ກອງບັນຊາການປ້ອງກັນທີ່ຕັ້ງ ກະຊວງປກສ ໄດ້ຈັດພິທີປະກາດການບົ່ງຕົວແຕ່ງຕັ້ງຄະນະພັກຮາກຖານ ແລະ ຄະນະໜ່ວຍພັກທີ່ຂຶ້ນກັບຄະ ນະພັກຮາກຖານກອງພັນ ໃນວັນທີ 29 ທັນວາ ຜ່ານມາ, ໂດຍມີ ພົຈວ ໄຊສີ ແກ້ວສະຫງ່າ ຄະນະພັກກະຊວງ ເລຂາຄະນະພັກ ຫົວໜ້າກອງບັນ ຊາການປ້ອງກັນທີ່ຕັ້ງ, ມີຄະນະພັກກອງພັນ 205, 206 ແລະ 207 ເຂົ້າຮ່ວມ.
ໃນພິທີ, ພັທ ກອງແກ້ວ ກຸສານົນ ຄະນະພັກກອງບັນຊາການ ຫົວໜ້າຫ້ອງການເມືອງ ໄດ້ຂຶ້ນຜ່ານຂໍ້ຕົກລົງສະບັບເລກທີ 531/ຄພ.ປຕ, ລົງວັນທີ 15 ທັນວາ 2020 ວ່າດ້ວຍການບົ່ງຕົວແຕ່ງຕັ້ງຄະນະພັກຮາກຖານ ແລະຄະນະໜ່ວຍພັກທີ່ຂຶ້ນກັບຄະນະພັກຮາກຖານ ກອງພັນ205 ມີ 5 ສະຫາຍ ຄື: ພັທ ດວງສະໝອນ ອຸລະມະນີວົງ ເປັນເລຂາ, ພັທ ບຸນດົງ ຄຳວົງສີ ເປັນຮອງເລຂາ, ພັທ ໄມພອນ ພວງຍະສານ ເປັນກຳມະ ການ (ຜູ້ກວດກາພັກ), ພັທ ບຸນລຽບ ວົງດາລັກ ເປັນຄະນະ, ພັທ ວຽງວິໄລ ກັນລະຍາ ເປັນຄະນະ;ຄະນະໜ່ວຍພັກຮາກຖານ ໝວດສຳນັກມີ 3 ສະຫາຍ,ໜ່ວຍພັກ ກອງຮ້ອຍ 1 ມີ 2 ສະຫາຍ, ໜ່ວຍພັກກອງຮ້ອຍ 2 ມີ 2 ສະຫາຍ ແລະ ໜ່ວຍພັກກອງຮ້ອຍ 3 ມີ 2 ສະຫາຍ. ພ້ອມນີ້,ໄດ້ຜ່ານຂໍ້ຕົກລົງວ່າດ້ວຍການບົ່ງຕົວແຕ່ງຕັ້ງຄະນະໜ່ວຍພັກ ທີ່ຂຶ້ນກັບຄະນະພັກຮາກຖານ ກອງພັນ 206 ແລະ ຂໍ້ຕົກລົງວ່າດ້ວຍການບົ່ງຕົວແຕ່ງຕັ້ງຄະນະໜ່ວຍພັກທີ່ຂຶ້ນກັບຄະນະພັກຮາກຖານ ກອງ ພັນ 207 ຕື່ມອີກ.
ໃນໂອກາດນີ້, ພົຈວ ໄຊສີ ແກ້ວສະຫງ່າ ໄດ້ໂອ້ລົມຕໍ່ພິທີ ເຊິ່ງໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ບັນດາສະຫາຍຍາດມາໄດ້. ພ້ອມທັງນັ້ນໃຫ້ເອົາໃຈໃສ່ສືບຕໍ່ຈັດຕັ້ງປະຕິບັດວຽກງານ, ຊີ້ນຳ-ນຳພາວຽກງານວິຊາສະເພາະໃຫ້ພະນັກງານນັກຮົບອ້ອມຂ້າງກອງພັນປະຕິບັດໜ້າ ທີ່ວຽກງານທີ່ຂັ້ນເທິງມອບໝາຍໃຫ້ປະກົດຜົນເປັນຈິງ.