ສະຫະພັນແມ່ຍິງ ກະຊວງ ປກສ ຮັບການອວຍພອນໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ

ວັນທີ 6 ເມສາ 2021, ສະຫະພັນແມ່ຍິງ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າອວຍພອນຈາກສະ ຫະພັນແມ່ຍິງ 4 ກະຊວງ ຄື: ກະ ຊວງປ້ອງກັນປະເທດ,ກະຊວງສຶກສາທິການ ແລະ ກິລາ, ກະຊວງພະລັງງານ ແລະ ບໍ່ແຮ່, ກະຊວງກະສິກຳ ແລະ ປ່າໄມ້ ເນື່ອງໃນໂອກາດວັນສ້າງຕັ້ງກຳ ລັງປ້ອງກັນຄວາມສະຫົງບປະຊາຊົນ ຄົບຮອບ 60 ປີ, ໃຫ້ການຕ້ອນຮັບໂດຍ ພັອ ນາງ ຄຳຢາດ ວິໄລວັນ ປະທານສະຫະພັນແມ່ຍິງ ກະຊວງ ປກສ  ພ້ອມດ້ວຍຄະນະ.

ໃນໂອກາດນີ້, ພັອ ນາງ ໄພວອນ ອິນທະບຸດ ຫົວໜ້າຫ້ອງການສະຫະພັນແມ່ຍິງ ກະຊວງປ້ອງກັນປະເທດ, ທ່ານ ນາງ ບົວຄຳ ດາວສະຫັວນ ປະທານສະຫະພັນແມ່ຍິງ ກະຊວງສຶກສາທິການ ແລະ ກິລາ, ທ່ານ ນາງ ແສງເດືອນ ວົງອິນ ປະທານສະຫະ ພັນແມ່ຍິງ ກະຊວງ ພະລັງງານ ແລະ ບໍ່ແຮ່ ແລະ ທ່ານ ນາງ ແວວມະ ນີ ເທບພະວົງ ຮອງປະທານສະຫະພັນແມ່ຍິງ ກະຊວງກະສິກຳ ແລະ ປ່າໄມ້ ພ້ອມຄະນະ ໄດ້ສະແດງຄວາມຊົມເຊີຍຕໍ່ຜົນງານ ແລະ ໄຊຊະນະທີ່ກຳລັງປ້ອງກັນຄວາມສະຫົງບ ທີ່ຍາດມາໄດ້ຕະຫຼອດໄລຍະ 60 ປີຜ່ານມາ, ເຊິ່ງແມ່ນວັນທີ່ມີຄວາມໝາຍ-ຄວາມສຳຄັນປະຫວັດ ສາດທາງການເມືອງຂອງຊາດ, ຂອງພັກ ແລະ ຂອງກຳລັງ ປກສ ປະຊາຊົນ.

ກຳລັງປ້ອງກັນຄວາມສະຫງົບ ເປັນກຳລັງທີ່ໄວ້ເນື້ອເຊື້ອໃຈ, ເປັນກຳລັງແກ່ນສານຂອງການປະຕິບັດແນວທາງການປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ, ຮັບປະກັນຄວາມໝັ້ນຄົງຂອງຊາດ, ເວົ້າລວມ, ເວົ້າສະເພາະ ກໍແມ່ນການເອົາໃຈໃສ່ໃນວຽກງານວິຊາສະເພາະພາຍໃຕ້ຄວາມຮັບຜິດຊອບຂອງຕົນໃຫ້ບັນລຸຕາມເປົ້າໝາຍທີ່ວາງໄວ້.

ພ້ອມທັງອວຍພອນແດ່ຄະນະສະຫະພັນແມ່ນຍິງ ຕະຫຼອດຮອດສະມາຊິກແມ່ຍິງໃນກຳລັງປ້ອງກັນຄວາມສະຫງົບ ຈົ່ງມີສຸຂະພາບແຂງແຮງ, ສືບຕໍ່ປະຕິບັດໜ້າທີ່ວຽກງານວິຊາສະເພາະທີ່ໄດ້ຮັບມອບໝາຍໃຫ້ປະສົບຜົນສຳເລັດ.

ພ້ອມດຽວກັນນີ້, ພັອ ນາງ ຄຳຢາດ ວິໄລວັນ ໄດ້ກ່າວສະແດງຄວາມຂອບໃຈ ແລະ ອວຍພອນໃຫ້ສະຫະພັນແມ່ຍິງ 4 ກະຊວງ ຕະຫຼອດຮອດພະນັກ ງານທຸກສະຫາຍ ຈົ່ງມີສຸຂະພາບເຂັ້ມແຂງ, ພ້ອມທັງສືບຕໍ່ໃນການປະຕິບັດໜ້າທີ່ວຽກງານຂອງຕົນ ໃຫ້ຄວາມໜັກແໜ້ນເຂັ້ມແຂງທາງດ້ານການເມືອງແນວຄິດ ເພື່ອຮັບປະກັນໜ້າທີ່ການເມືອງໃນໄລຍະ  ໃໝ່ໃຫ້ໄດ້ຮັບໝາກຜົນເປັນກ້າວໆ.

ພາບ-ຂ່າວ: ບຸນພະຈັນ ຄຳແສນໂຄດ