ບໍລິສັດຕ້າຟູ່ການຄ້າສາກົນຈຳກັດ ຜູ້ດຽວ ໄດ້ມອບນ້ຳດື່ມຫົວເສືອແພັກນ້ອຍ ຈຳນວນ 400 ແພັກ ແລະ ເງິນ ຈໍານວນ 25.000.000 ກີບ ໃຫ້ກອງບັນຊາການ ປກສ ແຂວງວຽງຈັນ, ໃນວັນທີ 17 ພະຈິກ 2020; ເພື່ອປະກອບສ່ວນເຂົ້າວຽກງານປ້ອງກັນຄວາມສະຫງົບແຂວງວຽງຈັນ, ກ່າວມອບໂດຍ ທ່ານ ສິດປະສົງ ລຸ້ງພາໄຊ ປະທານບໍ ລິສັດຕ້າຟູ່ການຄ້າສາກົນ ຈຳກັດຜູ້ດຽວ ແລະ ກ່າວຮັບໂດຍ ພົຈວ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງວຽງຈັນ ພ້ອມດ້ວຍພະນັກງານທັງສອງພາກສ່ວນເຂົ້າຮ່ວມ.

ພົຈວ ປອ ທອງເຄນ ບຸນໝັ້ນ ສະແດງຄວາມຄວາມຊົມເຊີຍຕໍ່ບໍລິສັດຕ້າຟູ່ການຄ້າສາກົນຈຳກັດຜູ້ດຽວທີ່ໄດ້ປະກອບສ່ວນຄັ້ງນີ້, ຈະນຳໃຊ້ເຂົ້າໃນ ວຽກງານຕົວຈິງ ແລະ ເຫັນໄດ້ຄວາມໝາຍຄວາມສຳຄັນຕໍ່ວຽກງານຕ່າງໆຢູ່ພາຍໃນ ປກສ ແຂວງວຽງຈັນ.

ໃນວັນດຽວກັນ, ຕົວແທນຈຳໜ່າຍເບຍລາວສາຂາເມືອງທຸລະຄົມ ແຂວງວຽງຈັນ ໄດ້ມອບນ້ຳດື່ມຫົວເສືອແພັກນ້ອຍ ຈຳນວນ 50 ແພັກ ໃຫ້ກອງບັນຊາການ ປກສ ແຂວງວຽງຈັນ ຕື່ມອີກ; ກ່າວມອບໂດຍທ່ານ ເຄນ ພົມພັກດີ ຕົວແທນຈຳໜ່າຍເບຍລາວສາຂາເມືອງທຸລະຄົມ ແຂວງວຽງຈັນ.