ໃນວັນທີ 3 ພະຈິກ 2020, ຄົນຮ້າຍຢູ່ບ້ານຫົວນໍ້າມາວ ເມືອງຮຸນ ແຂວງອຸດົມໄຊ ໄປລັກຕັດສາຍໄຟຟ້າຢູ່ແຄ້ມ ຖືກໄຟຟ້າຊ໋ອດຕົກລົງສູ່ພື້ນດິນເສຍຊີວິດຄາທີ່.

ເຈົ້າໜ້າທີ່ ປກສ ເມືອງຮຸນ ແຂວງອຸດົມໄຊ ໃຫ້ຮູ້ວ່າ: ພາຍຫຼັງໄດ້ຮັບແຈ້ງເຫດວ່າ ມີຄົນເສຍຊີວິດຢູ່ແຄ້ມໄຟຟ້າໃນສວນກ້ວຍ ບ້ານຫົວນໍ້າມາວ ຈຶ່ງໄດ້ແຕ່ງຕັ້ງພະນັກງານເຂົ້າໄປກວດກາ; ໃນສະຖານທີ່ເກີດເຫດພົບ ທ້າວ ຄົວເນັງຢາ ອາຍຸ 40 ປີເປັນປະຊາຊົນບ້ານຫົວນໍ້າມາວ ນອນເສຍຊີວິດໃນສະພາບຕົກຈາກທີ່ສູງ, ຢູ່ຂ້າງສົບ ພົບເຫັນໄຟສາຍ 1 ອັນ, ຄີມຕັດ 1 ອັນ ແລະ ກະແຈ. ນອກນັ້ນ, ຍັງພົບເຫັນໄມ້ສຽບຕາມຮູເສົາໄຟ ເພື່ອໃຊ້ເປັນບ່ອນຢຽບຂຶ້ນໄປລັກຕັດສາຍໄຟຟ້າທີ່ຢູ່ເທິງເສົາ.

ຜ່ານການນຊັນນະສູດ ແລະ ກວດສອບຢ່າງລະອຽດ, ຈຶ່ງຮູ້ວ່າ ເຫດດັ່ງກ່າວເກີດຂຶ້ນໃນຕອນກາງຄືນ ໂດຍຜູ້ກ່ຽວໄດ້ໃຊ້ໄຟສາຍເຍືອງທາງ ແລະ ເອົາຄີມມັດໃສ່ແອວ . ຈາກນັ້ນ, ໄດ້ປີນຂຶ້ນໄປລັກຕັດເອົາສາຍໄຟ. ໃນຂະນະເອົາຄີມອອກມາຕັດສາຍໄຟຟ້ານັ້ນໄດ້ເກີດໄຟຟ້າຊ໋ອດ ແລະ ຕົກລົງສູ່ພື້້ນດິນ ເຮັດໃຫ້ເສຍຊີວິດ.