ອາທິດຜ່ານມາ,ກອງບັນຊາການ ປກສ ເມືອງສິງ ແຂວງຫຼວງນໍ້າທາ ໄດ້ສຳເລັດກອງປະຊຸມປະເມີນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2020, ເປັນປະທານໂດຍ ສະຫາຍ ພັທ ພຸດທະສອນ ວົງແຝງຄຳ ເລຂາຄະນະພັກຮາກຖານ ຫົວໜ້າກອງບັນຊາການ ປກສ ເມືອງສິງ, ມີ ສະຫາຍ ປອ ຈັນພິພັກ ກອງຈຳປາ ກຳມະການພັກແຂວງ ເລຂາພັກເມືອງເຈົ້າເມືອງສິງ, ມີຄະນະພັກ-ຄະນະບັນຊາ, ພ້ອມດ້ວຍເລຂາໜ່ວຍພັກ, ສະມາຊິກພັກສົມບຸນສຳຮອງເຂົ້າຮ່ວມ.
ສະຫາຍ ພັທ ພຸດທະສອນ ວົງແຝງຄໍາ ໄດ້ຂຶ້ນຜ່ານບົດສະຫຼຸບການປະເມີນສະມາຊິກພັກ, ໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈໍາປີ 2020, ຄະນະພັກຮາກຖານ ປກສ ເມືອງສິງ ມີ 6 ໜ່ວຍພັກ ທີ່ຂຶ້ນກັບ, ມີສະມາຊິກພັກທັງໝົດ 143 ສະຫາຍ ຍິງ17 ສະຫາຍ, ສະມາຊິກ ພັກສໍາຮອງ 3 ສະຫາຍ. ຜ່ານການປະເມີນສະມາຊິກ ແລະໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2020,ໄດ້ 6 ໜ່ວຍພັກ ເປັນໜ່ວຍພັກເຂັ້ມແຂງ, ສະມາຊິກພັກແຂງກວມ 98 %,ສະມາຊິກພັກກາງ ໄດ້ 2%.
ໃນໂອກາດນີ້, ສະຫາຍ ປອ ຈັນພິພັກ ກອງຈໍາປາ ເຈົ້າເມືອງສິງ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດໃນການກໍ່ສ້າງໜ່ວຍພັກ ແລະ ສະມາຊິກພັກໃນໄລຍະໜື່ງປີຜ່ານມາ, ພ້ອມທັງ ຮຽກຮ້ອງໃຫ້ຄະນະພັກແຕ່ລະຂັ້ນສືບຕໍ່ສືກສາອົບຮົມການເມືອງ-ແນວຄິດໃຫ້ສະມາຊິກພັກ , ພະນັກງານ-ນັກຮົບ ຢ່າງເປັນລະບົບຕໍ່ເນື້ອງ,ມີຫຼັການການ,ມີແບບແຜນ ແລະມີເປົ້າໝາຍຄາດໝາຍຜົນໄດ້ຮັບໃນການສຶກສາອົບຮົມການ ເມືອງ-ແນວຄິດ, ມີການເຕົ້າໂຮມຄວາມສາມັກຄີພາຍໃນໃຫ້ໜັກແໜ້ນ,ໃຫ້ຄວາມຊ່ວຍເຫຼືອເຊິ່ງກັນ ແລະກັນລະຫວ່າງຄະນະພັກ, ຄະນະໜ່ວຍພັກກັບພະນັກງານ-ນັກຮົບຢ່າງກົມກຽວເປັນຈິດໜື່ງໃຈດຽວ ໃນການແກ້ໄຂບັນຫາຕ່າງໃຫ້ຖືກຕ້ອງ ມີປະຊາທິປະໄຕຢ່າງແທ້ຈິງ.
