ໃນອາທິດຜ່ານມາ, ພົຕ ສົມແກ້ວ ສີລາວົງ ອະດີດລັດຖະມົນຕີກະຊວງ ປກສ ພ້ອມດ້ວຍຄອບຄົວ ໄດ້ເດີນທາງໄປມອບເຄື່ອງຢູ່ບ້ານຫ້ວຍດອງ ເມືອງໂພນໄຊ ແຂວງຫຼວງພະບາງ ເນື່ອງໃນໂອກາດເຂົ້າຮ່ວມງານບຸນປີໃໝ່ຂອງບ້ານຫ້ວຍດອງ; ເຊິ່ງເຄື່ອງທີ່ນຳໄປມອບໃນຄັ້ງນີ້ປະກອບມີ: ເສື້ອກັນໜາວຜູ້ໃຫຍ່ 120 ໂຕ, ເສື້ອກັນໜາວນັກຮຽນ 150 ໂຕ, ກະເປົານັກຮຽນ 150 ຖົງ, ອຸປະກອນກິລາ, ອຸປະກອນການຮຽນ ແລະ ໂຕະ-ຕັ່ງອີກຈຳນວນໜຶ່ງ ລວມມູນຄ່າທັງໝົດ 22 ລ້ານກວ່າກີບ; ກ່າວຮັບໂດຍ ທ່ານ ໜູຮັກ ທິດາກອນ ອຳນວຍການໂຮງຮຽນປະຖົມສຶກສາບ້ານຫ້ວຍດອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນສັກຂີພະຍານ.

ທ່ານ ໜູຮັກ ທິດາກອນ ໄດ້ກ່າວສະແດງຄວາມຂອບອົກຂອບໃຈຕໍ່ ພົຕ ສົມແກ້ວ ສີລາວົງ ພ້ອມດ້ວຍຄອບຄົວ ທີ່ເຫັນໄດ້ຄວາມສຳຄັນ ແລະ ໄດ້ມອບເຄື່ອງຊ່ວຍເຫຼືອຈຳນວນດັ່ງກ່າວໃຫ້ນ້ອງນັກຮຽນ ແລະ ບັນດາຄູສອນ ແມ່ນແຫຼ່ງປຸກລະດົມຈິດໃຈໃຫ້ພວກນ້ອງນັກຮຽນສູ້ຊົນໃນການຮໍ່າຮຽນ.

ໃນໂອກາດນີ້, ອະດີດລັດຖະມົນຕີ ກະຊວງ ປກສ ພ້ອມດ້ວຍຄອບຄົວ ກໍໄດ້ເດີນທາງໄປມອບເຄື່ອງຢູ່ບ້ານສົບເຈ້ຍ ແລະ ບ້ານປາກງາ ເມືອງໂພນໄຊ ແຂວງຫຼວງພະບາງ ລວມມູນທັງໝົດ 35 ລ້ານກວ່າກີບ.