ໄຟໄໝ້ຮ້ານຂາຍເຄື່ອງໄຟຟ້າ ບ້ານໜອງດ້ວງ-ສາເຫດຍັງຢູ່ໃນຂັ້ນຕອນສອບສວນ

ວັນທີ 22 ກັນຍາ 2020, ເວລາປະມານ 23:45 ໄດ້ເກີດເຫດໄຟໄໝ້ຮ້ານຂາຍອຸປະກອບເຄື່ອງໄຟຟ້າ ຢູ່ທີ່ບ້ານໜອງດ້ວງ ເມືອງສີໂຄດຕະບອງ ນະຄອນຫຼວງວຽງຈັນ; ເຫດອັກຄີໄພຄັ້ງນີ້, ເຈົ້າໜ້າທີ່ຕຳຫຼວດສະກັດກັ້ນອັກຄີໄພ ນະຄອນຫຼວງວຽງຈັນ ໃຊ້ເວລາປະມານ 50 ກວ່ານາທີ ກໍສາມາດສະກັດກັ້ນໄຟບ່ໍໃຫ້ລຸກລາມໄວ້ໄດ້.

ສ່ວນຄວາມເສຍຫາຍ ແລະ ສາເຫດອັກຄີໄພໃນຄັ້ງນີ້ ຍັງຢູ່ໃນຂັ້ນຕອນການສອບສວນ ແລະ ເກັບກຳຂໍ້ມູນຂອງເຈົ້າໜ້າທີ່ວິຊາສະເພາະ; ສຳລັບລາຍລະອຽດຂອງການເກີດອັກຄີໄພໃນຄັ້ງນີ້ ທາງເພກຂອງພວກເຮົາ ຈະລາຍງານໃຫ້ຊາບຕາມພາຍຫຼັງ.