ທິມບານເຕະ Liverpool FC ຢືນຢັນເປັນໄດ້ເປັນແຊ້ມພຣິເມຍລີກ ປະຈໍາລະດູການນີ້ ຫຼັງຈາກທີ່ Manchester City ບຸກໄປແພ້ Chelsea, ຫຼັງຈາກທີ່ Liverpool FC ເອົາຊະນະ Crystal Palace ໃນວັນທີ 24 ມິຖຸນາ ຜ່ານມາ; ຜ່ານລະດູການທີ່ໜ້າອັດສະຈັນນີ້ ເຮັດໃຫ້ Liverpool FC ສາມາດຄວ້າແຊ້ມໄດ້ກ່ອນປິດລະດູການ ທັງທີ່ຍັງເຫຼືອການແຂ່ງຂັນເຖິງ 7 ນັດ.

ຫຼັງຈົບລະດູການແຂ່ງຂັນ ຄາຣສະເບີກ ກໍໄດ້ຈັດກິດຈະກຳສະເຫຼີມສະຫຼອງການເປັນແຊ້ມຂອງທີມບານເຕະລິເວີພູ Liverpool FC () ທີ່ສາມາດຄວ້າແຊ້ມລີກສູງສຸດຂອງປະເທດອັງກິດ ຫຼື Premier League ປະຈໍາປີ 2019 ຮ່ວມກັບແຟນບານ ຢູ່ນະຄອນຫຼວງວຽງຈັນ ໃນອາທິດຜ່ານມາ, ເຊິ່ງພາຍໃນງານ ຍັງມີການຈັດກິດຈະກຳຫຼາຍໆຢ່າງ ແລະ ມີການແຈກຂອງລາງວັນຈາກສະໂມສອນລີເວີພູ ອີກດ້ວຍ.

ການຮ່ວມມືລະຫວ່າງ ຄາຣສະເບີກ ແລະ ສະໂມສອນລິເວີພູ ຖືວ່າເປັນສາຍສຳພັນທີ່ຍາວນານທີ່ສຸດໃນ ພຣີເມຍລີກ, ເຊິ່ງໄດ້ຮ່ວມຄຽງບ່າຄຽງໄຫຼ່ກັນມາທັງໝົດ 27 ລະດູການ. ພາຍຫຼັງ ລິເວີພູ ຄວ້າແຊ້ມ Premier League ໃນປີ 2019, ຫ້ອງວິໄຈຂອງ ຄາຣສະເບີກ ທີ່ເມືອງໂຄເປັນເຮເກັນ ຄາຣສະເບີກ ຮ່ວມກັບຜູ້ຊ່ຽວຊານດ້ານການຕົ້ມເບຍ ໄດ້ທຳການຄົ້ນຄວ້າ ແລະ ຜະລິດເບຍສູດພິເສດທີ່ເປັນສີແດງ ເພື່ອມອບໃຫ້ກັບແຟນບານ ລິເວີພູ ໂດຍສະເພາະ.

ພ້ອມດຽວກັນນັ້ນ, ແຟນບານ ທັງ 25 ປະເທດ ລວມທັງ ສປປ ລາວ, ອົດສະຕາລີ, ຈີນ, ອິນເດຍ, ໄອແລນ, ມາເລເຊຍ, ສະຫະລັດອາເມລິກາ ແລະ ປະເທດອື່ນໆ ສາມາດຊອກຫາ ຄາຣສະເບີກ ລຸ້ນລິມິຕິດ ອິດິຊັນ ນີ້ໄດ້ຈາກບັນດາຮ້ານຄ້າທີ່ເຂົ້າຮ່ວມໂຄງການໄດ້.