ໃນວັນທີ 29 ຕຸລາ ນີ້,ກອງປະຊຸມໃຫຍ່ຜູ້ແທນອົງຄະນະພັກ ນະຄອນຫຼວງວຽງຈັນ ຄັ້ງທີ VII ໄດ້ປິດລົງດ້ວຍຜົນສໍາເລັດຢ່າງຈົບງາມ, ເຊິ່ງຜູ້ແທນກອງປະຊຸມ ຈໍານວນ 357 ສະຫາຍ, ຍິງ 53 ສະຫາຍ ໄດ້ເປັນເອກະພາບຮັບຮອງເອົາຮ່າງລາຍງານການເມືອງ ຂອງຄະນະບໍລິຫານ ງານພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX (2020-2025); ຮັບຮອງ 4 ບົດຮຽນ ທີ່ຖອດຖອນໄດ້ຈາກການຈັດຕັ້ງນໍາພາປະຕິບັດມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກນະຄອນຫຼວງວຽງຈັນ.
ເພື່ອເປັນທິດຊີ້ນໍາໃຫ້ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VII; ຮັບຮອງເອົາ 3 ທັດສະນະ, 4 ທິດທາງ ແລະ 19 ຄາດໝາຍ, 8 ແຜນງານ,ໂຄງການບຸກທະລຸ ແລະ 9 ໜ້າທີ່ສໍາຄັນຂອງການພັດທະນານະຄອນຫຼວງວຽງຈັນ ໃນໄລຍະ5 ປີຕໍ່ໜ້າ ແລະ ຮັບຮອງເອົາຜົນຂອງກອງປະຊຸມຄັ້ງປະຖົມມະລຶກ ຂອງຄະນະບໍລິຫານງານພັກນະຄອນຫຼວງວຽງຈັນ ສະໄໝທີ VII ໄດ້ເປັນເອກະສັນຢ່າງສົມບູນ ເລືອກຄະນະກໍາ ມະການປະຈໍາພັກ 13 ສະຫາຍ ຍິງ 1 ສະຫາຍ ດັ່ງນີ້:
- ສະຫາຍ ປອ ສິນລະວົງ ຄຸດໄພທູນ
- ສະຫາຍ ປອ ອານຸພາບ ຕຸນາລົມ
- ສະຫາຍ ປອ ອາດສະພັງທອງ ສີພັນດອນ
- ສະຫາຍ ພົຈວ ສີພອນ ຈັນສົມວົງ
- ສະຫາຍ ນາງ ລໍາພອຍ ສີອັກຄະຈັນ
- ສະຫາຍ ປອ ຊົງເລົາ ຢົງນູ
- ສະຫາຍ ວິລະສັກ ນາມມຸນຕີ
- ສະຫາຍ ພູວົງ ວົງຄໍາຊາວ
- ສະຫາຍ ພູຂົງ ບັນນະວົງ
- ສະຫາຍ ຖະໜອມ ທໍາທອງ
- ສະຫາຍ ບຸນໜາ ຜາທຸມມະວົງ
- ສະຫາຍ ເດດສົງຄາມ ທໍາມະວົງ
- ສະຫາຍ ພັອ ສຸກພະຈັນ ບຸດດາຄໍາ
+ ເລືອກເລຂາ-ຮອງເລຂາຄະນະພັກ ນະຄອນຫຼວງວຽງຈັນ ດັ່ງນີ້:
- ສະຫາຍ ປອ ສິນລະວົງ ຄຸດໄພທູນ ເປັນເລຂາຄະນະພັກ
- ສະຫາຍ ປອ ອານຸພາບ ຕຸນາລົມ ເປັນຮອງເລຂາຄະນະພັກ
- ສະຫາຍ ປອ ອາດສະພັງທອງ ສີພັນດອນ ເປັນຮອງເລຂາຄະນະພັກ
+ ເລືອກປະທານກວດກາ ແລະ ຮອງປະທານກວດກາຄະນະພັກ ດັ່ງນີ້:
- ສະຫາຍ ວິລະສັກ ນາມມຸນຕີ ປະທານກວດກາຄະນະພັກ
- ສະຫາຍ ນາງ ຄໍາໄພ ລັດສະໝີ ຮອງປະທານກວດກາຄະນະພັກ
- ສະຫາຍ ກອງດີ ສຸທໍາມະວົງ ຮອງປະທານກວດກາຄະນະພັກ
- ສະຫາຍ ບຸນສີ ກອງບຸດ ຮອງປະທານກວດກາຄະນະພັກ
- ສະຫາຍ ຈັນສະຫວ່າງ ຫິມມະພັນ ຮອງປະທານກວດກາຄະນະພັກ
ກອງປະຊຸມ ຍັງໄດ້ເລືອກເອົາຜູ້ແທນສົມບູນ ແລະ ສໍາຮອງ ເຂົ້າຮ່ວມກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ, ເຊິ່ງມີຜູ້ ແທນສົມບູນ 33 ສະຫາຍ ຍິງ 7 ສະຫາຍ, ຜູ້ແທນສໍາຮອງ 3 ສະຫາຍ ຍິງ 2 ສະຫາຍ.
ພາບ-ຂ່າວ: ປກສ ນະຄອນຫຼວງວຽງຈັນ
