ວັນທີ 29 ທັນວາ 2020 ເວລາ 19:00, ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນ ໄດ້ຮັບແຈ້ງເຫດ ໄຟໄໝ້ເຮືອນປະຊາຊົນຢູ່ບ້ານຕານມີໄຊ ໜ່ວຍ 6 ເມືອງໄຊທານີ ນະຄອນຫຼວງວຽງຈັນ.

ພາຍຫຼັງໄດ້ຮັບແຈ້ງເຫດ, ເຈົ້າໜ້າທີ່ວິຊາສະເພາະ ໄດ້ນໍາເອົາລົດມອດໄຟ ຈໍານວນ 2 ຄັນ ພ້ອມດ້ວຍອ້າຍ-ນ້ອງພະນັກງານ ຈຳນວນ 12 ສະຫາຍ ອອກປະຕິບັດໜ້າທີ່ຢ່າງຮີບດ່ວນ; ເຊິ່ງໃຊ້ເວລາປະມານ 1 ຊົ່ວໂມງ ກໍສາມາດຄວບຄຸມໄຟໄດ້; ຫຼັງຈາກນັ້ນ, ກໍປະສານສົມທົບກັບພາກສ່ວນທີ່ກ່ຽວຂ້ອງ ເພື່ອເກັບກໍາບັນດາຂໍ້ມູນຕ່າງໆຈາກເຈົ້າຂອງເຮືອນທີ່ເກີດເຫດ ຈຶ່ງຮູ້ວ່າເຮືອນທີ່ເກີດເຫດໄຟໄໝ້ ແມ່ນເຮືອນຂອງ ນາງ ບົວບາງໃບ ແກ້ວບຸນຊູ ອາຍຸ 46 ປີ, ສັນຊາດລາວ ຫວ່າງງານ.

ເຮືອນຫຼັງດັ່ງກ່າວເປັນເຮືອນສອງຊັ້ນ, ຊັ້ນລຸ່ມແມ່ນເຮືອນກໍ່ ແລະ ຊັ້ນເທິງແອ້ມດ້ວຍໄມ້, ມຸງກະເບື້ອງ, ຂະຫນາດ 10×15 ແມັດ, ສະເພາະຄົນມີໜ້າໃນຄອບຄົວ ມີ 5 ຄົນ ຍິງ 3 ຄົນ; ເຊິ່ງດ້ານໜ້າຂອງເຮືອນເປັນ ຫ້ອງແຖວ 1 ຫ້ອງ ໃຫ້ຄົນເຊົ່າ; ສ່ວນຜົນເສຍຫາຍ, ມູນຄ່າເສຍຫາຍ ແລະ ສາເຫດ ຍັງຢູ່ໃນຂັ້ນຕອນສືບສວນ-ສວນຂອງເຈົ້າໜ້າທີ່.