ວັນທີ 18 ມີນາ 2021, ກົມສື່ມວນຊົນ ກົມໃຫຍ່ການເມືອງ ກະຊວງ ປກສ ໄດ້ຈັດກອງປະຊຸມສະຫຼຸບວຽກງານປະຈໍາປີ 2020 ແລະ ວາງທິດ ທາງແຜນການ ປະຈໍາປີ 2021,ໂດຍການເປັນປະທານ ຂອງ ພັອ ເພີນຄໍາ ແສງດາລາ ຫົວໜ້າກົມສື່ມວນຊົນ, ມີຮອງຫົວໜ້າກົມ, ພ້ອມດ້ວຍຫົວໜ້າພະ ແນກ ແລະ ພະນັກງນັກຮົບພາຍໃນກົມເຂົ້າຮ່ວມ.
ພັທ ພອນສະຫວັນ ອຸດົມເພັດ ຮອງຫົວໜ້າກົມສື່ມວນຊົນ ຜ່ານບົດສະຫຼຸບວ່າ :ໃນໄລຍະ 1 ປີຜ່ານມາ, ວຽກງານສື່ມວນຊົນໄດ້ເຄື່ອນໄຫວຕາມພາ ລະ ບົດບາດໃນການນໍາສະເໜິຂໍ້ມູນຂ່າວສານ, ເຫດການປະກົດການຫຍໍ້ທໍ້ ທີ່ເກີດຂຶ້ນໃນສັງຄົມຜ່ານໜັງສືພິມຄວາມສະຫົງບ, ວະລາສານ, ວິທະຍຸ ແລະໂທລະພາບ ເຊິ່ງສະແດງອອກໃນການລົງເຄື່ອນໄຫວເກັບເກັບຂໍ້ມູນຢູ່ພາຍໃນ ແລະ ຕ່າງແຂວງ ລວມ 5.896 ຄັ້ງ, ຂຽນຂ່າວໄດ້ 15.655 ຂ່າວ, ຂຽນບົດໄດ້ 2.386 ບົດຮັບຂ່າວຕ່າງແຂວງ ໄດ້ 4.872 ຄັ້ງ, ສໍາພາດພາກສ່ວນຕ່າງໆ ມີ 835 ຄັ້ງ, ເຕັກນິກຕັດຕໍ່ລາຍ ການ, ຂ່າວ-ບົດ ໄດ້ທັງໝົດ 5.610 ຄັ້ງ, ກວດແກ້ລາຍການ, ກວດແກ້ບົດ ໄດ້ 8.578 ຂ່າວ-ບົດ, ອັບຂ່າວລົງໜ້າເວບໄຊ. ນອກນັ້ນ, ໄດ້ເຄື່ອນໄຫວເກັບກໍາຂໍ້ມູນຂ່າວ ກ່ຽວ ກັບການແພ່ລະບາດຂອງໂຄວິດ-19, ຮັບໃຊ້ກອງປະຊຸມໃຫຍ່ຂອງກົມໃຫຍ່ການເມືອງ, ຂອງຄະນະພັກກະຊວງ ປກສ ແລະ ຮັບໃຊ້ວຽກງານອື່ນໆທີ່ປິ່ນອອ້ມ.
ເຖິງແມ່ນວ່າພະນັກງານນັກຮົບພາຍໃນກົມສື່ມວນຊົນ ສາມາດປະຕິບັດວຽກງານວິຊາສະເພາະໄດ້ສໍາເລັດຫຼາຍດ້ານດີພໍສົມຄວນ ແຕ່ກໍຍັງມີຂໍ້ຄົງຄ້າງຕ້ອງໄດ້ຮັບການແກ້ໄຂ ເປັນຕົ້ນ ແມ່ນການເຄື່ອນໄຫວເກັບກໍາຂໍ້ມູນຢູ່ກົມກອງຕ່າງໆບາງຄັ້ງຄາວຍັງຊັກຊ້າ, ເກັບກໍາຂໍ້ມູນບໍ່ລະອຽດ, ການຂຽນບົດ-ຂຽນຂ່າວຍັງບໍ່ທັນແຫຼມຄົມ ຍັງມີຂໍ້ຜິດພາດ ເປັນຕົ້ນແມ່ນ ຫົວຂໍ້, ຮູບພາບ, ຫຼັກໄວຍາກອນ, ສື່ເອເລັກໂຕຣນິກ ຍັງມີຂໍ້ຜິດພາດ ເປັນຕົ້ນແມ່ນ ເນື້ອໃນ, ພາບ-ສຽງ ບໍ່ຕໍ່ເນື່ອງເຮັດໃຫ້ມີການຕໍານິຈາກສັງຄົມ.
ໂອກາດນີ້, ຫົວໜ້າກົມສື່ມວນຊົນ ປກສ ກໍໄດ້ຊີ້ນໍາພະນັກງານ-ນັກຮົບ ສືບຕໍ່ປັບປຸງແບບແຜນວິທິເຮັດວຽກຂອງແຕ່ລະພະແນກ-ກອງ ໃຫ້ຮັດກຸມ ແລະ ສອດຄ່ອງກັບວິຊາສະເພາະ, ສືບຕໍ່ເອົາໃຈໃສ່ສຶກສາອົບຮົມການເມືອງແນວຄິດໃຫ້ແກ່ສະມາຊິກນາຍ ແລະ ພົນຕໍາຫຼວດ ຕາມແນວທາງນະໂຍ ບາຍຂອງພັກ ແລະ ລັດຖະບານໃຫ້ເລິກ ເຊິ່ງ ເພື່ອຕ້ານປະກົດການຫຍໍ້ທໍ້ຕ່າງໆ ທີ່ຈະເກີດຂຶ້ນໃນຖັນແຖວຂອງພະນັກງານນັກຮົບ.
ເອົາໃຈໃສ່ປັບປຸງວຽກງານສື່ມວນຊົນໃຫ້ມີການຫັນປ່ຽນໃໝ່ຢ່າງຕັ້ງໜ້າ ເຮັດໃຫ້ສື່ມວນຊົນ ປກສ ຫັນເຂົ້າສູ່ລະ ບົບທັນສະໄໝ ເພື່ອເຮັດໃຫ້ສັງຄົມບໍລິໂພກຂໍ້ມູນຂາ່ວສານຖືກຕ້ອງ, ວ່ອງໄວ ແລະ ຊັດເຈນ ພ້ອມທັງເຮັດໜ້າທີ່ຕ້ານກົນອຸບາຍຂອງກຸ່ມຄົນບໍ່ດີທີ່ໂຄສະນາໃສ່ຮ້າຍປ້າຍສີຕໍ່ແນວທາງນະ ໂຍບາຍຂອງພັກ ແລະ ລັດຖະບານ, ເອົາ ໃຈໃສ່ຍົກລະດັບຄວາມຮູ້ຄວາມສາມາດຂອງພະນັກງານຂ່າວໃຫ້ມີຄຸນນະພາບ, ຈັດຝຶກອົບຮົມກັບທີ່ ຫຼື ໄປຍົກລະ ດັບໄລຍະສັ້ນ ແລະ ໄລຍະຍາວທັງພາຍໃນ ແລະ ຕ່າງປະເທດ ເພື່ອນໍາເອົາຄວາມຮູ້ມາພັດທະນາຕົນເອງ ແລະ ກົມ ກອງໃຫ້ມີປະສິດ ທິພາບ.
ພາບ-ຂ່າວ: ບຸນຖີນ ນິລະໄຊ