ກອງບັນຊາການ ປກສ ແຂວງຈຳປາສັກ ຈັດພິທີປະກາດໃຫ້ນາຍຕຳຫຼວດພັກການ-ຮັບອຸດໜູນບຳນານ ຂຶ້ນໃນວັນທີ 20 ກັນຍາ 2021,ເປັນປະທານໂດຍ ພັທ ສີວິໄລ ແກ້ວປະເສີດ ຮອງກອງບັນຊາການ ປກສ ແຂວງຈຳປາສັກ, ມີຄະນະພັກຄະນະບັນຊາ, ພະນັກງານຫຼັກແຫຼ່ງ ຕະຫຼອດຮອດນາຍຕຳຫຼວດທີ່ໄດ້ຮັບອຸດໜູນບຳນານ ເຂົ້າຮ່ວມ.
ໃນພິທີ ພັທ ຄຳພັນ ສີສະຫງ່າ ຮອງຫ້ອງການເມືອງ ປກສ ແຂວງຈຳປາສັກ ຂຶ້ນຜ່ານຂໍ້ຕົກລົງຂອງ ທ່ານລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍ ການອະນຸມັດໃຫ້ນາຍຕຳຫຼວດຢູ່ ກອງບັນຊາການ ປກສ ແຂວງຈຳປາສັກ ພັກການຮັບອຸດໜູນບຳນານ ເຊິ່ງລວມມີ 5 ສະຫາຍ:
- ພັທ ໂພສີ ສິມມະລີ ສັງກັດຢູ່ ກອງບັນຊາການ ປກສ ເມືອງຊະນະສົມບູນ
- ພັຕ ສຸກວິໄຊ ບຸນຈະເລີນ ສັງກັດຢູ່ ຫ້ອງຕຳຫຼວດ ປກສ ແຂວງຈຳປາສັກ
- ພັຕ ສີພູນ ສີຫາວົງ ສັງກັດຢູ່ ຫ້ອງຕຳຫຼວດ ປກສ ແຂວງຈຳປາສັກ
- ພັທ ວິຊຽນ ປັດຖາວິໄຊ ສັງກັດຢູ່ ກອງບັນຊາການ ປກສ ເມືອງຊະນະສົມບູນ
- ພັທ ບຸນໜາ ສາຍສິມມາ ສັງກັດຢູ່ກອງບັນຊາການ ປກສ ເມືອງຊະນະສົມບູນ
ທັງນີ້, ພັທ ສີວິໄລ ແກ້ວປະເສີດ ໄດ້ສະແດງຄວາມຍ້ອງຍໍຊົມເຊີຍຕໍ່ວຽກງານການເຄື່ອນໄຫວ ໃນການປະຕິບັດໜ້າທີ່ຂອງແຕ່ລະສະຫາຍທີ່ຍາດມາໄດ້ ໃນໄລຍະຜ່ານມາ, ເຊິ່ງມີຜົນສຳເລັດຕາມການມອບໝາຍ; ຈາກນັ້ນ, ທ່ານຍັງໄດ້ຮຽກຮ້ອງໃຫ້ບັນດາສະຫາຍທີ່ໄດ້ຮັບບຳນານໃນຄັ້ງນີ້ ເມື່ອກັບຄືນສູ້ຖິ່ນຖານຂອງຕົນແລ້ວ ຕ້ອງເປັນແບບຢ່າງທີ່ດີໃນການນຳພາປຸກລະດົມຂົນຂວາຍພໍ່-ແມ່ປະປາຊົນພາຍໃນທ້ອງຖິ່ນຂອງຕົນ ໃຫ້ມີສ່ວນຮ່ວມໃນການປະກອບສ່ວນເຂົ້າໃນວຽກງານ ປ້ອງກັນຊາດ-ປ້ອງກັນຄວາມສະຫງົບ ເພື່ອແນໃສ່ເຮັດໃຫ້ຢູ່ຂັ້ນຮາກຖານມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ.
