ກອງປະຊຸມສະຫຼຸບວຽກງານຮອບດ້ານປະຈຳປີ 2020 ແລະ ວາງທິດທາງແຜນການປີ 2021 ຂອງກອງພັນ 511 ກອງບັນຊາການທະຫານນະຄອນຫຼວງວຽງຈັນ ໄດ້ຈັດຂຶ້ນໃນວັນທີ 10 ກຸມພາ 2021; ເຊິ່ງໃນກອງປະຊຸມໄດ້ໃຫ້ຮູ້ວ່າ: ໃນປີ 2020 ກອງພັນ 511 ສາມາດສ້າງລາຍຮັບຈາກການປູກຝັງ-ລ້ຽງສັດໄດ້ສູງເຖິງ 200 ກວ່າລ້ານກີບ.

ພັທ ຄຳມ່ວນ ຄວນວິຈິດ ຫົວໜ້າການເມືອງກອງພັນ 511 ໄດ້ຍົກໃຫ້ເຫັນຜົນງານຫຼາຍດ້ານທີ່ຍາດມາໄດ້ໃນຕະຫຼອດໄລຍະ 1 ປີຜ່ານມາ ເປັນຕົ້ນ: ຄະນະພັກ-ຄະນະບັນຊາທຸກຂັ້ນໄດ້ເປັນເຈົ້າການເອົາໃຈໃສ່ຊີ້ນຳ-ນຳພາຢ່າງໃກ້ຊິດຕິດແທດກັບບັນດາພະນັກງານ-ນັກຮົບພາຍໃນກົມກອງຂອງຕົນ; ໂດຍຖືເອົາວຽກງານການສຶກສາອົບຮົມການ ເມືອງນຳພາ-ແນວຄິດເປັນກົກ ພ້ອມນັ້ນ, ກໍຍັງໄດ້ຈັດຕັ້ງພະນັກງານລົງກໍ່ສ້າງຮາກຖານຕາມກຸ່ມບ້ານແບບມູນເຊື້ອ ໂດຍປະສານສົມທົບກັບອຳນາດການປົກຄອງແຕ່ລະທ້ອງຖິ່ນ ແລະ ກຳລັງ ປກຊ-ປກສ ແຕ່ລະພາກສ່ວນ ໂດຍເປັນເຈົ້າການສະກັດກັ້ນກຸ່ມຄົນບໍ່ດີ ເພື່ອຮັກສາຄວາມສະ ຫງົບປອດໄພພາຍໃນຂອບເຂດຮັບຜິດຊອບໄດ້ໂດຍພື້ນຖານ, ເອົາໃຈໃສ່ວຽກງານການອົບຮົມຫັດແອບປະຈຳປີເປັນສຳຄັນ; ໂດຍສະເພາະແມ່ນຫັດແອບ ທາງດ້ານສິນລະປະຍຸດ-ຍຸດທະວິທີສ້າງຄວາມສຳນິຊຳນານ, ຄວາມຄ່ອງແຄ້ວໃຫ້ແກ່ພະນັກ ງານ-ນັກຮົບ ໂດຍເອົາຄຸນນະພາບ ເປັນຫຼັກ, ສ່ວນວຽກງານການ ແກ້ໄຂຊີວິດການເປັນຢູ່ແມ່ນໄດ້ອີງຕາມທ່າແຮງບົ່ມຊ້ອນຂອງ ກົມກອງໂດຍຖືເອົາການປູກການລ້ຽງເປັນຕົ້ນຕໍ ເພື່ອຮັບປະກັນຊີວິດການເປັນຢູ່ຂອງອ້າຍ-ນ້ອງ ພາຍໃນກົມກອງໃຫ້ດີຂຶ້ນເປັນກ້າວໆ; ເຊິ່ງໃນນັ້ນໄດ້ສຸມໃສ່ປູກພືດຜັກສວນຄົວຊະນິດຕ່າງໆໄດ້ 28.574 ກິໂລກຼາມ, ປູກຕົ້ນໄມ້ໃຫ້ ໝາກ, ໄມ້ປະດັບ ແລະ ໄມ້ອຸດສາຫະກຳ ຈຳນວນ 157 ຕົ້ນ, ລ້ຽງງົວ ຈຳນວນ 20 ໂຕ, ໝູ 07 ໂຕ, ແບ້ 15 ໂຕ; ສັດປີກປະເພດເປັດ-ໄກ່ 563 ໂຕ, ລ້ຽງກົບ 1,800 ໂຕ, ໄດ້ປ່ອຍປາຈໍານວນ 1000 ໂຕ ແລະ ໄດ້ຮັບຈາກການບໍລິການຕ່າງໆຕື່ມອີກຈຳນວນໜຶ່ງ; ສັງລວມແລ້ວ, ໃນໄລຍະ 1 ປີຜ່ານມາ ກອງພັນ 511 ທະຫານນະຄອນຫຼວງວຽງຈັນ ສາມາດສ້າງລາຍຮັບຈາກການ ປູກ, ການລ້ຽງ ແລະ ການບໍລິ ການຕ່າງໆໄດ້ ທັງໝົດ 255. 182.000 ກີບ/ຕໍ່ປີ.

ກອງປະຊຸມດັ່ງກ່າວ, ເຂົ້າຮ່ວມໂດຍ ພັອ ບົວເງິນ ຫົງໄຂຄາ ຫົວໜ້າຫ້ອງການເມືອງ ກອງບັນຊາການທະຫານນະຄອນຫຼວງວຽງຈັນ ພ້ອມດ້ວຍນາຍ ແລະ ພົນທະຫານພາຍໃນກອງ ພັນ 511.