ຫຼາຍພາກສ່ວນຊຸກຍູ້ເຄື່ອງບໍລິໂພກໃຫ້ຈຸດກວດກາພະຍາດໂຄວິດ-19 ເຂດຕໍ່ລະຫວ່າງເມືອງປາກງື່ມ ແລະ ເມືອງໄຊທານີ

0
51

ທ່ານ ສີວຽງແກ້ວ ທຳມະວົງ, ທ່ານ ວິໄລສອນ ສີນວນເພົາ, ທ່ານ ນາງ ແສງມະນີ ສີວັນນະເມທີ, ທ່ານ ອຳຄາ ໄມສິມມາລາ, ທ່ານພູມປັນຍາ ໄຊຊະນະ ແລະ ທີມນັກກິລາເພື່ອນຕຳຫຼວດ ໄດ້ນຳເອົານໍ້າດື່ມ, ກາເຟ ແລະ ໂອວັນຕິນ ໄປມອບໃຫ້ຈຸດກວດກາພະຍາດໂຄວິດ-19 ເຂດຕໍ່ລະຫວ່າງເມືອງປາກງື່ມ ແລະ ເມືອງໄຊທານີ ໃນວັນທີ 13 ກັນຍາ 2021.

ພັຕ ຄຳຜອງ ວົງພະຈັນ  ຮອງພະແນກສັນຕິບານ ປກສ ເມືອງປາກງື່ມ ໄດ້ຕາງໜ້າຄະນະຈຸດກວດກາການແພ່ລະບາດຂອງພະຍາດໂຄວິດ-19 ເຂດຕໍ່ລະຫວ່າງເມືອງປາກງື່ມ ຫາ ເມືອງໄຊທານີ ກ່າວສະແດງຄຳຂອບໃຈຕໍ່ ທ່ານ ສີວຽງແກ້ວ ທຳມະວົງ, ທ່ານ ວິໄລສອນ ສີນວນເພົາ, ທ່ານ ນາງ ແສງມະນີ ສີວັນນະເມທີ, ທ່ານ ອຳຄາ ໄມສິມມາລາ, ທ່ານ ພູມປັນຍາ ໄຊຊະນະ ແລະ ທີມກິລາເພື່ອນຕຳຫຼວດ ທີ່ໄດ້ນຳເອົານໍ້າດື່ມ, ກາເຟ ແລະ ໂອວິນຕິນ ມາມອບໃຫ້ຈຸດກວດກາພະຍາດໂຄວິດ-19 ແລະ ຂໍຢັ້ງຢືນວ່າ ຈະນຳພາອ້າຍນ້ອງທຸກສະຫາຍ ເຮັດວຽກງານວິຊາສະເພາະຕາມທີ່ຂັ້ນເທິງມອບໝາຍໃຫ້ສຳເລັດ.

ການມອບເຄື່ອງປະກອບສ່ວນໃນຄັ້ງນີ້ ເປັນການປະກອບສ່ວນທີ່ສຳຄັນເຂົ້າໃນວຽກງານຮັກສາຄວາມສະຫງົບ ແລະ ສະກັດກັ້ນການແພ່ລະບາດຂອງພະຍາດໂຄວິດ-19 ໃຫ້ຫຼຸດລົງ. ໃນໂອກາດດຽວກັນນີ້, ພັຕ ຄຳຜອງ ວົງພະຈັນ ຍັງໄດ້ອວຍພອນໃຫ້ບັນດາທ່ານທີ່ນຳເຄື່ອງມາມອບໃນຄັ້ງນີ້ ຈົ່ງມີສຸຂະພາບແຂງແຮງ, ປະສົບຜົນສຳເລັດໃນໜ້າທີ່ວຽກງານຕະຫຼອດໄປ ແລະ ຫວັງຢ່າງຍິງວ່າ ໂອກາດໜ້າຈະໄດ້ຮັບການຊຸກຍູ້ຕື່ມອີກ.

ຂ່າວ: ສຸກກັນຍາ