ໃນວັນທີ 6 ຕຸລາ 2020, ກົມໃຫຍຕໍາຫຼວດ ກະຊວງ ປກສ ໄດ້ຈັດພິທີປະກາດໂຍກຍ້າຍ ແລະ ສັບຊ້ອນນາຍຕໍາຫຼວດພາຍໃນກົມ ເພື່ອຕອບສະໝອງຄວາມຮຽກຮ້ອງຕ້ອງການຂອງໜ້າທີ່ການເມືອງໃນປັດຈຸບັນ ສະເພາະໜ້າ ແລະ ຍາວນານ; ເປັນປະທານໂດຍ ພົຈວ ປອ ທອງສະຫວັນ ວົງສະຫວັດ ຮອງຫົວໜ້າກົມໃຫຍຕຳຫຼວດ, ມີບັນດາຄະນະພັກ-ຄະນະບັນຊາ ພ້ອມດ້ວຍກົມ, ຫ້ອງ ແລະ ສູນທີ່ຂຶ້ນກັບ ກົມໃຫຍ່ຕຳຫຼວດ ເຂົ້າຮ່ວມ.
ພັທ ນາງ ດຳດວນ ວົງປັນຍາ ຮອງຫ້ອງການເມືອງ ໄດ້ຂຶ້ນຜ່ານຂໍ້ຕົກລົງຂອງ ກົມໃຫຍ່ຕຳຫຼວດ ວ່າດ້ວຍ ການໂຍກຍ້າຍນາຍຕຳຫຼວດພາຍໃນກົມ ເຊິ່ງໄດ້ໂຍກຍ້າຍແຕ່ລະສະຫາຍດັ່ງນີ້:
- ຮອ ພົງສະຫວັດ ວອນທານີ ຈາກ ກົມຕຳຫຼວດສືບສວນ-ສອບສວນ ມາ ຫ້ອງພະລາທິການ
- ຮຕ ວິໄລສັກ ດວງມາລາ ຈາກກົມຕຳຫຼວດສະກັດກັ້ນ ແລະ ຕ້ານອັກຄີໄພ ມາກົມຕຳຫຼວດສິ່ງແວດລ້ອມ
- ພັຕ ທອງໄຊ ຫອມໄມສຸກ ຈາກ ຫ້ອງການເມຶອງ ມາ ກົມຕຳຫຼວດນິຕິວິທະຍາ
- ພັຕ ນາງ ແຫຼວທອງ ສິງສະຫວ່າງ ຈາກ ກົມຕຳຫຼວດສືບສວນ-ສອບສວນ ແລະ ຮອ ວິໄລສັກ ພິລາຮັກ ຈາກ ຫ້ອງການ ມາ ຫ້ອງການເມືອງ
ພ້ອມນັ້ນ, ກໍໄດ້ຜ່ານຂໍ້ຕົກລົງ ວ່າດ້ວຍ ການສັບຊ້ອນນາຍຕຳຫຼວດ; ໃນນີ້, ຊັບຊ້ອນ ພັຕ ແສງພະຈັນ ແສງສຸວັນ ໃຫ້ ສູນຄວບຄຸມລະບົບວົງຈອນປິດ ແລະ ສັບຊ້ອນໃຫ້ບັນດາກົມ, ຫ້ອງ, ສູນຂຶ້ນກັບກົມ ຄື:
- ສັບຊ້ອນໃຫ້ກົມຕຳຫຼວດສືບຂ່າວ 4 ສະຫາຍ
- ກົມຕຳຫຼວດສືບສອບ-ສອບສວນ 6 ສະຫາຍ
- ກົມຕຳຫຼວດເສດຖະກິດ 5 ສະຫາຍ
- ກົມຕຳຫຼວດສະກັດກັ້ນ ແລະ ຕ້ານຢາເສບຕິດ 6 ສະຫາຍ
- ກົມຕຳຫຼວດຈະລາຈອນ 7 ສະຫາຍ
- ກົມຕຳຫຼວດສິ່ງແວດລ້ອມ 3 ສະຫາຍ
- ກົມຕຳຫຼວດສະກັດກັ້ນ ແລະ ຕ້ານອັກຄີໄພ 2 ສະຫາຍ
- ກົມຕຳຫຼວດນິຕິວິທະຍາ 2 ສະຫາຍ
- ຫ້ອງການເມືອງ 3 ສະຫາຍ
- ກົມຕຳຫຼວດຝຶກແອບ ແລະ ນຳໃຊ້ໝາວິຊາສະເພາະ 4 ສະຫາຍ
- ກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ 7 ສະຫາຍ
- ຫ້ອງພະລາທິການ 2 ສະຫາຍ
- ສູນຄວບຄຸມລະບົບວົງຈອນປິດ 3 ສະຫາຍ
- ຫ້ອງການກວດກາ ແລະ ຄວບຄຸມຢາເສບຕິດ 2 ສະຫາຍ
- ກົມຕຳຫຼວດທາງລົດໄຟ 2 ສະຫາຍ
ໃນໂອກາດນີ້, ພົຈວ ປອ ທອງສະຫວັນ ວົງສະຫວັດ ໄດ້ເນັ້ນໃຫ້ພະນັກງານ-ນັກຮົບທີ່ໄດ້ຮັບການໂຍກຍ້າຍ ແລະ ສັບຊ້ອຍໃນຄັ້ງນີ້ ຈົ່ງສືບຕໍ່ຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດ, ຮັກສາມູນເຊື້ອອັນດີງາມ ແລະ ຫ້າວຫັນໃສ່ທຸກຂົງເຂດວຽກງານປ້ອງກັນຄວາມສະຫງົບ, ເຮັດໃຫ້ການຈັດຕັ້ງ ແລະ ພໍ່ແມ່ປະຊາຊົນມີຄວາມເຊື່ອໝັ້ນ ແລະ ໄວ້ວາງໃຈ, ມີສະຕິ ແລະ ເຂັ້ມງວດໃນການປະຕິບັດລະບຽບວິໄນ ພ້ອມທັງຊອກຮູ້ຮໍ່າຮຽນເພື່ອພັດທະນາຕົນເອງ ໃຫ້ເປັນແບບຢ່າງທີ່ດີໃຫ້ກັບພະນັກງານ-ນັກຮົບ.
