ວັນທີ 1 ຕຸລາ 2020, ວິທະຍາຄານກົມມະດໍາ ໄດ້ຈັດພິທີປະກາດແຕ່ງຕັ້ງ ສະພາວິທະຍາສາດ-ປະຫວັດສາດການທະຫານ ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງ ພົຈວ ຄໍາໝັ້ນ ວັນນະວົງ ຮອງຫົວໜ້າກົມວິທະຍາສາດ-ປະຫວັດສາດການທະຫານ ກະຊວງປ້ອງກັນປະເທດ, ມີ ພົຈວ ບຸນຈັນ ລາດຊະວົງ ຫົວໜ້າການທະຫານ ວິທະຍາຄານກົມມະດໍາ ພ້ອມດ້ວຍຄະນະພັກ-ຄະນະອໍານວຍການ, ມີບັນດາພະນັກງານ ເຂົ້າຮ່ວມ.
ພັທ ສຸລິຍົງ ໄຊຍະວົງ ຮັກສາການຫົວໜ້າພະແນກການເມືອງ ກົມວິທະຍາສາດ-ປະຫວັດສາດການທະຫານກອງທັບ ໄດ້ຂຶ້ນຜ່ານຂໍ້ຕົກລົງວ່າດ້ວຍ ການແຕ່ງຕັ້ງ ສະພາວິທະຍາສາດ-ປະຫວັດສາດການທະຫານ ຂັ້ນຮາກຖານ ຢູ່ວິທະຍາຄານກົມມະດໍາ ເລກທີ 3493/ກປທ ລົງວັນທີ 20 ສິງຫາ 2020; ພ້ອມທັງ, ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ໃນພາກທີ II ໝວດທີ 4 ມາດຕາ 26 ວ່າດ້ວຍ ການແຕ່ງຕັ້ງ, ຍົກຍ້າຍນາຍທະຫານ ເຂົ້າໃນຂົງເຂດການບູລະນະກົງຈັກການຈັດຕັ້ງນໍາພາ-ບັນຊາ ໃນກໍາລັງປະກອບອາວຸດໃຫ້ເຂັ້ມແຂງໜັກແໜ້ນຮອບດ້ານ ເພື່ອເຮັດສໍາເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ ຕາມການສະເໜີຂອງກົມໃຫຍ່ການເມືອງກອງທັບ ກະຊວງປ້ອງກັນປະເທດ ຕົກລົງແຕ່ງຕັ້ງ ສະພາວິທະຍາສາດ-ປະຫວັດສາດການທະຫານ ຂອງວິທະຍາຄານ ເຊິ່ງມີ່ລາຍລະອຽດດັ່ງນີ້:
- ພົຈວ ບຸນຈັນ ລາດຊະວົງ ຫົວໜ້າການທະຫານ ເປັນປະທານ
- ພັທ ສັນຕິສຸກ ກາງພູວົງ ຫົວໜ້າຫ້ອງວິທະຍາສາດ-ປະຫວັດສາດການທະຫານ ເປັນຮອງປະທານ
- ພັທ ປອ ອຸດົມໄຊ ເມືອງໂຄດ ຮອງຫົວໜ້າຫ້ອງວິທະຍາສາດ-ປະຫວັດສາດການທະຫານ ເປັນຜູ້ປະຈໍາການ
- ພັທ ປອ ສົມໄຫວ ແໜງໄຊຄຸນ ຮອງຫົວໜ້າການເມືອງ ເປັນຄະນະ
- ພັທ ບົວໄລ ສີລັກສາ ຮອງຫົວໜ້າການທະຫານ ເປັນຄະນະ
- ພັທ ປະດິດ ສິນທໍາ ຮອງຫົວໜ້າຫ້ອງອົບຮົມ-ກໍ່ສ້າງ ເປັນຄະນະ
- ພັທ ປອ ທອງດໍາ ແສງສຸລິຈັນ ຫົວໜ້າຄະນະວິຊາຄູເສນາ-ບັນຊາ ເປັນຄະນະ
- ພັທ ທຶນເພັດ ລັດຕະນະໄພວັນ ຫົວໜ້າຄະນະວິຊາຄູວຽກງານພັກ-ວຽກງານການເມືອງ ເປັນຄະນະ
- ພັທ ແສງຈະລິດ ແກ້ວໄຊຍະວົງ ຫົວໜ້າພະແນກວິທະຍາສາດການເມືອງ ເປັນຄະນະ
- ພັທ ສຸລິຍາ ຕັ້ງວົງທອງ ຫົວໜ້າຄະນະວິຊາຄູທິດສະດີມາກ-ເລນິນ ເປັນຄະນະ
- ພັທ ບຸນຮັງ ຄ່າດາລາວົງ ຫົວໜ້າພະແນກການເງິນ ເປັນຄະນະ
ທັງນີ້, ກໍເພື່ອແນໃສ່ເຮັດໃຫ້ພາລະບົດບາດ, ສິດໜ້າທີ່ ແລະ ລະບຽບການເຄື່ອນໄຫວຂອງ ສະພາວິທະຍາສາດ-ປະຫວັດສາດການທະຫານ ຂັ້ນຮາກຖານ ປະກອບດ້ວຍພະນັກງານຫຼັກແຫຼ່ງ ຢູ່ບັນດາກອງພົນ-ກອງບັນຊາການທະຫານແຂວງ ແລະ ຜູ້ມີຄວາມຮູ້ຄວາມສາມາດ ກໍາແໜ້ນແນວທາງນະໂຍບາຍຂອງພັກ ແລະ ເຂົ້າໃນຂົງເຂດການຂີດຂຽນ, ປະຫວັດມູນເຊື້ອຂອງກົມກອງ ແລະ ບັນດາໂຄງການຫຼັກສູດຕ່າງໆ ທີ່ມີລັກສະນະຕິດພັນກັບປະຫັວດສາດຂອງຊາດ, ຂອງກອງທັບປະຊາຊົນລາວ ບົນພື້ນຖານທາງດ້ານທິດສະດີກ່ຽວກັບວິທີປະຫວັດສາດ, ພື້ນຖານດ້ານການເມືອງ ແລະ ພາລະໜ້າທີ່ຂອງຂະບວນການກໍ່ສ້າງກໍາລັງປະກອບອາວຸດ ໃນໄລຍະໃໝ່ຂອງກອງທັບພວກເຮົາ.
ຂ່າວ: ວັນນະເລດ ລໍວັນໄຊ, ພາບ: ພຸດສະດີ ບຸນມີໄຊ
