ວັນທີ 24 ມິຖຸນາ 2021, ຢູ່ທີ່ເມືອງເງິນ ແຂວງໄຊຍະບູລີ ໄດ້ຫຼາຍພາກສ່ວນຍັງສືບຕໍ່ປະກອບສ່ວນໃນການຊ່ວຍເຫຼືອ ແລະ ຟື້ນຟູຊີວິດ-ຈິດໃຈຂອງຄອບຄົວຜູ້ຖືກນໍ້າຖ້ວມຢູ່ທີ່ເມືອງ ແລະ ແຂວງໄຊຍະບູລີ; ໃນນີ້, ມີດ່ານສາກົນນ້ຳເງິນ ຈຳນວນ 2.870.000 ກີບ, ຫ້ອງການ-ການເງິນເມືອງ 500.000 ກີບ, ກອງບັນຊາການ ປກສ ເມືອງ 500.000 ກີບ, ຫ້ອງການກະສິກຳ ແລະ ປ່າໄມ້ເມືອງເງິນ 250.000 ກີບ, ໂຮງໝໍຊຸມຊົນເມືອງເງິນ 230.000 ກີບ, ຫ້ອງການຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວເມືອງ 200.000 ກີບ, ຫ້ອງການກວດກາລັດ 100.000 ກີບ ລວມທັງໝົດ ຈໍານວນ 4.750.000 ກີບ.

ກ່າວຮັບໂດຍ ທ່ານ ບຸນເລື່ອນ ບົວໄລ ຮອງເຈົ້າເມືອງ ພ້ອມທັງກ່າວສະແດງຄວາມຂອບໃຈຕໍ່ພາກສ່ວນຕ່າງໆ ທີ່ເປັນຫ່ວງເປັນໃຍຕໍ່ປະຊາຊົນຊາວເມືອງເງິນ ແລະ ແຂວງໄຊຍະບູລີ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມຄັ້ງນີ້ ເພື່ອຊ່ວຍຟື້ນຟູຄວາມເສຍຫາຍຈາກໄພນໍ້າຖ້ວມໃຫ້ກັບມາສູ່ສະພາບປົກກະຕິ ແລະ ທ່ານຍັງກ່າວຕື່ມອີກວ່າ ບັນດາພາກສ່ວນຕ່າງໆ ບໍວ່າຈະເປັນສຳນັກງານ, ກົມກອງ, ຫ້ອງການ, ລັດວິສາຫະກິດ, ບັນດາບໍລີສັດ, ນັກທຸລະກິດ, ພໍ່ຄ້າຊາວຂາຍ, ຕະຫຼອດປະຊາຊົນບັນດາເຜົ່າຊາວເມືອງເງິນ; ຈຸດປະສົງຢາກຊ່ວຍເຫຼືອ ເປັນຕົ້ນ ເຄື່ອງນຸ່ງຮົ່ມ, ເຂົ້າສານ, ອາຫານແຫ້ງ, ນ້ຳດື່ມ, ທຶນຮອນ ແລະ ເຄື່ອງໃຊ້ທີ່ຈຳເປັນ ເພື່ອນຳໄປຊ່ວຍຊາວແຂວງໄຊຍະບູລີ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ ເຊິ່ງອໍານາດການປົກຄອງເມືອງໄດ້ຕັ້ງຈຸດຮັບບໍລິຈາກເຄື່ອງບັນເທົາທຸກ ຢູ່ທີ່ຫ້ອງວ່າການເມືອງເມືອງເງິນ.