ວນທີ່ກ່ຽວຂ້ອງເຂົ້າຮ່ວມ ໂດຍອີງຕາມຂໍ້ຕົກລົງຂອງລັດຖະມົນຕີ ກະຊວງປ້ອງກັນປະເທດ ສະບັບເລກທີ 1028/ກປທ, ລົງວັນທີ 14/02/2010 ວ່າດ້ວຍການແຕ່ງຕັ້ງຄະນະຫ້ອງເຕັກນິກຂອງວິທະຍາຄານກົມມະດໍາ.

ພັອ ຄໍາແອ່ວ ທໍທະພັນ ຫົວຫນ້າຫ້ອງພະລາທິການວິທະຍາຄານ ກົມມະດໍາ ໄດ້ວາງທິດທາງກ່ຽວກັບການປັບປຸງບູລະນະກົງຈັກການຈັດຕັ້ງ ນໍາພາ-ບັນຊາ ໃຫ້ເຂັ້ມແຂງ ແລະ ຊັບຊ້ອນ ບັນຈຸບຸກຄະລາກອນ ເຂົ້າໃນກົງຈັກການຈັດຕັ້ງ ເພື່ອເຄື່ອນໄຫວວຽກວິຊາສະເພາະໃຫ້ມີປະສິດທິພາບສູງຂຶ້ນເລື້ອຍໆ. ຈາກນັ້ນ, ໄດ້ເຮັດຫນັງສືໂອນ-ມອບສິດ ແລະ ໄດ້ເຊັນສັນຍາມອບ-ຮັບ ບາງພະ ແນກການ ແລະ ຈໍານວນພົນ ຢູ່ຫ້ອງພະລາທິການໃຫ້ຫ້ອງເຕັກນິກ.

ໃນຕອນທ້າຍ, ພິທີ ພົຈວ ບຸນຈັນ ລາດສະວົງ ຫົໄດ້ເນັ້ນໃຫ້ພະແນກການທີ່ກ່ຽວຂ້ອງ ຈົ່ງສືບຕໍ່ຍົກສູງຄວາມຮັບຜິດຊອບໜ້າທີ່ການເມືອງ ຂອງຕົນໃນການຈັດຕັ້ງປະຕິບັດໜ້າທີ່ວຽກງານໃຫ້ສູງຂຶ້ນອີກກ້າວໜຶ່ງ, ຕ້ອງເປັນແບບຢ່າງທີ່ດີໃນການເຄື່ອນໄຫວ ເຮັດໜ້າທີ່ວຽກງານ ພ້ອມກັນເສີມຂະຫຍາຍຄວາມສາມັກຄີພາຍໃນຄະນະຄະນະໃຫ້ເລິກເຊິ່ງ ມີແບບແຜນວິທີເຮັດວຽກນໍາພາໃຫ້ລະອຽດ ແລະ ພ້ອມກັນສືບຕໍ່ເຮັດໜ້າທີ່ໃຫ້ໄດ້ຮັບໝາກຜົນສູງຂຶ້ນເລື້ອຍໆ.

ຂ່າວ-ພາບ ນາງ ຕ່ວນບຸບຜາ ທິບທິດາ