ກະຊວງ ຖວທ ເຂົ້າອວຍພອນ ໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ

ວັນທີ 5 ເມສາ 2021,ທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ (ຖວທ) ພ້ອມຄະນະ ໄດ້ນໍາເອົາກະ ຕ່າດອກໄມ້ ເຂົ້າອວຍພອນ ການນໍາກະຊວງ ປກສ ເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນ ຄົບຮອບ 60 ປີ, ໂດຍການຕ້ອນຮັບຂອງ ພົຕ ວັນທອງ ກອງມະນີ ຮອງລັດຖະມົນຕີ, ຫົວໜ້າກົມໃຫຍ່ການເມືອງ ກະຊວງ ປກສ ພ້ອມດ້ວຍຄະນະ.

ທ່ານຮອງລັດຖະມົນຕີ ກະຊວງ ຖວທ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານໄຊຊະນະ ທີ່ທົ່ວກຳລັງປ້ອງກັນຄວາມສະຫງົບ ສາມາດຍາດໄດ້ໃນໄລຍະຜ່ານມາ ແລະ ເປັນກຳລັງທີ່ປະຕິບັດໜ້າທີ່ໃນການປົກປັກຮັກສຄວາມສະຫງົບ-ຄວາມປອດໄພໃຫ້ທົ່ວສັງຄົມ ກໍຄື ປະເທດຊາດໄວ້ຢ່າງໝັ້ນຄົງ. ພ້ອມນີ້, ທ່ານຍັງໄດ້ກ່າວຄຳອວຍພອນໄຊອັນປະເສີດໃຫ້ຄະນະນຳກະຊວງປ້ອງກັນຄວາມສະຫງົບ ຕະຫຼອດຮອດພະນັກງານນັກຮົບທົ່ວກຳລັງປ້ອງ ກັນຄວາມສະຫງົບ ຈົ່ງມີສຸຂະພາບແຂງແຮງ,ສືບຕໍ່ປະຕິບັດພາລະກິດວຽກງານອັນມີກຽດສະຫງ່າທີ່ພັກລັດ ແລະ ປະຊາຊົນມອບໝາຍໃຫ້,ສືບຕໍ່ພັດ ທະນາຖັນແຖວກຳລັງປ້ອງກັນຄວາມສະຫງົບໃຫ້ນັບມື້ນັບຂະຫຍາຍຕົວ,ກ້າວໜ້າທັນສະໄໝ ແລະ ເຕີບໃຫຍ່ເຂັ້ມແຂງຢ່າງສະຫງ່າຜ່າເຜີຍ.

ໃນໂອກາດນີ້, ພົຕ ວັນທອງ ກອງມະນີ ໄດ້ຕາງໜ້າໃຫ້ກະຊວງ ປກສ ສະແດງຄວາມຂອບໃຈຕໍ່ຄະນະນຳກະຊວງ ຖວທ ທີ່ເຫັນໄດ້ຄວາມໝາຍຄວາມສຳຄັນ ຂອງວຽກງານປ້ອງກັນຄວາມສະຫງົບ ແລະ ຖືເອົາໂອກາດດັ່ງກ່າວ,ອວຍພອນໄຊໃຫ້ຄະນະນຳກະຊວງ ຖວທ ຕະຫຼອດຮອດພະນັກງານ-ລັດຖະ ກອນພາຍໃນກະຊວງ ຈົ່ງມີສຸຂະພາບເຂັ້ມແຂງ ແລະ ພ້ອມກັນເຮັດສຳເລັດໜ້າທີ່ທີ່ພັກລັດມອບໝາຍໃຫ້ມີຜົນສໍາເລັດເປັນກ້າວໆ.

ນອກນັ້ນ, ຍັງມີບໍລິສັດ 3S ພັດທະນາ,ບໍລິສັດ ບໍລິການຝຶກຊ້ອມຍິງປືນ 5 ເມສາ,ບໍລິສັດ CEIEC, ກຸ່ມບໍລິສັດ AID, ບໍລິສັດຮ່ວມທຸລະກິດຕໍ່ແຜ່ນແພລາວ-ຫວຽດ, ບໍລິສັດ ລິດປັນຍາອອກແບບກໍ່ສ້າງ ຈໍາກັດຜູ້ດຽວ, ບໍລິສັດຄອງຊັບກໍ່ສ້າງຂົວທາງ ແລະ ບໍລິສັດ ດາວຈະເລີນກໍ່ສ້າງ ເຂົ້າອວຍພອນເນື່ອງໃນໂອກາດວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນ ອີກດ້ວຍ.

ພາບ-ຂ່າວ: ລັດດາວັນ ບຸດຕະວົງ