ໃນວັນທີ 19 ກັນຍາ 2020, ດ່ານສາກົນ ຂົວມິດຕະພາບ ລາວ-ໄທ 1 ໄດ້ມີພິທີປະກາດບົ່ງຕົວແຕ່ງຕັ້ງ ຄະນະພັກຮາກຖານ ແລະ ຄະນະໜ່ວຍພັກ ທີ່ຂຶ້ນກັບ ຄະນະພັກຮາກຖານ ຄະນະຄຸ້ມຄອງດ່ານສາກົນ ຂົວມິດຕະພາບ ລາວ-ໄທ 1; ໂດຍມີ ທ່ານ ປອ ອາດສະພັງທອງ ສີພັນດອນ ກໍາມະການປະຈໍາພັກ ນວ, ຮອງເຈົ້າຄອງນະຄອນຫຼວງວຽງຈັນ, ມີ ທ່ານ ບຸນເພັງ ສີນະວົງພອນ ເລຂາພັກເມືອງ ເຈົ້າເມືອງຫາດຊາຍຟອງ, ພັອ ພິມມະສອນ ທໍາມະວົງ ຮອງເລຂາຄະນະພັກ ຮອງຫົວໜ້າກອງບັນຊາການ ປກສ ນວ, ພ້ອມດ້ວຍຄະນະພັກ-ຄະນະບັນຊາ ແລະ ພະນັກງານ-ສະມາຊິກພັກ ທີ່ກ່ຽວຂ້ອງ ເຂົ້າຮ່ວມ.
ໃນພິທີ, ທ່ານ ຄໍາມາ ແສງມີໄຊ ຮອງຫົວໜ້າຄະນະຈັດຕັ້ງ ນະຄອນຫຼວງວຽງຈັນ ໄດ້ຂຶ້ນຜ່ານມະຕິຕົກລົງ ສະບັບເລກທີ 836/ຄພ.ນວ, ລົງວັນທີ 15 ກັນຍາ 2020 ວ່າດ້ວຍ ການບົ່ງຕົວແຕ່ງຕັ້ງ ຄະນະພັກຮາກຖານ ແລະ ຄະນະໜ່ວຍພັກ ທີ່ຂຶ້ນກັບ ຄະນະພັກຮາກຖານ ຄະນະຄຸ້ມຄອງດ່ານສາກົນ ຂົວມິດຕະພາບ ລາວ-ໄທ 1; ເຊິ່ງໃນນີ້, ໄດ້ບົ່ງຕົວແຕ່ງຕັ້ງດັ່ງນີ້:
- ສະຫາຍ ພັອ ປອ ຄໍາພອນ ເທບພະວົງ ເປັນເລຂາຄະນະພັກຮາກຖານ
- ສະຫາຍ ພັທ ກິດ່ອນ ກິວົງໄຊ ເປັນຮອງເລຂາຄະນະພັກຮາກຖານ
- ສະຫາຍ ບຸນແອງ ພັນທະວົງ ເປັນກໍາມະການພັກ, ທັງເປັນປະທານກວດກາພັກ
- ສະຫາຍ ສົມລິດ ພັນທະຈັກ ເປັນກໍາມະການພັກ
- ສະຫາຍ ພັທ ເຕີ້ນ ພົມໂສພາ ເປັນກໍາມະການພັກ, ທັງເປັນຮອງປະທານກວດກາ
- ສະຫາຍ ຖະໝອມສິດ ຂາວພິບານ ເປັນກໍາມະການພັກ
- ສະຫາຍ ພັທ ພູມີ ອິນທະວົງ ເປັນກໍາມະການພັກ
- ສະຫາຍ ນາງ ສົມພອນພິດ ເທບພະວົງສາ ເປັນຮອງປະທານກວດກາພັກ
ນອກຈາກນີ້, ໄດ້ບົ່ງຕົວແຕ່ງຕັ້ງ ຄະນະໜ່ວຍພັກ ທີ່ຂຶ້ນກັບ ຄະນະພັກຮາກຖານ ຄະນະຄຸ້ມຄອງດ່ານສາກົນ ຂົວມິດຕະພາບ ລາວ-ໄທ 1 ມີຄື: ຄະນະໜ່ວຍພັກ ຕໍາຫຼວດກວດຄົນເຂົ້າ-ອອກເມືອງ (ຕມ) ມີ:
- ສະຫາຍ ພັທ ກິດ່ອນ ກິວົງໄຊ ເປັນເລຂາໜ່ວຍພັກ
- ສະຫາຍ ພັທ ພູມີ ອິນທະວົງ ເປັນຮອງເລຂາໜ່ວຍພັກ
- ສະຫາຍ ພັທ ເຕີ້ນ ພົມໂສພາ ເປັນກໍາມະການພັກ, ທັງເປັນປະທານຄະນະກວດກາໜ່ວຍພັກ
- ສະຫາຍ ພັຕ ຄໍານ້ອຍ ພົງວິໄລ ເປັນກໍາມະການພັກ, ທັງເປັນຮອງປະທານຄະນະກວດກາໜ່ວຍພັກ
- ສະຫາຍ ພັຕ ບຸນແສງ ແສງມະນີ ເປັນກໍາມະການພັກ
- ສະຫາຍ ພັຕ ສົມປາດຖະໜາ ນໍເພັງວານິດ ເປັນຮອງປະທານຄະນະກວດກາໜ່ວຍພັກ
ຄະນະໜ່ວຍພັກຫ້ອງການບໍລິຫານດ່ານ ມີຄື:
- ສະຫາຍ ສົມລິດ ພັນທະຈັກ ເປັນເລຂາໜ່ວຍພັກ
- ສະຫາຍ ຄໍາຫວານ ຫຼ້າທອງສະຫວັນ ເປັນຮອງເລຂາໜ່ວຍພັກ
- ສະຫາຍ ນາງ ສົມພອນພິດ ເທບພະວົງສາ ເປັນກໍາມະການພັກ, ທັງເປັນປະທານກວດກາໜ່ວຍພັກ
- ສະຫາຍ ນາງ ຄໍາແຜ່ນ ຖາວອນ ເປັັນຮອງປະທານກວດກາໜ່ວຍພັກ
ໃນພິທີ, ຍັງໄດ້ມີການປ່ອນບັດ ຄັດເລືອກເອົາຜູ້ແທນສົມບູນ ແລະ ສໍາຮອງ ໄປເຂົ້າຮ່ວມກອງປະຊຸມໃຫຍ່ຂອງອົງຄະນະພັກ ນະຄອນຫຼວງວຽງຈັນ; ໃນນີ້, ເລືອກໄດ້ ສະຫາຍ ພັອ ປອ ຄໍາພອນ ເທບພະວົງ, ສະຫາຍ ບຸນແອງ ພັນທະວົງ (ຜູ້ແທນສົມບູນ) ແລະ ສະຫາຍ ສົມລິດ ພັນທະຈັກ (ຜູ້ແທນສໍາຮອງ).
ພາບ-ຂ່າວ: ປກສ ນະຄອນຫຼວງວຽງຈັນ.