ໃນວັນທີ 30 ທັນວາ ຜ່ານມາ, ທ່ານ ບົວສອນ ອຸໄທທິດ ຮອງຫົວໜ້າຝ່າຍການຕະຫຼາດບໍລິສັດລັດວິສາຫະກິດ ລາວໂທລະຄົມມະນາຄົມ ພ້ອມ ດ້ວຍຄະນະ ໄດ້ນໍາເອົາກະຕ່າງຂອງຂວັນ ເຂົ້າອວຍພອນກົມສື່ມວນຊົນ ກົມໃຫຍ່ການເມືອງ ປກສ ເນື່ອງໃນໂອກາດສົ່ງທ້າຍປີເກົ່າ ຄສ 2020 ຕ້ອນຮັບປີໃໝ່ ຄສ 2021,ຕາງໜ້າຮັບໂດຍ ພັອ ເພີນຄໍາ ແສງດາລາ ຫົວໜ້າກົມສື່ມວນຊົນ ພ້ອມດ້ວຍຄະນະກົມເຂົ້າຮ່ວມ.
ທ່ານ ບົວສອນ ອຸໄທທິດ ກ່າວວ່າ: ເນື່ອງໃນໂອກາດ ສົ່ງທ້າຍປີເກົ່າ ຄສ 2020 ຕ້ອນ ຮັບປີໃໝ່ ຄສ 2021,ໃນນາມຕາງໜ້າບໍລິສັດ ຂໍອວຍພອນໄຊມາຍັງຄະນະພັກ-ຄະນະກົມສື່ມວນຊົນປ້ອງກັນຄວາມສະຫງົບ ຕະຫຼອດຮອດພະນັກງານນັກຮົບທຸກທົ່ວໜ້າຈົ່ງມີສຸຂະພາບແຂງແຮງ, ປະສົບຜົນສໍາເລັດໃນການປະຕິບັດໜ້າທີ່ວຽກງານທີ່ຂັ້ນເທິງມອບໝາຍ,ສືບຕໍ່ຊີ້ນໍາ-ນໍາພາກໍາລັງ ປກສ ໃຫ້ມີຄວາມເຕີບໃຫຍ່ເຂັ້ມແຂງເທື່ອລະກ້າວ.
ໃນໂອກາດນີ້, ພັອ ເພີນຄໍາ ແສງດາລາ ໄດ້ສະແດງຄວາມຂອບໃຈມາຍັງບໍລິສັດລັດວິສາຫະກິດລາວໂທລະຄົມມະນາຄົມ ທີ່ຍາມໃດກໍເຫັນໄດ້ຄວາມໝາຍ ຄວາມສໍາຄັນຂອງວຽກງານປ້ອງກັນຄວາມສະຫງົບ ເວົ້າລວມ,ເວົ້າສະເພາະແມ່ນວຽກງານສື່ມວນຊົນ. ເຊິ່ງໄລຍະຜ່ານມາ, ກໍໄດ້ມີການອຸປະຖໍາມາໂດຍຕະຫຼອດ;ໂອກາດນີ້ ຂໍອວຍພອນໄຊມາຍັງປະທານບໍລິສັດ ພ້ອມດ້ວຍພະນັກງານພາຍໃນບໍລິສັດຈົ່ງມີສຸຂະພາບ ແຂງແຮງ,ປະສົບຜົນສໍາເລັດໃນໜ້າທີ່ວຽກງານ,ສືບຕໍ່ພັດທະນາວຽກງານການສື່ສານໃຫ້ມີຜົນສໍາເລັດ ແລະມີການພັດທະນາທີ່ຍິ່ງໃຫຍ່ກວ່າເກົ່າ.
ພາບ-ຂ່າວ: ສົມສະໄຫວ ສີລາວົງ